ନୂଆଦିଲ୍ଲୀ: ପାରାଲିମ୍ପିକ୍ସ ଗେମ୍ସରେ ଓଡିଆ ପୁଅ ପ୍ରମୋଦ ଭଗତ ଇତିହାସ ରଚିଛନ୍ତି। ଟୋକିଓ ପାରାଲିମ୍ପିକ୍ସ ଗେମ୍ସରେ ସ୍ଵର୍ଣ୍ଣ ପଦକ ଜିତି ପ୍ରମୋଦ ଇତିହାସ ରଚିଛନ୍ତି। ଏକକ ବ୍ୟାଡମିଣ୍ଟନର ଫାଇନାଲରେ ଜିତି ପ୍ରମୋଦ ସ୍ଵର୍ଣ୍ଣ ପଦକ ହାସଲ କରିଛନ୍ତି। ବ୍ରିଟେନ ଖେଳାଳିଙ୍କୁ ପରାଜିତ କରି ଫାଇନାଲରେ ସ୍ଵର୍ଣ୍ଣ ପଦକ ଜିତିଛନ୍ତି।
ୱାର୍ଲ୍ଡ ନମ୍ବର-୧ ପାରା-ସଟଲର ପ୍ରମୋଦ ଭାଗବତ ଫାଇନାଲରେ ଡାନିଆନ୍ ବାଥେଲଙ୍କୁ ୨୧-୧୪ ଏବଂ ୨୧-୧୭ ରେ ପରାସ୍ତ କରିଛନ୍ତି। ସେ ପୂର୍ବରୁ ମାତ୍ର ୩୬ ମିନିଟ ଧରି ଚାଲିଥିବା ସେମିଫାଇନାଲରେ ଜାପାନର ଡାଏସୁକେ ଫୁଜିହାରାଙ୍କ ବିପକ୍ଷରେ ୨୧-୧୧ ଏବଂ ୨୧-୧୬ ରେ ଜିତିଥିଲେ।
ସେହିପରି ଟୋକିଓ ପାରାଲିମ୍ପିକ୍ସର ପୁରୁଷ ଏକକ ଶ୍ରେଣୀ ବ୍ୟାଡମିଣ୍ଟନ୍ ଇଭେଣ୍ଟରେ ଭାରତର ମନୋଜ ସାର୍କ ମଧ୍ୟ ଭଲ ପ୍ରଦର୍ଶନ କରିଛନ୍ତି। ସେ ବ୍ରୋଞ୍ଜ ପଦକ ପଦକ ଜିତିଛନ୍ତି। ସିଧାସଳଖ ଖେଳରେ ଜାପାନର ଡେସୁକେ ଫୁଜିହାରାଙ୍କୁ ୨୨-୨୦ ଏବଂ ୨୧-୧୩ ରେ ପରାସ୍ତ କରି ମନୋଜ ବ୍ରୋଞ୍ଜ ପଦକ ହାସଲ କରିଥିଲେ।
