ମୁମ୍ବାଇ, ଜେଲରୁ ବାହାରିବା ପରେ ରିପବ୍ଲିକ ଟିଭିର ମୁଖ୍ୟ ସଂପାଦକ ଏକ ବଡ ଘୋଷଣା କରିଛନ୍ତି। ସେ କହିଛନ୍ତି ଯେ, ଆସନ୍ତା ଏକ ବର୍ଷ ମଧ୍ୟରେ ଦେଶର ସବୁ ରାଜ୍ୟରେ ଆଞ୍ଚଳିକ ଭାଷାରେ ନ୍ୟୁଜ ଚ୍ୟାନେଲ କରାଯିବ। ସେଥିପାଇଁ ଖୁବ ଶିଘ୍ର ପ୍ରସ୍ତୁତି ଆରମ୍ଭ ହେବ ବୋଲି ଅର୍ଣ୍ଣବ କହିଛନ୍ତି। ଜେଲରୁ ମୁକୁଳିବା ପରେ ଅର୍ଣ୍ଣବ ବେଶ୍ ଆକ୍ରମଣାତ୍ମକ ହୋଇଯାଇଛନ୍ତି। ସେ କହିଛନ୍ତି ଯେ, ବର୍ତ୍ତମାନ ମୁଁ ସବୁ ରାଜ୍ୟରେ ନ୍ୟୁଜ ଚ୍ୟାନେଲ କରିବି, ଯଦି ‘ତାକତ ଅଛି ତେବେ ମୋତେ ରୋକ’।
ଜଣେ ଇଣ୍ଟିରିୟର ଡିଜାଇନର ଆତ୍ମହତ୍ୟା ମାମଲାରେ ଅର୍ଣ୍ଣବଙ୍କୁ ମହାରାଷ୍ଟ୍ର ପୋଲିସ ଗିରଫ କରିଥିଲା। ମହାରାଷ୍ଟ୍ର ଉଚ୍ଚ ନ୍ୟାୟାଳୟରେ ଜାମିନି ନ ମିଳିବାରୁ ସେ ସୁପ୍ରିମକୋର୍ଟ ଯାଇଥିଲେ। ସୁପ୍ରିମକୋର୍ଟ ଗତକାଲି ତାଙ୍କୁ ଅନ୍ତରିଣ ଜାମିନି ପ୍ରଦାନ କରିଛନ୍ତି।
