ଭୁବନେଶ୍ବର: ଓଡିଶାରେ ଜୁନିଅର ହକି ବିଶ୍ଵକପ ଆୟୋଜନ ହେବ। ଭୁବନେଶ୍ଵର କଳିଙ୍ଗ ଷ୍ଟାଡିୟମରେ ଏହି ଟୁର୍ଣ୍ଣାମେଣ୍ଟ ଖେଳାଯିବ। କୋଭିଡ କଟକଣା ଭିତରେ ଜୁନିଅର ହକି ବିଶ୍ଵକପ ଆୟୋଜନ ହେବ। ଖେଳାଳି ଓ ଖେଳାପ୍ରେମୀଙ୍କ ନିରାପତ୍ତା ପାଇଁ କୋଭିଡ କଟକଣାରେ ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ। ତେଣୁ ବିନା ଦର୍ଶକରେ ଖେଳାଯିବା ଏହି ଟୁର୍ଣ୍ଣାମେଣ୍ଟ। ହକିପ୍ରେମୀମାନେ ଟିଭି ମାଧ୍ୟମରେ ମ୍ୟାଚର ସିଧାପ୍ରସାରଣ ଦେଖିପାରିବେ।
ତେବେ ଏହି ଟୁର୍ଣ୍ଣାମେଣ୍ଟ ପାଇଁ ମୋଟ ୧୬ ଟି ଦେଶ ଅଂଶଗ୍ରହଣ କରିବେ। ନଭେମ୍ବର ୨୪ ତାରିଖରୁ ଏହି ପ୍ରତିଯୋଗୀତା ଆରମ୍ଭ ହେବାକୁ ଥିବା ବେଳେ ଡିସେମ୍ବର ୨ ତାରିଖରେ କ୍ଵାର୍ଟର ଫାଇନାଲ ମ୍ୟାଚ, ଡିସେମ୍ବର ୩ ତାରିଖରେ ସେମିଫାଇନାଲ ଏବଂ ଡିସେମ୍ବର ୫ ତାରିଖରେ ଫାଇନାଲ ମ୍ୟାଚ ଅନୁଷ୍ଠିତ ହେବ।
