ଭୁବନେଶ୍ବର, ବର୍ତ୍ତମାନ ଗ୍ରାମାଞ୍ଚଳରେ କରୋନା ଧିରେଧିରେ କାୟା ବିସ୍ତାର କରିବାରେ ଲାଗିଲାଣି। ଏପରି କ୍ଷେତ୍ରରେ ପ୍ରତିଟି ଗାଁ ପାଇଁ ସାହା ଭରସା ହେଉଛନ୍ତି ଅଙ୍ଗନବାଡି ଓ ଆଶା କର୍ମି। ସେଥିପାଇଁ ଏପରି ମହାମାରୀକୁ ମୁକାବିଲା କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଙ୍ଗନବାଡି ଏବଂ ଆଶା କର୍ମିଙ୍କୁ ସହଯୋଗ ପାଇଁ ଅନୁରୋଧ କରିଥିଲେ। ଏଥିପାଇଁ ମଧ୍ୟ ମୁଖ୍ୟମନ୍ତ୍ରୀ ପାରିଶ୍ରମିକର ବ୍ୟବସ୍ଥା ଘୋଷଣା କରିଛନ୍ତି।
ମୁଖ୍ୟମନ୍ତ୍ରୀଙ୍କ ଏହି ଡାକରାରେ ଓଡିଶାର ଅଙ୍ଗନବାଡି କର୍ମିମାନେ ବର୍ତ୍ତମାନ ଘରକୁ ଘର ବୁଲି ସର୍ଭେ କାର୍ଯ୍ୟ ଆରମ୍ଭ କରିଛନ୍ତି। କାହା ଘରେ କାହାର ତାପମାତ୍ରା କେତେ ଅଛି ତାହା ମାପିବା ସହିତ ବିଭିନ୍ନ ପ୍ରଶ୍ନ ପଚାରି ତଥ୍ୟ ସଂଗ୍ରହ କରୁଛନ୍ତି। ଏହା ଫଳରେ କରୋନା ସଂକ୍ରାମଣକୁ ପ୍ରାଥମିକ ସ୍ତରରେ ନିୟନ୍ତ୍ରଣ କରାଯାଇପାରିବ ବୋଲି ଆଶା କରାଯାଉଛି।