ନୂଆଦିଲ୍ଲୀ: ଆଜିଠାରୁ ଅମରନାଥ ଯାତ୍ରା ଆନୁଷ୍ଠାନିକ ଭାବେ ଆରମ୍ଭ ହୋଇଛି। ପ୍ରାୟ ୧୦ ହଜାର ତୀର୍ଥଯାତ୍ରୀ ପହଲଗାମ ବେସ କ୍ୟାମ୍ପରେ ପହଞ୍ଚିଛନ୍ତି। ଦୁଇ ବର୍ଷ ପରେ ଅମରନାଥ ଯାତ୍ରା ବିଷୟରେ ଭକ୍ତଙ୍କ ମଧ୍ୟରେ ବହୁତ ଉତ୍ସାହ ରହିଛି। ଅମରନାଥ ଯାତ୍ରା ୪୩ ଦିନ ପର୍ଯ୍ୟନ୍ତ ଚାଲିବ। ଆଜିଠାରୁ ଆରମ୍ଭ ହୋଇଥିବା ଯାତ୍ରା ଅଗଷ୍ଟ ୧୧ ତାରିଖରେ ଶେଷ ହେବ। ୭-୮ ଲକ୍ଷ ଭକ୍ତ ଦର୍ଶନ କରିବେ ବୋଲି ଆଶା କରାଯାଉଛି।
ପ୍ରତିଦିନ ୧୦-୧୦ ହଜାର ଭକ୍ତ ପହଲଗାମ ଏବଂ ବାଲଟାଲ ବେସ କ୍ୟାମ୍ପରୁ ବାବା ବରଫାନିଙ୍କୁ ଦେଖିବାକୁ ଯିବେ। ଆତଙ୍କବାଦୀ ଆକ୍ରମଣର ସମ୍ଭାବନାକୁ ଦୃଷ୍ଟିରେ ରଖି ସୁରକ୍ଷା ବାହିନୀ ନିୟୋଜିତ କରାଯାଇଛି। ଅଧିକାରୀ କହିଛନ୍ତି ଯେ ପବିତ୍ର ଗୁମ୍ଫାରେ ପ୍ରାକୃତିକ ଭାବରେ ଗଠିତ ବରଫ ଶିବଲିଙ୍ଗର ଦର୍ଶନ ପାଇଁ ଶ୍ରୀ ଅମରନାଥ ଶ୍ରୀମନ୍ଦିର ବୋର୍ଡ (SASB) ସମସ୍ତ ପ୍ରସ୍ତୁତି କରିଛି।
ଜମ୍ମୁ କାଶ୍ମୀରର ଉପ-ରାଜ୍ୟପାଳ ମନୋଜ ସିହ୍ନା ବୁଧବାର ଦିନ ଜମ୍ମୁ ବେସ୍ କ୍ୟାମ୍ପରୁ ତୀର୍ଥଯାତ୍ରୀମାନଙ୍କୁ ପତାକା ଦେଖାଇଛନ୍ତି। ୪ ହଜାର ୮୯୦ ତୀର୍ଥଯାତ୍ରୀଙ୍କୁ ନେଇ ପ୍ରଥମ ବ୍ୟାଚ୍ ବୁଧବାର ଦିନ ୪ ଟା ସମୟରେ ୧୭୬ ଟି ଗାଡିରେ ଭଗବତୀ ନଗର ବେସ୍ କ୍ୟାମ୍ପରୁ କାଶ୍ମୀର ଉପତ୍ୟକାକୁ ଗଲା।
ସୂଚନାଯୋଗ୍ୟ ଯେ, ୨୦୧୯ ମସିହାରେ ଜମ୍ମୁ କାଶ୍ମୀରକୁ ସରକାର ସ୍ଵତନ୍ତ୍ର ମାନ୍ୟତା ଦେଇଥିବା ଧାରା ୩୭୦ ରଦ୍ଦକୁ ଦୃଷ୍ଟିରେ ରଖି ଏହି ଯାତ୍ରା ମଧ୍ୟଭାଗରେ ସ୍ଥଗିତ ରଖାଯାଇଥିଲା। ଏଥି ସହିତ ୨୦୨୦ଏବଂ ୨୦୨୧ ମସିହାରେ କୋଭିଡ ମହାମାରୀ ହେତୁ ଏହି ଯାତ୍ରା ଆୟୋଜିତ ହୋଇନଥିଲା।