Categories
ଆଜିର ଖବର ଜାତୀୟ ଖବର

ଇନ୍ଦିରା ଗାନ୍ଧୀଙ୍କୁ ଅଯୋଗ୍ୟ ଘୋଷଣା କରିବା ଏକ ସାହସିକ ନିଷ୍ପତ୍ତି ଥିଲା: ପ୍ରଧାନ ବିଚାରପତି ଏନ.ଭି ରମଣା

ନୂଆଦିଲ୍ଲୀ: ଇନ୍ଦିରା ଗାନ୍ଧୀଙ୍କୁ ଅଯୋଗ୍ୟ ଘୋଷଣା କରିବା ଏକ ସାହସିକ ନିଷ୍ପତ୍ତି ଥିଲା। ଏଭଳି କଥା ପ୍ରୟାଗରାଜ ଠାରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଭାରତର ପ୍ରଧାନ ବିଚାରପତି ଏନ.ଭି. ରମଣା ଆଲୋକପାତ କରିଥିଲେ। ସେ କହିଥିଲେ ଯେ, “୧୯୭୫ ମସିହାରେ ଆଲ୍ଲାହାବାଦ ହାଇକୋର୍ଟର ବିଚାରପତି ଜଷ୍ଟିସ ଜଗମୋହନଲାଲ ସିହ୍ନା ଏକ ରାୟ ଶୁଣାଇଥିଲେ, ଯେତେବେଳେ ସେ ଇନ୍ଦିରା ଗାନ୍ଧୀଙ୍କୁ ଅଯୋଗ୍ୟ ଘୋଷଣା କରିଥିଲେ। ଏହା ଅତ୍ୟନ୍ତ ସାହସିକ ନିଷ୍ପତ୍ତି ଥିଲା। ଯାହା କୁହାଯାଇପାରେ ଯେ, ଏହାର ପ୍ରତ୍ୟକ୍ଷ ଫଳାଫଳ ଜରୁରୀକାଳୀନ ଘୋଷଣା ଥିଲା। ଯାହାର ଫଳାଫଳ ମୁଁ ବର୍ତ୍ତମାନ ବିସ୍ତୃତ କରିବାକୁ ଚାହୁଁନାହିଁ।”

ପ୍ରଧାନ ବିଚାରପତି କହିଛି ଯେ, ଆହ୍ଲାବାଦ ହାଇକୋର୍ଟଙ୍କ ୧୫୦ ବର୍ଷରୁ ଅଧିକ ଇତିହାସ ରହିଛି। ଆହ୍ଲାବାଦ ବାର ଏବଂ ବେଞ୍ଚ ଦେଶର କେତେକ ମହାନ ଆଇନଜୀବୀମାନଙ୍କୁ ପ୍ରସ୍ତୁତ କରିଛନ୍ତି। ସମ୍ବିଧାନ ସଭାର ପ୍ରଥମ ସଭାପତି ଡକ୍ଟର ସଚ୍ଚିଦାନନ୍ଦ ସିହ୍ନା, ପଣ୍ଡିତ ମୋତିଲାଲ ନେହେରୁ, ସାର୍ ତେଜ ବାହାଦୂର ସପ୍ରୁ ଏବଂ ପୁରୁଷୋତ୍ତମ ଦାସ ଟଣ୍ଡନ ଏହି ବାରର ସଦସ୍ୟ ଥିଲେ।

ପ୍ରସିଦ୍ଧ ଚୌଧୁରୀ ଚୌରା ମାମଲାରେ ପଣ୍ଡିତ ମଦନ ମୋହନ ମାଲଭିୟ ଏହି ହାଇକୋର୍ଟରେ ଏକ ଆବେଦନ କରିଥିଲେ। ଏଥିରେ ଭାରତର ସ୍ୱାଧୀନତା ସଂଗ୍ରାମ ତଥା ଆମର ସମ୍ବିଧାନ ତିଆରିରେ ଏକ ଅବିସ୍ମରଣୀୟ ଚିହ୍ନ ହୋଇ ରହିଛି।

ସେ କହିଛନ୍ତି ଯେ, “ମୁଁ ଆଶା କରୁଛି ଆପଣ ଐତିହାସିକ ବାରର ଅସାଧାରଣ ଐତିହ୍ୟ, ପରମ୍ପରା ଏବଂ ସଂସ୍କୃତିକୁ ଆଗକୁ ବଢାଇବେ। ନାଗରିକମାନଙ୍କୁ ଅଧିକାର, ସ୍ୱାଧୀନତା ଏବଂ ସ୍ୱାଧୀନତା ରକ୍ଷା କରିବାରେ ଆପଣ ସମସ୍ତଙ୍କୁ ଏକ ପ୍ରମୁଖ ଭୂମିକା ଗ୍ରହଣ କରିବାକୁ ମୁଁ ଅନୁରୋଧ କରୁଛି।

Categories
ବିଶେଷ ଖବର ରାଜ୍ୟ ଖବର

ଗଂଜାମ କଂଗ୍ରେସର ଗୋଷ୍ଠୀ କନ୍ଦଳ, ଇନ୍ଦିରା ଗାନ୍ଧୀଙ୍କ ଜନ୍ମଦିନରେ ମଧ୍ୟ ଫୁଲମାଳଟିଏ ଦେବାକୁ କୁଣ୍ଠାବୋଧ

ହେମାଙ୍ଗ ପ୍ରସାଦ ରାଉଳ

ବ୍ରହ୍ମପୁର: ଆଜି ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ତଥା ଲୌହମାନବୀ ଭାରତରତ୍ନ ଶ୍ରୀମତୀ ଇନ୍ଦିରା ଗାନ୍ଧୀଙ୍କ ଜନ୍ମତିଥିରେ ଗଂଜାମ କଂଗ୍ରେସରେ ଦେଖାଦେଇଛି ଅନ୍ତଃଦ୍ବନ୍ଦ। ଇନ୍ଦିରାଙ୍କ ଜନ୍ମତିଥିରେ ମଧ୍ୟ କଂଗ୍ରେସରେ ଭିତରେ ଥିବା ଗୋଷ୍ଠୀ କନ୍ଦଳ ବାରି ହୋଇ ପଡ଼ୁଥିଲା। କାରଣ ବ୍ରହ୍ମପୁର ପୁୁରୁଣା ବସ୍‌ଷ୍ଟାଣ୍ଡ ନିକଟସ୍ଥ ଇନ୍ଦିରାଗାନ୍ଧୀଙ୍କ ପ୍ରତିମୂର୍ତ୍ତିକୁ ଦିନ ୧୦.୩୦ ପର୍ଯ୍ୟନ୍ତ କୌଣସି କଂଗ୍ରେସ କର୍ମୀ କିମ୍ବା ନେତା ଫୁଲମାଳଟିଏ ଦେବାକୁ ମଧ୍ୟ ଆସି ନ ଥିଲେ। ଏନେଇ ସାମାଜିକ ଗଣମାଧ୍ୟମରେ ପ୍ରଚାର ହେଲା ପରେ କିଛି କର୍ମୀ ତତ୍ପରତା ଦେଖାଇ ଆସି ଶ୍ରୀମତୀ ଇନ୍ଦିରା ଗାନ୍ଧୀଙ୍କର ପ୍ରତିମୂର୍ତ୍ତିରେ ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପଣ କରିଥିବା ଦେଖିବାକୁ ମିଳିଥିଲା।

ମୁଖ୍ୟତଃ କଂଗ୍ରେସର ଏହି ଅବସ୍ଥା ପାଇଁ ଦାୟୀ କିଏ ଏହା ଏକ ଅମୀମାସିଂତ ପ୍ରଶ୍ନ କହିଲେ କିଛି ଭୁଲ ହେବ ନାହିଁ। ଯେତେବେଳେ ନିର୍ବାଚନ ଆସିଲା ସାଂସଦ ପ୍ରାର୍ଥୀ ହେବା ପାଇଁ କଂଗ୍ରେସର ଖୋଜା ପଡ଼ିଲା। ଗଂଜାମ ଜିଲ୍ଲା ଓ ବ୍ରହ୍ମପୁର ସାଂସଦୀୟ କ୍ଷେତ୍ର ସହ ସଂପର୍କ ନ ଥିବା ଏକ ନୂଆଁ ଚେହେରା ନେଇ ଭି. ଚନ୍ଦ୍ରଶେଖର ନାଇଡ଼ୁ ପ୍ରାର୍ଥୀ କରାଯାଇଥିଲା। ନିର୍ବାଚନ ସମୟରେ ସେ କିଛି ଦିନ ହୋଟେଲ୍ ଡ଼େରା ପକାଇ ରହିଥିଲେ। ହେଲେ ନିର୍ବାଚନ ସରୁ ସରୁ ସେ ଗଂଜାମରୁ କୁଆଡେ ଉଭାନ ହୋଇଗଲେ। ଦୀର୍ଘ ଦୁଇବର୍ଷ ଭିତରେ ପ୍ରାୟତଃ ତାଙ୍କର ଦେଖା ନାହିଁ । ଦିଲ୍ଲୀରେ ଥାଇ ରିମୋର୍ଟ କଣ୍ଟ୍ରୋଲରେ ନିଜ ସାଂସଦୀୟ କ୍ଷେତ୍ର ଚଳାଉଥିବାର ପ୍ରତିଛବି ସୋସିଆଲ୍ ମିଡ଼ିଆରେ ଦେଖିବାକୁ ମିଳୁଛି।

ସେ ଯାହା ବି ହେଉ ରମେଶ ଜେନା ସଭାପତି ହେବା ପରେ ଗଂଜାମ କଂଗ୍ରେସର କିଛିଟା ଆଶା ସଂଚାର ହୋଇଥିଲା। କିନ୍ତୁ ତାହା ମଧ୍ୟ ହେଲା ନାହିଁ। କଂଗ୍ରେସର ପୂର୍ବରୁ ଏକ ଜିଲ୍ଲା କାର୍ଯ୍ୟାଳୟ ଥାଇ ମଧ୍ୟ ଗାନ୍ଧିନଗରରେ ଚନ୍ଦ୍ରଶେଖର ନାଇଡ଼ୁ କଂଗ୍ରେସର ଏକ ନୂତନ ଅଫିସ୍ ଖୋଲିଦେଲେ। ସେହିଦିନ ହିଁ ବାରି ହୋଇ ପଡ଼ିଲା, କଂଗ୍ରେସରେ ଥିବା ଛିଦ୍ର। ଯାହାକି ସେହି ଛିଦ୍ର ହିଁ କଂଗ୍ରେସ ଡ଼ଂଗା ବୁଡ଼ିବାର ସୂଚନା ଦେଉଥିଲା। ଗୋଟିଏ ପଟେ ବରିଷ୍ଠ କଂଗ୍ରେସ ନେତା ତଥା ଆଇନଜୀବୀ ପୀତବାସ ପଣ୍ଡା ଯିଏକି ଗଣମାଧ୍ୟମର କଂଗ୍ରେସ ପାଇଁ କେନ୍ଦ୍ରବିନ୍ଦୁ ଥିବାବେଳେ ତାଙ୍କୁ ମଧ୍ୟ ଦଳ କଣଠେସା କରିବାର ଦେଖିବାକୁ ମିଳିଲା।

ବର୍ତ୍ତମାନ କଂଗ୍ରେସର ମଙ୍ଗ ଧରିଥିବା ରମେଶ ଜେନା ପ୍ରତି ଯୁବଗୋଷ୍ଠୀଙ୍କର ସମର୍ଥନ ରହିଛି। ହେଲେ ସେ କିଭଳି ଗୋଟି ଚାଳନା କରିବେ ଏବଂ ଜିଲ୍ଲା କଂଗ୍ରେସକୁ କିଭଳି ଆଗକୁ ନେବେ ତାହା ସନ୍ଦେହଜନକ। ତେବେ ଭିତରେ ଯାହା ଅନ୍ତଃଦ୍ବନ୍ଦ ଥାଉ ନା କାହିଁକି, ଇନ୍ଦିରା ଗାନ୍ଧୀଙ୍କ ଜନ୍ମଜୟନ୍ତିରେ ଏକାଠି ହେବା ଉଚିତ ଥିଲା। ମାତ୍ର ଗୋଷ୍ଠୀ କନ୍ଦଳ ଏତେ ତୀବ୍ର ଯେ ସେମାନେ ଏକାଠି ହେବା ମଧ୍ୟ ସମ୍ଭବ ନ ଥିଲା ବୋଲି ଜଣାପଡିଛି।

Categories
ଫଟୋ ଖବର

ଇନ୍ଦିରା ଗାନ୍ଧୀଙ୍କ ଜନ୍ମ ଜୟନ୍ତିରେ ଶ୍ରଦ୍ଧାଞ୍ଜଳି ପ୍ରଦାନ କରୁଛନ୍ତି ରାହୁଳ ଗାନ୍ଧୀ

ନୂଆଦିଲ୍ଲୀ, ଆଜି ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଜନ୍ମ ଜୟନ୍ତି ଉପଲକ୍ଷେ କଂଗ୍ରେସ ନେତା ରାହୁଳ ଗାନ୍ଧୀଙ୍କ ଶ୍ରଦ୍ଧାଞ୍ଜଳି। ଇନ୍ଦିରା ମେମୋରିଆଲ ରେ ଦେଉଛନ୍ତି ଶ୍ରଦ୍ଧାଞ୍ଜଳି

Categories
ଫଟୋ ଖବର

ଇନ୍ଦିରା ଗାନ୍ଧୀଙ୍କ ଜନ୍ମ ଜୟନ୍ତିରେ ସୋନିଆ ଗାନ୍ଧୀଙ୍କ ଶ୍ରଦ୍ଧାଞ୍ଜଳି ଅର୍ପଣ

ନୂଆଦିଲ୍ଲୀ, ଆଜି ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଜନ୍ମ ଜୟନ୍ତି ଉପଲକ୍ଷେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଶ୍ରଦ୍ଧାଞ୍ଜଳି। ଇନ୍ଦିରା ମେମୋରିଆଲ ରେ ଦେଉଛନ୍ତି ଶ୍ରଦ୍ଧାଞ୍ଜଳି