ନୂଆଦିଲ୍ଲୀ: ପ୍ରଥମ ଦିନିକିଆରେ ୫ ୱିକେଟ୍ ରେ ହାରିବା ପରେ ଅଷ୍ଟ୍ରେଲିଆ ଦଳ ବଡ଼ ପରିବର୍ତ୍ତନ ସହିତ ଦ୍ୱିତୀୟ ଦିନିକିଆରେ ପ୍ରବେଶ କରିପାରେ। ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ୍ ଆସନ୍ତାକାଲି ଇନ୍ଦୋରର ହୋଲକର ଷ୍ଟାଡିୟମରେ ଖେଳାଯିବ। ଏହି ମ୍ୟାଚରେ ଅଷ୍ଟ୍ରେଲିଆର ଖେଳାଳି ଏକାଦଶ କିପରି ହୋଇପାରେ ଜାଣନ୍ତୁ…
ପ୍ରଥମ ODI ରେ ଅଷ୍ଟ୍ରେଲିଆର ଦୁର୍ବଳ ଥିଲା ବୋଲିଂ ବିଭାଗ:
ପ୍ରଥମ ଦିନିକିଆରେ ଅଷ୍ଟ୍ରେଲିଆ ଦଳର ବୋଲିଂ ବହୁତ ଦୁର୍ବଳ ଦେଖାଯାଉଥିଲା। ଦଳ କେବଳ ଗୋଟିଏ ମୁଖ୍ୟ ଦ୍ରୁତ ବୋଲର ଏବଂ ଜଣେ ମୁଖ୍ୟ ସ୍ପିନରଙ୍କ ସହ ପ୍ରବେଶ କରିଥିଲା। ଅବଶିଷ୍ଟ ସମସ୍ତେ ଅଲରାଉଣ୍ଡର ଥିଲେ। ଏଭଳି ପରିସ୍ଥିତିରେ ଦଳ ଦ୍ୱିତୀୟ ଦିନିକିଆରେ ବୋଲିଂ ବିଭାଗରେ ପରିବର୍ତ୍ତନ ଆଣିପାରେ।
ଏହି ‘ଭାରତୀୟ’ ସ୍ପିନରଙ୍କୁ ସୁଯୋଗ ମିଳିପାରେ:
ଇନ୍ଦୋରର ହୋଲକର ଷ୍ଟାଡିୟମରେ ଖେଳାଯିବାକୁ ଥିବା ଦ୍ୱିତୀୟ ଦିନିକିଆରେ ଖେଳାଳି ଏକାଦଶରେ ଭାରତୀୟ ମୂଳ ଲେଗ ସ୍ପିନର ତନଭୀର ସାଙ୍ଘାଙ୍କୁ ସୁଯୋଗ ମିଳିପାରେ। ମାଥ୍ୟୁ ସର୍ଟଙ୍କ ସ୍ଥାନରେ ସାଙ୍ଘା ଖେଳାଳି ଏକାଦଶରେ ସାମିଲ ହୋଇପାରନ୍ତି। ଏହା ବ୍ୟତୀତ ଜୋସ୍ ହେଜଲେଉଡ୍ ମଧ୍ୟ ଦଳକୁ ଫେରିପାରନ୍ତି। ଅନ୍ତିମ ଏକାଦଶରେ ହେଜଲେଉଡ୍ ସିନ୍ ଆବଟ୍ଟଙ୍କୁ ସ୍ଥାନରେ ଖେଳିପାରନ୍ତି।
ମିଚେଲ ଷ୍ଟାର୍କ ଏବଂ ଗ୍ଲେନ୍ ମ୍ୟାକ୍ସୱେଲ ଉପଲବ୍ଧ ହେବେ ନାହିଁ:
ପ୍ରଥମ ODI ରେ ପରାଜୟ ପରେ ଅଷ୍ଟ୍ରେଲୀୟ ଅଧିନାୟକ ପ୍ୟାଟ୍ କମିନ୍ସ ସୂଚାଇ ଦେଇଛନ୍ତି ଯେ ଦ୍ୱିତୀୟ ଦିନିକିଆରେ ମଧ୍ୟ ଗ୍ଲେନ୍ ମ୍ୟାକ୍ସୱେଲ ଉପଲବ୍ଧ ହେବେ ନାହିଁ। ମିଚେଲ ଷ୍ଟାର୍କ ମଧ୍ୟ ଦ୍ୱିତୀୟ ଦିନିକିଆ ଖେଳିବେ ନାହିଁ। ତେବେ ଏହି ଦୁଇ ତାରକା ଖେଳାଳି ତୃତୀୟ ଦିନିକିଆରେ ଖେଳିବେ ବୋଲି ଆଶା କରାଯାଉଛି।
ଦ୍ୱିତୀୟ ଦିନିକିଆ ପାଇଁ ଅଷ୍ଟ୍ରେଲିଆର ସମ୍ଭାବ୍ୟ ଖେଳାଳି ଏକାଦଶ: ମିଚେଲ ମାର୍ଶ, ଡେଭିଡ ୱାର୍ନର, ଷ୍ଟିଭ ସ୍ମିଥ, ମାର୍ନୁସ ଲାବୁସାଗ୍ନେ, କ୍ୟାମେରନ୍ ଗ୍ରୀନ୍, ଜୋସ୍ ଇଂଲିସ୍ (ୱିକେଟ୍ କିପର), ମାର୍କସ୍ ଷ୍ଟୋଇନିସ୍, ପ୍ୟାଟ୍ କମିନ୍ସ (ଅଧିନାୟକ), ତନଭୀର ସାଙ୍ଘା, ଆଦମ ଜାମ୍ପା ଏବଂ ଜୋଶ ହେଜଲେଉଡ୍।