ନୂଆଦିଲ୍ଲୀ: ୨୦୨୩ ବର୍ଷର ଆରମ୍ଭ ସହିତ ଜାନୁଆରୀ ମାସରେ ଭାରତୀୟ କ୍ରିକେଟ୍ ର କାର୍ଯ୍ୟସୂଚୀ ବହୁତ ବ୍ୟସ୍ତ ଥିଲା, ଫେବୃଆରୀ ମାସରେ ମଧ୍ୟ ଏହିପରି କିଛି ଦେଖାଯିବ। ଭାରତୀୟ ଦଳ ଚଳିତ ମାସରୁ ନ୍ୟୁଜିଲ୍ୟାଣ୍ଡ ବିପକ୍ଷ ଟି-୨୦ ମ୍ୟାଚ୍ ଆରମ୍ଭ କରିବ। ଏହା ପରେ ଟିମ୍ ଇଣ୍ଡିଆକୁ ଅଷ୍ଟ୍ରେଲିଆ ବିପକ୍ଷରେ ୪ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳିବାକୁ ପଡିବ।
ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ୪ ମ୍ୟାଚ୍ ବିଶିଷ୍ଟ ବର୍ଡର-ଗାଭାସ୍କର ଟେଷ୍ଟ ସିରିଜ୍ ଫେବୃଆରୀ ୯ ତାରିଖରେ ଆରମ୍ଭ ହୋଇଥିବାବେଳେ ସିରିଜର ଦ୍ୱିତୀୟ ମ୍ୟାଚ୍ ଫେବୃଆରୀ ୧୭ ତାରିଖରୁ ଖେଳାଯିବ। ଅନ୍ୟପକ୍ଷରେ, ଯଦି ଆମେ ଭାରତୀୟ ମହିଳା ଦଳ ବିଷୟରେ କଥା ହେବା, ତେବେ ଫେବୃଆରୀ ମାସ ମଧ୍ୟ ସେମାନଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବ।
ଏହି ମାସରେ ଭାରତୀୟ ମହିଳା ଦଳ ଦକ୍ଷିଣ ଆଫ୍ରିକାରେ ଖେଳାଯିବାକୁ ଥିବା ଆଇସିସି ମହିଳା ଟି-୨୦ ବିଶ୍ୱକପରେ ଭାଗ ନେବ। ଭାରତୀୟ ମହିଳା ଦଳ ଏହି ମେଗା ଇଭେଣ୍ଟରେ ଫେବୃଆରୀ ୧୨ ତାରିଖରେ ପାକିସ୍ତାନ ବିପକ୍ଷ ମ୍ୟାଚ୍ ସହିତ ଅଭିଯାନ ଆରମ୍ଭ କରିବ।
ଭାରତୀୟ ପୁରୁଷ ଏବଂ ମହିଳା କ୍ରିକେଟ୍ ଦଳର ଫେବୃଆରୀ କାର୍ଯ୍ୟସୂଚୀ:
ଭାରତୀୟ ମହିଳା କ୍ରିକେଟ୍ ଦଳର ପ୍ରଦର୍ଶନକୁ ଚଳିତ ମାସରେ ସମସ୍ତଙ୍କର ନଜର ରହିବ ଏବଂ ଟି-୨୦ ବିଶ୍ୱକପ ପୂର୍ବରୁ ଏହାର ପ୍ରସ୍ତୁତି ପରୀକ୍ଷା କରିବାକୁ ଦକ୍ଷିଣ ଆଫ୍ରିକାରେ ମଧ୍ୟ ଏକ ତ୍ରିରାଷ୍ଟ୍ରୀୟ ସିରିଜ୍ ଖେଳୁଛି। ଏହି ତ୍ରିରାଷ୍ଟ୍ରୀୟ-ସିରିଜର ଅନ୍ତିମ ମ୍ୟାଚ୍ ଫେବୃଆରୀ ୨ ତାରିଖରେ ଆୟୋଜକ ଦକ୍ଷିଣ ଆଫ୍ରିକା ଏବଂ ଭାରତ ମଧ୍ୟରେ ଖେଳାଯିବ।
ଫେବୃଆରୀ ମାସରେ ଭାରତୀୟ ପୁରୁଷ ଦଳର ସମ୍ପୂର୍ଣ୍ଣ କାର୍ଯ୍ୟସୂଚୀ:
ଫେବୃଆରୀ ୧ ତାରିଖ- ଭାରତ ବନାମ ନ୍ୟୁଜିଲ୍ୟାଣ୍ଡ (୨ୟ ଟି-୨୦, ଅହମ୍ମଦାବାଦ)
ଫେବୃଆରୀ ୯ ରୁ ୧୩ ତାରିଖ- ଭାରତ ବନାମ ଅଷ୍ଟ୍ରେଲିଆ (ପ୍ରଥମ ଟେଷ୍ଟ, ନାଗପୁର)
ଫେବୃଆରୀ ୧୭ ରୁ ୨୧ ତାରିଖ- ଭାରତ ଅଷ୍ଟ୍ରେଲିଆ (ଦ୍ୱିତୀୟ ଟେଷ୍ଟ, ଦିଲ୍ଲୀ)
ଫେବୃଆରୀ ମାସରେ ଭାରତୀୟ ମହିଳା କ୍ରିକେଟ୍ ଦଳର ସମ୍ପୂର୍ଣ୍ଣ କାର୍ଯ୍ୟସୂଚୀ:
ଫେବୃଆରୀ ୨ ତାରିଖ- ଦକ୍ଷିଣ ଆଫ୍ରିକା ବନାମ ଭାରତ (ତ୍ରିକୋଣୀୟ ସିରିଜ୍ ଫାଇନାଲ୍)
ଫେବୃଆରୀ ୬ ତାରିଖ- ଭାରତ ବନାମ ଅଷ୍ଟ୍ରେଲିଆ (ଟି-୨୦ ବିଶ୍ୱକପ ୱାର୍ମ ଅପ୍ ମ୍ୟାଚ୍)
ଫେବୃଆରୀ ୮ ତାରିଖ- ଭାରତ ବନାମ ବାଂଲାଦେଶ (ଟି-୨୦ ବିଶ୍ୱକପ ୱାର୍ମ ଅପ୍ ମ୍ୟାଚ୍)
ଫେବୃଆରୀ ୧୨ ତାରିଖ- ଭାରତ ବନାମ ପାକିସ୍ତାନ (ଟି-୨୦ ବିଶ୍ୱକପ, ଗ୍ରୁପ୍-ବି)
ଫେବୃଆରୀ ୧୫ ତାରିଖ- ଭାରତ ବନାମ ୱେଷ୍ଟଇଣ୍ଡିଜ୍ (ଟି-୨୦ ବିଶ୍ୱକପ୍, ଗ୍ରୁପ୍-ବି)
ଫେବୃଆରୀ ୧୮ ତାରିଖ- ଭାରତ ବନାମ ଇଂଲଣ୍ଡ (ଟି-୨୦ ବିଶ୍ୱକପ, ଗ୍ରୁପ୍-ବି)
ଫେବୃଆରୀ ୨୦ ତାରିଖ- ଭାରତ ବନାମ ଆୟର୍ଲାଣ୍ଡ (ଟି-୨୦ ବିଶ୍ୱକପ, ଗ୍ରୁପ୍ ବି)
