ନୂଆଦିଲ୍ଲୀ: ବାଂଲାଦେଶ-ଶ୍ରୀଲଙ୍କା ମ୍ୟାଚ୍ ସମୟରେ ଏପରି କିଛି ଘଟିଛି, ଯାହା କ୍ରିକେଟ୍ ର ୧୪୬ ବର୍ଷର ଇତିହାସରେ କେବେ ହୋଇ ନଥିଲା। ବାସ୍ତବରେ ଶ୍ରୀଲଙ୍କାର ଖେଳାଳି ଆଞ୍ଜେଲୋ ମାଥ୍ୟୁସଙ୍କୁ ଟାଇମ ଆଉଟ ଘୋଷଣା କରାଯାଇଥିଲା। ଆଜି ପର୍ଯ୍ୟନ୍ତ ଅନ୍ତର୍ଜାତୀୟ କ୍ରିକେଟରେ ଏହିପରି କୌଣସି ବ୍ୟାଟ୍ସମ୍ୟାନ୍ ଙ୍କୁ ଆଉଟ ହୋଇ ପାଭିଲିୟନକୁ ଫେରିବାକୁ ପଡିନଥିଲା। ଏହା ପରେ ଆଞ୍ଜେଲୋ ମାଥ୍ୟୁସ୍ କୌଣସି ବଲ୍ ନ ଖେଳି ପାଭିଲିୟନକୁ ଫେରିଥିଲେ।
ଆଞ୍ଜେଲୋ ମାଥ୍ୟୁସ୍ ଙ୍କୁ କିପରି ଟାଇମ ଆଉଟ ଦିଆଗଲା?:
ବାସ୍ତବରେ ସଦିରା ସମରୱିକ୍ରମା ଆଉଟ୍ ହେବା ପରେ ଆଞ୍ଜେଲୋ ମାଥ୍ୟୁସ୍ ବ୍ୟାଟିଂ କରିବାକୁ ଆସିଥିଲେ। କିନ୍ତୁ ଆଞ୍ଜେଲୋ ମାଥ୍ୟୁସଙ୍କ ହେଲମେଟ ଠିକ୍ ନଥିଲା, ଆଞ୍ଜେଲୋ ମାଥ୍ୟୁସ୍ ସେହି ହେଲମେଟ ପିନ୍ଧିବାରେ ଅସୁବିଧାର ସମ୍ମୁଖୀନ ହୋଇଥିଲେ। ତା’ପରେ ଆଞ୍ଜେଲୋ ମାଥ୍ୟୁସ୍ ପ୍ୟାଭିଲିୟନରୁ ଆଉ ଏକ ହେମଲେଟ୍ ଆଣିବାକୁ ସଙ୍କେତ ଦେଇଥିଲେ। କିନ୍ତୁ ଏହି ସମୟରେ ବାଂଲାଦେଶ ଅଧିନାୟକ ଶାକିବ ଅଲ ହାସନ ମାଥ୍ୟୁସଙ୍କ ବିପକ୍ଷରେ ଟାଇମ ଆଉଟ ପାଇଁ ଆବେଦନ କରିଥିଲେ। ଶାକିବ ଅଲ ହାସନଙ୍କ ଆବେଦନ ପରେ ଅମ୍ପାୟାର ମାଥ୍ୟୁସଙ୍କ ନିକଟକୁ ଯାଇ ତାଙ୍କୁ ଫେରିବାକୁ କହିଥିଲେ।
ଆଇସିସି ନିୟମ କ’ଣ କହୁଛି?:
ଏହା ପରେ ଅମ୍ପାୟାର ଏବଂ ମାଥ୍ୟୁସ୍ ଯୁକ୍ତିତର୍କ ଜାରି ରଖିଥିଲେ, କିନ୍ତୁ ଶେଷରେ ଶ୍ରୀଲଙ୍କା ଖେଳାଳିଙ୍କୁ ପାଭିଲିୟନକୁ ଫେରିବାକୁ ପଡିଥିଲା। ନିୟମ ୪୦.୧.୧ ଅନୁଯାୟୀ, ୱିକେଟ୍ ଖସିଯିବା କିମ୍ବା ବ୍ୟାଟ୍ସମ୍ୟାନ୍ ଙ୍କ ଅବସର ପରେ ଆସୁଥିବା ବ୍ୟାଟ୍ସମ୍ୟାନ୍ ଙ୍କୁ ୩ ମିନିଟ୍ ପାଇଁ ବଲ୍ ଖେଳିବାକୁ ପ୍ରସ୍ତୁତ ହେବାକୁ ପଡିବ। ଯଦି ଏହା ନହୁଏ ତେବେ ବିରୋଧୀ ଦଳର ଖେଳାଳିମାନେ ଟାଇମ ଆଉଟ ପାଇଁ ଆବେଦନ କରିପାରିବେ।
