ବେଙ୍ଗାଲୁରୁ : ଭାରତୀୟ କ୍ରିକେଟର ରାହୁଲ ଦ୍ରାବିଡଙ୍କ ପୁଅ ସମିତ ଦ୍ରାବିଡ 14 ବର୍ଷରୁ କମ୍ କ୍ରିକେଟରେ ନିଜର ଚମତ୍କାର ପ୍ରଦର୍ଶନ ଜାରି ରଖିଛନ୍ତି । ବିଗତ ଦୁଇ ମାସ ମଧ୍ୟରେ ସମିତ ଦୁଇଟି ଦ୍ବିଶତକ ହାସଲ କରିଥିବା ବେଳେ ମଙ୍ଗଳବାର ପୁଣି ଏକ ଶତକ ହାସଲ କରିଛନ୍ତି । ମାଲ୍ୟା ଅଦିତି ଇଣ୍ଟରନ୍ୟାସନାଲ ସ୍କୁଲ ପକ୍ଷରୁ ଖେଳୁଥିବା ସମିତଙ୍କ ଅଲରାଉଣ୍ଡ ସଫଳତା ବଳରେ ଡିଭିଜନ୍-2 ଟୁର୍ଣ୍ଣାମେଣ୍ଟର ସେମିରେ ପ୍ରବେଶ କରିଛି ସ୍କୁଲ । ସମିତ 131ଟି ବଲ୍ର ସମ୍ମୁଖୀନ ହୋଇ 24ଟି ଚୌକା ସହାୟତାରେ 166 ରନ୍ ସଂଗ୍ରହ କରିଥିଲେ । ମାଲ୍ୟା ଅଦିତି ସ୍କୁଲ 50 ଓଭରର 330 ରନ୍ ସଂଗ୍ରହ କରିଥିବା ବେଳେ ସମିତଙ୍କ 4 ଓ୍ବିକେଟ ସଫଳତା କାରଣରୁ ପ୍ରତିପକ୍ଷ ଦଳ ମାତ୍ର 182 ରନ୍ରେ ଅଲ୍ଆଉଟ୍ ହୋଇଯାଇଥିଲା । (ଏଜେନ୍ସି)
Tags: rahuldravid, samitdravid
