ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ୧୭ ଲକ୍ଷ ଟଙ୍କା ଠକେଇ ଅଭିଯୋଗରେ ଲୁଲୁ ଦୋରା ନାମକ ଜଣେ ଯୁବକଙ୍କୁ ବ୍ରହ୍ମପୁର ସଦର ଥାନା ପୋଲିସ୍ ଗିରଫ କରିଛି। ଏହି ମାମଲାରେ ଆଜି ଅଭିଯୁକ୍ତ ଲୁଲୁଙ୍କୁ କୋର୍ଟ ଚାଲାଣ କରାଯାଇଛି।
ପୋଲିସ ସୁତ୍ରରୁ ଜଣାପଡିଛି ଯେ, ଗିରଫ ଲୁଲୁ ଗୌତମୀ ଗ୍ରାମର ଟିକିନା ବେହେରା ନାମକ ଜଣେ ଯୁବକଙ୍କୁ ଜମି ବିକ୍ରୀ କରିବାର ମିଥ୍ୟା ପ୍ରତିଶ୍ରୁତି ଦେଇ ୧୭ ଲକ୍ଷ ଟଙ୍କା ନେଇଥିଲା। କିନ୍ତୁ ସେ ଜମି ଦେଲା ନାହିଁ କି ଟଙ୍କା ଫେରାଇଲା ନାହିଁ। ଯାହା ଫଳରେ ଟିକିନା ବର୍ଷ ବର୍ଷ କାଳ ଅପେକ୍ଷା କରି ପୋଲିସର ଦ୍ଵାରସ୍ଥ ହେଲେ।
ଟିକିନାର ଅଭିଯୋଗକୁ ଗ୍ରହଣ କରି ପୋଲିସ ଅନୁସନ୍ଧାନ ଚଳାଇ ଲୁଲୁଙ୍କୁ ଥାନାରେ ରଖି ଜେରା କରି ଅଭିଯୋଗର ସତ୍ୟତାକୁ ଭିତ୍ତି କରି ମାମଲା ରୁଜୁ କରି ଦଫା ୪୨୦/୩୪ ଠକେଇ ଅଭିଯୋଗରେ ଗିରଫ କରି କୋର୍ଟ ଚାଲାଣ କରିଛି।
