ନୂଆଦିଲ୍ଲୀ: ପାକିସ୍ତାନ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ ଡ୍ରରେ ଶେଷ ହୋଇଛି। ବ୍ୟାଟ୍ସମ୍ୟାନମାନେ ମ୍ୟାଚ୍ ଉପରେ ସମ୍ପୂର୍ଣ୍ଣ ପ୍ରାଧାନ୍ୟ ବିସ୍ତାର କରିଥିଲେ ଏବଂ ମ୍ୟାଚ୍ ଡ୍ର ହେବା ପରେ ବିଶ୍ୱ ଟେଷ୍ଟ ଚାମ୍ପିଅନସିପ୍ ର ପଏଣ୍ଟ ଟେବୁଲରେ ଅଧିକ ପରିବର୍ତ୍ତନ ଦେଖିବାକୁ ମିଳି ନଥିଲା। ଏହି ଉଭୟ ଦଳ ବର୍ତ୍ତମାନ ଫାଇନାଲ ପାଇଁ ଦୌଡରୁ ବାଦପଡିରିଛନ୍ତି, ତେଣୁ ସେମାନଙ୍କ ମଧ୍ୟରେ ସିରିଜ୍ ଫାଇନାଲରେ କୌଣସି ପ୍ରଭାବ ପକାଇବ ନାହିଁ। ପଏଣ୍ଟ ଟେବୁଲର ତାଜା ସ୍ଥିତି କ’ଣ ଆସନ୍ତୁ ଜାଣିବା….
ପଏଣ୍ଟ ଟେବୁଲରେ ପାକିସ୍ତାନ ଏବଂ ନ୍ୟୁଜିଲ୍ୟାଣ୍ଡର ସ୍ଥିତି:
ଏହି ଟେଷ୍ଟ ଚାମ୍ପିୟନଶିପ୍ର ଷଷ୍ଠ ତଥା ଶେଷ ସିରିଜ୍ ପାକିସ୍ତାନ ଖେଳୁଛି। ଏପର୍ଯ୍ୟନ୍ତ ସେମାନେ ଚାରିଟି ମ୍ୟାଚ୍ ଜିତି ୬ ଟି ମ୍ୟାଚରେ ହାରିଛନ୍ତି। ତିନୋଟି ମ୍ୟାଚ୍ ଡ୍ର ହୋଇଛି। ପାକିସ୍ତାନ ମୋଟ ୬୦ ପଏଣ୍ଟ ହାସଲ କରିଛି, କିନ୍ତୁ ସେମାନଙ୍କର ସ୍କୋର ପ୍ରତିଶତ ମାତ୍ର ୩୮.୪୬ ରହିଛି ଏବଂ ସେମାନେ ସପ୍ତମ ସ୍ଥାନରେ ଅଛନ୍ତି। ଟେଷ୍ଟ ଚାମ୍ପିଅନସିପ୍ର ପ୍ରଥମ ସିଜିନର ଚାମ୍ପିଅନ୍ ନ୍ୟୁଜିଲ୍ୟାଣ୍ଡ ପଞ୍ଚମ ସିରିଜ୍ ଖେଳୁଛି। କିୱି ଦଳ ଏପର୍ଯ୍ୟନ୍ତ ଦୁଇଟି ମ୍ୟାଚ୍ ଜିତି ୬ ଟି ମ୍ୟାଚରେ ହାରିଛି। ସେମାନେ ଦୁଇଟି ଡ୍ର ମଧ୍ୟ ରଖିଛନ୍ତି। ସେମାନେ ସମୁଦାୟ ୩୨ ପଏଣ୍ଟ ପାଇଛନ୍ତି ଏବଂ ତାଙ୍କର ଅଙ୍କ ପ୍ରତିଶତ ୨୬.୬୭ ରହିଛି । କିୱି ଦଳ ପଏଣ୍ଟ ଟେବୁଲରେ ଅଷ୍ଟମ ସ୍ଥାନରେ ରହିଛି।
ଅଷ୍ଟ୍ରେଲିଆ ଏବଂ ଭାରତର ଫାଇନାଲକୁ ଯିବାର ଆଶା ଅଛି:
ପଞ୍ଚମ ସିରିଜ୍ ଖେଳୁଥିବା ଅଷ୍ଟ୍ରେଲିଆ ଫାଇନାଲରେ ନିଜର ସ୍ଥାନ ନିଶ୍ଚିତ କରିଛି। କଙ୍ଗାରୁ ଦଳ ୧୦ ଟି ମ୍ୟାଚ୍ ଜିତି କେବଳ ଗୋଟିଏ ମ୍ୟାଚ୍ ହାରିଛି। ଅଷ୍ଟ୍ରେଲିଆ ୭୮.୫୭ ପଏଣ୍ଟ ସହିତ ଯଦି ପରବର୍ତ୍ତୀ ପାଞ୍ଚଟି ଟେଷ୍ଟ ମଧ୍ୟରୁ ଗୋଟିଏରେ ଜିତେ କିମ୍ବା ଡ୍ର ରଖେ, ତେବେ ସେମାନେ ଫାଇନାଲରେ ପ୍ରବେଶ କରିବେ। ଭାରତୀୟ ଦଳ ମଧ୍ୟ ଫାଇନାଲକୁ ଯିବାର ଏକ ଭଲ ସୁଯୋଗ ରହିଛି। ଭାରତ ପାଞ୍ଚଟି ସିରିଜରେ ଆଠଟି ମ୍ୟାଚ୍ ଜିତି ଚାରିଟି ହାରିଛି। ଭାରତୀୟ ଦଳର ୫୮.୯୩ ପ୍ରତିଶତ ଅଙ୍କ ରହିଛି। ଦକ୍ଷିଣ ଆଫ୍ରିକାର କ୍ରମାଗତ ଦୁଇଟି ମ୍ୟାଚ୍ ହାରିବାର ଯୋଗୁଁ ଭାରତୀୟ ଦଳକୁ ଅନେକ ସୁବିଧା ମିଳିଛି।
