ନୂଆଦିଲ୍ଲୀ: ଶେଖ କମଲ ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଭାରତ ଏ’ ଏବଂ ବାଂଲାଦେଶ ଏ’ ମଧ୍ୟରେ ଚାଲିଥିବା ଚାରି ଦିନିଆ ଅନୌପଚାରିକ ଟେଷ୍ଟର ପ୍ରଥମ ଦିନରେ ଭାରତ ପ୍ରାଧାନ୍ୟ ବିସ୍ତାର କରିଛି। ଭାରତ ଟସ୍ ଜିତି ପ୍ରଥମେ ଫିଲ୍ଡିଂ କରିଥିଲା। ଭାରତୀୟ ଦଳର ଦ୍ରୁତ ବୋଲରଙ୍କ ସାମ୍ନାରେ ବାଂଲାଦେଶ ଖେଳାଳି ଖେଳିପାରିନଥିଲେ। ପୂରା ଦଳ ୧୧୨ ରନ୍ ରେ ଅଲ ଆଉଟ ହୋଇଯାଇଥିଲେ। ଭାରତ ପାଇଁ ସୌରଭ କୁମାର ସର୍ବାଧିକ ଚାରିଟି ୱିକେଟ୍ ନେଇଥିଲେ। ପ୍ରଥମ ଦିନର ଖେଳ ଶେଷ ହେବା ପରେ ଇଣ୍ଡିଆ ଏ କୌଣସି ୱିକେଟ୍ ହରାଇ ୧୨୦ ରନ୍ ସଂଗ୍ରହ କରିଥିଲା। ଟିମ୍ ଇଣ୍ଡିଆ ବ୍ୟାଟ୍ସମ୍ୟାନ୍ ଯଶସ୍ୱୀ ଜୟସ୍ଵାଲ ୬୧ ଓ ଅଭିମନ୍ୟୁ ଇଶ୍ୱର ୫୩ ରନ କରି ଅପରାଜିତ ଅଛନ୍ତି।
