ନୂଆଦିଲ୍ଲୀ: ଢାକାରେ ଖେଳାଯାଇଥିବା ଦ୍ଵିତୀୟ ଟେଷ୍ଟରେ ଭାରତ ବାଂଲାଦେଶକୁ ତିନି ୱିକେଟରେ ପରାସ୍ତ କରି ଦୁଇ ମ୍ୟାଚ୍ ବିଶିଷ୍ଟ ସିରିଜକୁ ୨-୦ରେ ଜିତି ନେଇଛି। ଏହି ସିରିଜରେ କ୍ଲିନ୍ ସୁଇପ୍ ପାଇବାର ଲାଭ ବିଶ୍ୱ ଟେଷ୍ଟ ଚାମ୍ପିଅନସିପ୍ ର ପଏଣ୍ଟ ଟେବୁଲରେ ଭାରତକୁ ମିଳିଛି ଏବଂ ବର୍ତ୍ତମାନ ଫାଇନାଲକୁ ଯିବାର ଆଶା ବଢିଛି। ଆସନ୍ତୁ ଜାଣିବା ଟେଷ୍ଟ ଚାମ୍ପିଅନସିପ୍ ପଏଣ୍ଟ ଟେବୁଲରେ ଭାରତର ବର୍ତ୍ତମାନର ସ୍ଥିତି କ’ଣ?
ଚଟଗାଓଁ ଟେଷ୍ଟରେ ଭାରତ ଜିତିଥିଲା ଏବଂ ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟରେ ଦକ୍ଷିଣ ଆଫ୍ରିକା ପରାସ୍ତ ହୋଇଥିଲା, ଏହା ପରେ ଭାରତ ଚାମ୍ପିଅନସିପର ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନ ଅଧିକାର କରିଥିଲା। ଏବେ ଢାକା ଟେଷ୍ଟ ଜିତି ମଧ୍ୟ ଦ୍ୱିତୀୟ ସ୍ଥାନରେ ଭାରତ ନିଜକୁ ମଜବୁତ କରିଛି। ଆଠଟି ବିଜୟ ଏବଂ ଦୁଇଟି ଡ୍ର ସହିତ ଭାରତ ୫୮.୯୩ ପ୍ରତିଶତ ପଏଣ୍ଟ ପାଇଛି। ୫୪.୫୫ ପ୍ରତିଶତ ଅଙ୍କ ସହ ଦକ୍ଷିଣ ଆଫ୍ରିକା ତୃତୀୟ ସ୍ଥାନରେ ପହଞ୍ଚିଛି। ୭୬.୯୨ ପ୍ରତିଶତ ଅଙ୍କ ସହ ଅଷ୍ଟ୍ରେଲିଆ ପ୍ରଥମ ସ୍ଥାନ ଅଧିକାର କରିଛି।
ବର୍ତ୍ତମାନ ଟେଷ୍ଟ ଚାମ୍ପିଅନସିପ ଫାଇନାଲକୁ ଯିବାକୁ କେବଳ ତିନୋଟି ଦଳ ଲଢୁଛନ୍ତି, ଯେଉଁଥିରେ ଅଷ୍ଟ୍ରେଲିଆ ଫାଇନାଲକୁ ଯିବା ନିଶ୍ଚିତ। ଦକ୍ଷିଣ ଆଫ୍ରିକା ଏବଂ ଭାରତକୁ ନିଜର ଭଲ ପ୍ରଦର୍ଶନ କରିବାକୁ ପଡ଼ିବ ଏବଂ ଫାଇନାଲ ପାଇଁ ଟିକେଟ୍ ପାଇବା ପାଇଁ ହେଲେ ଅନ୍ୟ ଦଳ ଖରାପ ପ୍ରଦର୍ଶନ ଉପପାରେ ମଧ୍ୟ ନଜର ରହିବ। ଆସନ୍ତା ବର୍ଷ ଅଷ୍ଟ୍ରେଲିଆ ବିପକ୍ଷରେ ଭାରତ ଘରୋଇ ଟେଷ୍ଟ ସିରିଜ୍ ଖେଳିବାକୁ ପଡିବ, ଯାହା ସେମାନଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବ। ଯଦି ଏହି ସିରିଜରେ ଭାରତ ଭଲ ପ୍ରଦର୍ଶନ କରେ, ତେବେ ସେମାନେ ଟେଷ୍ଟ ଚାମ୍ପିଅନସିପରେ ଗୁରୁତ୍ୱପୂର୍ଣ୍ଣ ପଏଣ୍ଟ ପାଇବେ ଏବଂ ଫାଇନାଲକୁ ଯିବାର ଆଶା ଆହୁରି ମଜବୁତ ହେବ।
