ନୂଆଦିଲ୍ଲୀ: ବର୍ଡର-ଗାଭାସ୍କର ଟ୍ରଫି ୨୦୨୩ ଶେଷ ହୋଇଛି। ପୁଣିଥରେ ଟିମ୍ ଇଣ୍ଡିଆ ଟ୍ରଫି ଜିତିଛି। ଚାରି ଟେଷ୍ଟ ସିରିଜରେ ଭାରତୀୟ ଦଳ ୨-୧ରେ ଜିତିଛି। ଭାରତୀୟ ଦଳ କ୍ରମାଗତ ଚତୁର୍ଥ ଥର ପାଇଁ ଏହି ଟ୍ରଫି ଜିତିଛି। ଏଥର ଟ୍ରଫି ବହୁତ ରୋମାଞ୍ଚକର ଥିଲା। ପ୍ରଥମ ତିନୋଟି ମ୍ୟାଚରେ ସ୍ପିନ୍ ପିଚ୍ ଦେଖିବାକୁ ମିଳିଥିଲା। ଏଥି ସହିତ ଶେଷ ମ୍ୟାଚରେ ବ୍ୟାଟିଂ ପିଚ୍ ଦେଖିବାକୁ ମିଳିଥିଲା। ଏହି ଟ୍ରଫିରେ ଆର ଅଶ୍ୱିନ୍ ସର୍ବାଧିକ ୨୫ ଟି ୱିକେଟ୍ ନେଇଥିଲେ ଏବଂ ଉସମାନା ଖାୱାଜା ୩୩୩ ରନ୍ ସହ ସର୍ବାଧିକ ସ୍କୋରର ହୋଇଥିଲେ। ଆସନ୍ତୁ ଜାଣିବା ଏହି ଟ୍ରଫିର କିଛି ଗୁରୁତ୍ୱପୂର୍ଣ୍ଣ ରେକର୍ଡ….
୧- ଏହି ଟ୍ରଫିରେ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ ଉସମାନ ଖାୱାଜା ସର୍ବାଧିକ ରନ୍ ସ୍କୋର କରିଥିଲେ। ସେ ହାରାହାରି ୪୭.୫୭ ରେ ୪ ଟି ମ୍ୟାଚର ୭ ଇନିଂସରେ ମୋଟ ୩୩୩ ରନ୍ ସ୍କୋର କରିଥିଲେ। ଏଥିରେ ସେ ୧ ଶତକ ଏବଂ ୨ ଅର୍ଦ୍ଧଶତକ ହାସଲ କରିଥିଲେ।
୨- ଏହି ଟ୍ରଫିରେ ଭାରତୀୟ ସ୍ପିନର ଆର ଅଶ୍ୱିନ ସର୍ବାଧିକ ୱିକେଟ୍ ନେଇଥିଲେ। ଅଶ୍ୱିନ ହାରାହାରି ୧୭.୨୮ ରେ ୪ ଟି ମ୍ୟାଚର ୮ ଇନିଂସରେ ୨୫ ଟି ୱିକେଟ୍ ନେଇଥିଲେ।
୩- ଏହି ସିରିଜର ଗୋଟିଏ ଇନିଂସରେ ବିରାଟ କୋହଲି ସର୍ବାଧିକ ରନ୍ ସ୍କୋର କରିଥିଲେ। ସେ ୧୫ ଟି ଚୌକା ସହାୟତାରେ ୧୮୬ ରନ୍ ଇନିଂସ ଖେଳିଥିଲେ।
୪- ଏହି ସିରିଜରେ ଅକ୍ସର ପଟେଲ ଗୋଟିଏ ଇନିଂସରେ ସର୍ବାଧିକ ଛକା ମାରିଛନ୍ତି। ସେ ଗୋଟିଏ ଇନିଂସରେ ସର୍ବାଧିକ ୪ ଟି ଛକା ମାରିଥିଲେ।
୫- ଉସମାନ ଖାୱାଜା ଚୌକା ଓ ଛକା ସହାୟତାରେ ଗୋଟିଏ ଇନିଂସରେ ସର୍ବାଧିକ ୮୬ ରନ୍ ସଂଗ୍ରହ କରିଥିଲେ। ଖାୱାଜା ତାଙ୍କ ଇନିଂସରେ ମୋଟ ୨୧ ଟି ଚୌକା ମାରିଥିଲେ।
୬- ଗୋଟିଏ ଇନିଂସରେ ସର୍ବାଧିକ ୱିକେଟ୍ ନେଇ ନାଥନ୍ ଲିଅନ୍ ତାଲିକାର ଶୀର୍ଷରେ ରହିଛନ୍ତି। ସେ ଗୋଟିଏ ଇନିଂସରେ ୮ ଟି ୱିକେଟ୍ ନେଇଥିଲେ।
୭- ଗୋଟିଏ ମ୍ୟାଚ୍ରେ ସର୍ବାଧିକ ୱିକେଟ୍ ନେଇଥିବା ରେକର୍ଡ ନାଥନ୍ ଲିଓନ୍ ଙ୍କ ନାମରେ ମଧ୍ୟ ରହିଥିଲା। ସେ ଗୋଟିଏ ମ୍ୟାଚରେ ମୋଟ ୧୧ ଟି ୱିକେଟ୍ ନେଇଥିଲେ।
୮- ୱିକେଟ୍ ପଛରୁ କେ.ଏସ୍ ଭରତ ସର୍ବାଧିକ ୮ ଜଣ ବ୍ୟାଟ୍ସମ୍ୟାନ୍ ଙ୍କୁ ପାଭିଲିଅନ୍ ରାସ୍ତା ଦେଖାଇଥିଲେ।
୯- ସିରିଜରେ ଫିଲ୍ଡିଂ କରୁଥିବାବେଳେ ବିରାଟ କୋହଲି ସର୍ବାଧିକ ୫ ଟି କ୍ୟାଚ୍ ନେଇଥିଲେ।
୧୦- ୨୦୮ ରନର ସବୁଠାରୁ ବଡ ଭାଗିଦାରୀ ଏହି ସିରିଜରେ ଉସମାନ ଖାୱାଜା ଏବଂ କ୍ୟାମେରନ୍ ଗ୍ରୀନ୍ ମଧ୍ୟରେ ହୋଇଥିଲା। ଉଭୟଙ୍କ ମଧ୍ୟରେ ଏହି ଭାଗିଦାରୀ ପଞ୍ଚମ ୱିକେଟ୍ ପାଇଁ ହୋଇଥିଲା।