ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳ ବର୍ତ୍ତମାନ ଟି-୨୦ ବିଶ୍ୱକପ ପୂର୍ବରୁ ଦକ୍ଷିଣ ଆଫ୍ରିକା ବିପକ୍ଷରେ ଟି -୨୦ ଏବଂ ଦିନିକିଆ ସିରିଜ୍ ଖେଳିବ। ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ତିନିଟି ଟି -୨୦ ମ୍ୟାଚ୍ ସିରିଜ୍ ସେପ୍ଟେମ୍ବର ୨୮ ତାରିଖରୁ ଆରମ୍ଭ ହେଉଛି। ଆସନ୍ତା ମାସରେ ଟିମ୍ ଇଣ୍ଡିଆ ମଧ୍ୟ ଦକ୍ଷିଣ ଆଫ୍ରିକା ସହିତ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଖେଳିବ। ଏହି ସିରିଜ୍ ପରେ ଭାରତୀୟ ଦଳ ଅକ୍ଟୋବର ୧୬ ତାରିଖରୁ ଅଷ୍ଟ୍ରେଲିଆରେ ହେବାକୁ ଥିବା ବିଶ୍ୱକପ ଅଭିମୁଖେ ଯାତ୍ରା କରିବ। ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ ପାଇଁ ଦଳ ଘୋଷଣା କରାଯାଇଛି। ବିସିସିଆଇ ମଧ୍ୟ ଟି-୨୦ ବିଶ୍ୱକପ ପାଇଁ ୧୫ ଜଣିଆ ଦଳ ଘୋଷଣା କରିଛି। ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ୍ ପାଇଁ ଟିମ୍ ଇଣ୍ଡିଆ ଏପର୍ଯ୍ୟନ୍ତ ମନୋନୀତ ହୋଇନାହିଁ।
ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜରେ ଅର୍ଶଦୀପ ସିଂଙ୍କୁ ବିଶ୍ରାମ ଦିଆଯାଇଥିଲା। ସେ ଦକ୍ଷିଣ ଆଫ୍ରିକା ବିପକ୍ଷରେ ଖେଳିବେ। ଏଥି ସହ ଦ୍ରୁତ ବୋଲର ଭୁବନେଶ୍ୱର କୁମାରଙ୍କୁ ଦକ୍ଷିଣ ଆଫ୍ରିକା ବିପକ୍ଷ ସିରିଜ ପାଇଁ ବିରତି ମିଳିଛି। ଭୁବନେଶ୍ୱରଙ୍କ ଅନୁପସ୍ଥିତିରେ ଦୀପକ ଚହର ଖେଳାଳି ଏକାଦଶରେ ସୁଯୋଗ ପାଇପାରନ୍ତି।
ଭାରତ ବନାମ ଦକ୍ଷିଣ ଆଫ୍ରିକା ଟି -୨୦ ସିରିଜ୍:
ସେପ୍ଟେମ୍ବର ୨୮ ତାରିଖ- ପ୍ରଥମ ଟି-୨୦, ତ୍ରିଭେନ୍ଦ୍ରମ
ଅକ୍ଟୋବର ୧ ତାରିଖ- ଦ୍ୱିତୀୟ ଟି-୨୦, ଗୁଆହାଟି
ଅକ୍ଟୋବର ୩ ତାରିଖ- ତୃତୀୟ ଟି-୨୦, ଇନ୍ଦୋର
ଭାରତ ବନାମ ଦକ୍ଷିଣ ଆଫ୍ରିକା ଦିନିକିଆ ସିରିଜ୍:
ଅକ୍ଟୋବର ୬ ତାରିଖ- ପ୍ରଥମ ଦିନିକିଆ- ରାଞ୍ଚି
ଅକ୍ଟୋବର ୯ ତାରିଖ- ୨ୟ ଦିନିକିଆ- ଲକ୍ଷ୍ନୌ
ଅକ୍ଟୋବର ୧୧ ତାରିଖ- ତୃତୀୟ ଦିନିକିଆ- ଦିଲ୍ଲୀ
ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ୍ ପାଇଁ ଟିମ୍ ଇଣ୍ଡିଆ: ରୋହିତ ଶର୍ମା (କ୍ୟାପଟେନ୍), କେ.ଏଲ୍ ରାହୁଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ଦୀପକ ହୁଡା, ଋଷଭ ପନ୍ତ, ଦୀନେଶ କାର୍ତ୍ତିକ, ଆର ଅଶ୍ୱିନ, ଅକ୍ସର ପଟେଲ, ୟୁଜବେନ୍ଦ୍ର ଚହଲ, ଜସପ୍ରୀତ ବୁମ୍ରା, ହର୍ଷଲ ପଟେଲ, ଅର୍ଶଦୀପ ସିଂ, ମହମ୍ମଦ ଶାମି, ଦୀପକ ଚହର।
