ଭୁବନେଶ୍ୱର: ପ୍ରଥମ ଥର ଲାଗି ଓଡିଶାରେ ଓମିକ୍ରନ୍ ଭୂତାଣୁ ସ୍ପର୍ଶ କରିଛି। ୨ ଜଣ ବିଦେଶ ଫେରନ୍ତା ଓମିକ୍ରନ ସଂକ୍ରମିତ ହୋଇଛନ୍ତି। ଉଭୟ ଆକ୍ରାନ୍ତ ବିଦେଶରୁ ଫେରିବା ପରେ କରୋନା ପଜିଟିଭ ହୋଇଥିଲେ। ସେମାନଙ୍କ ନମୁନା ଜିନୋମ୍ ସିକ୍ୱେନ୍ସିଂ ପାଇଁ ପଠାଯାଇଥିଲା। ଯାହାର ରିପୋର୍ଟରେ ଓମିକ୍ରନ୍ ସଂକ୍ରମଣ ହୋଇଥିବା ସ୍ପଷ୍ଟ ହୋଇଛି।
ଆକ୍ରାନ୍ତଙ୍କ ମଧ୍ୟରୁ ଜଣେ ନାଇଜେରିଆ ଓ ଅନ୍ୟ ଜଣେ କତ୍ତାରରୁ ଓଡିଶାକୁ ଫେରିଥିଲେ। ଏନେଇ ଆଇଏଲ୍ସ ସୂଚନା ଦେଇଛି। ତେବେ ସେମାନଙ୍କର ଚିକିତ୍ସା ଜାରି ରହିଥିବା ବେଳେ ତାଙ୍କର ସ୍ୱାସ୍ଥ୍ୟବସ୍ଥା ଭଲ ଥିବା ଜଣାପଡିଛି। ଅନ୍ୟପଟେ ଉଭୟ ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଙ୍ଗ କରାଯାଇ ଟେଷ୍ଟିଙ୍ଗ କରାଯିବ ବୋଲି କୁହାଯାଇଛି।