ଲଣ୍ଡନ : ଇଂଲଣ୍ଡର ବିଶ୍ବକପ୍ ବିଜୟୀ ଦଳର ସଦସ୍ୟ ବେନ୍ ଷ୍ଟୋକ୍ସ ଏବଂ ଜୋସ୍ ବଟ୍ଲରଙ୍କୁ ରାଜକୀୟ ସମ୍ମାନରେ ସମ୍ମାନିତ କରାଯାଇଛି । ଇଂଲଣ୍ଡର ରାଜପ୍ରସାଦ ବକିଂହାମ୍ ପ୍ୟାଲେସ୍ରେ ଉଭୟ ଷ୍ଟୋକ୍ସ ଏବଂ ବଟ୍ଲରଙ୍କୁ ସମ୍ମାନିତ କରାଯାଇଛି । ମଙ୍ଗଳବାର ସନ୍ଧ୍ୟାରେ ପ୍ରିନ୍ସ ଓ୍ବିଲିୟମ୍ସ ଉଭୟ ଖେଳାଳିଙ୍କୁ ସମ୍ମାନିତ କରିଥିଲେ । ଏହି ଦୁଇ ଜଣଙ୍କୁ ନ୍ୟୁ ଇୟର୍ସ ଅନର୍ସ ଲିଷ୍ଟ ସମ୍ମାନରେ ସମ୍ମାନିତ କରାଯାଇଛି । ଏହି ଦୁଇ ଖେଳାଳିଙ୍କ ବ୍ୟତିତ ଜୋ ରୁଟ୍, ଇଓନ୍ ମୋର୍ଗାନ ଏବଂ ଟ୍ରେଭର୍ ବେଲିସ୍ଙ୍କୁ ସମ୍ମାନିତ କରାଯିବା ନେଇ ଘୋଷଣା କରାଯାଇଛି । ଉଲ୍ଲେଖଯୋଗ୍ୟ ଯେ, ରୁଟ୍, ମୋର୍ଗାନ୍, ବଟ୍ଲର ଏବଂ ଷ୍ଟୋକ୍ସ ଇଂଲଣ୍ଡ ଦଳର ସଦସ୍ୟ ରହିଥିବା ବେଳେ ଟ୍ରେଭର ବେଲିସ୍ ଏହି ଦଳର କୋଚ୍ ରହିଥିଲେ ।
