ନୂଆଦିଲ୍ଲୀ, ରିଜର୍ଭ ବ୍ୟାଙ୍କ ଅଫ ଇଣ୍ଡିଆର ଗଭର୍ଣ୍ଣର ଶକ୍ତିକାନ୍ତ ଦାସ କରୋନା ପଜେଟିଭି ଚିହ୍ନଟ ହୋଇଛନ୍ତି। ତାଙ୍କର ଦେହର କିଛି ଲକ୍ଷଣ ପ୍ରକାଶ ପାଇବାରୁ ସେ କୋଭିଡ-୧୯ ପରୀକ୍ଷା କରାଇଥିଲେ। ଗତକାଲି ଏହା ପଜେଟିଭ ଆସିଛି ବୋଲି ଶକ୍ତିକାନ୍ତ କହିଛନ୍ତି। ତେବେ ତାଙ୍କ ସ୍ବାସ୍ଥ୍ୟ ଅବସ୍ଥା ଭଲ ରହିଛି। ହୋମ କ୍ବାରଣ୍ଟାଇନରେ ରହିବାକୁ ଡାକ୍ତରମାନେ ପରାମର୍ଶ ଦେଇଛନ୍ତି। ତେବେ ସେ କ୍ବାରଣ୍ଟାଇନରେ ରହି ମଧ୍ୟ ଅଫିସ କାମ କରିବେ ବୋଲି ଶକ୍ତିକାନ୍ତ ତାଙ୍କ ଟ୍ବଇଟରରେ ଉଲ୍ଲେଖ କରିଛନ୍ତି। ଏଥିସହିତ ତାଙ୍କ ସଂପର୍କରେ ଯେଉଁମାନେ ଆସିଛନ୍ତି ସେମାନେ ପରୀକ୍ଷା କରାଇ ନିଅନ୍ତୁ ବୋଲି ସେ ନିବେଦନ କରିଛନ୍ତି।
