Tag: ଓଡ଼ିଶା ପର୍ଯ୍ୟଟନ

ବାଲୁଗାଁ: ଓଡ଼ିଶା ପର୍ଯ୍ୟଟନ ଭାରତରେ ଏକ ପ୍ରମୁଖ ଇକୋ ଟ୍ୟୁରିଜିମ ହବ ପାଲଟିଥିବା ବେଳେ ଓଡିଶା ପର୍ଯ୍ୟଟନ ମାନଚିତ୍ରରେ ଏକ ପ୍ରମୁଖ ପର୍ଯ୍ୟଟନ ସ୍ଥଳୀ ଭାବେ ଚିଲିକା ପରିଚିତ। ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ଚିଲିକା ଜଳରାଶିରେ ନୌବିହାର ନିମିତ୍ତ ବଡ଼କୁଳ ପାନ୍ଥନିବାସ ଠାରେ ବୋଟ ବ୍ୟବସ୍ଥା ସାଙ୍ଗକୁ ପ୍ରାଇଭେଟ ମୋଟର ବୋଟ ଆସୋସିଏସନ ପକ୍ଷରୁ ମୋଟର ଚାଳିତ ଡଙ୍ଗା ଏବଂ ବାଲୁଗାଁ ଜେଟି ଠାରେ ଅନ୍ତର୍ଦେଶୀୟ ଜଳପଥ ପରିବହନ ପକ୍ଷରୁ ଲଞ୍ଚ ଓ ସ୍ଥାନୀୟ ବୋଟ ଆସୋସିଏସନ ପକ୍ଷରୁ ମୋଟର ଚାଳିତ ଡଙ୍ଗା ଉପଲବ୍ଧ ରହିଛି। ଏଥିସହିତ ଚିଲିକାରେ ବିଳାସପୂର୍ଣ୍ଣ ଯାତ୍ରା ନିମନ୍ତେ ୨୦୨୨ ଜୁନ ୯ ତାରିଖରେ ବିକାଶ ଇକୋ ରିସୋର୍ଟସ ପକ୍ଷରୁ ଦୁଇ ମହଲା, ୬ ଶୀତତାପ ନିୟନ୍ତ୍ରିତ କୋଠରୀ ବିଶିଷ୍ଟ ହାଉସ ବୋଟ ‘ଗରୁଡ଼’ ଯାତାୟାତ କରୁଥିଲା।

ଚିଲିକାରେ ନୌବିହାର ସାଙ୍ଗକୁ ପର୍ଯ୍ୟଟନ ଋତୁରେ ପର୍ଯ୍ୟଟକଙ୍କ ଅହେତୁକ ଆଗମନ ସାଙ୍ଗକୁ ବର୍ଷତମାମ ପର୍ଯ୍ୟଟକଙ୍କ ଭିଡ଼ ଜମୁଥିବାରୁ ଏହାକୁ ଦୃଷ୍ଟିରେ ରଖି ଓଡିଶା ପର୍ଯ୍ୟଟନ ବିକାଶ ନିଗମ ପକ୍ଷରୁ ବଡ଼କୁଳ ପାନ୍ଥନିବାସ ଠାରେ ଦୁଇଟି ଅତ୍ୟାଧୁନିକ ଶୀତତାପ ନିୟନ୍ତ୍ରିତ,୪୦ ସିଟ ବିଶିଷ୍ଟ କ୍ରୁଜ ବୋଟ ପଦାର୍ପଣ କରିଛି। ଦୀର୍ଘ ଦିନ ଧରି ଏହି ଦୁଇଟି ବୋଟ ବଡ଼କୁଳ ପାନ୍ଥନିବାସ ଠାରେ ରଖାଯାଇଥିବା ବେଳେ ଶନିବାର ଅପରାହ୍ନରେ ଏହାର ଶୁଭାରମ୍ଭ କରାଯାଇଛି। ବଡ଼କୁଳ ପାତ୍ର ନିବାସଠାରେ ଅନୁଷ୍ଠିତ ସ୍ୱତନ୍ତ୍ର କାର୍ଯ୍ୟକ୍ରମରେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା, ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଉପସ୍ଥିତ ରହି ଏହାର ଶୁଭାରମ କରିଥିଲେ।

ଏହି ଅବସରରେ ପର୍ଯ୍ୟଟନ ବିଭାଗ ସ୍ୱତନ୍ତ୍ର ସଚିବ ବାଳମୁକୁନ୍ଦ ଭୁୟାଁ, ଓଟିଡିସି ସାଧାରଣ ପରିଚାଳକ ଡାଃ ଲଲାଟେନ୍ଦୁ ସାହୁ, ମାର୍କେଟିଂ ମ୍ୟାନେଜର ରଞ୍ଜନ ମିଶ୍ର, ଜିଲ୍ଲାପାଳ ଚଞ୍ଚଳ ରାଣା, ଏସପି ସାଗରିକା ନାଥ, ଜିଲ୍ଲା ପର୍ଯ୍ୟଟନ ଅଧିକାରିଣୀ ମୀରାବାଇ ବେହେରା, ସ୍ଥାନୀୟ ଜନପ୍ରତିନିଧି, ବନ୍ଦର ଓ ଅନ୍ତର୍ଦେଶୀୟ ନିର୍ଦ୍ଦେଶାଳୟ, ବଡ଼କୁଳ ଓଟିଡ଼ିସି କର୍ତ୍ୟୁପକ୍ଷ ସବ୍ୟସାଚୀ କର, ଚିଲିକା ଉତ୍ନୟନ କର୍ତ୍ତୃପକ୍ଷ (ସିଡିଏ) ଏବଂ ରାଜ୍ୟ ସରକାରଙ୍କ ଅନ୍ୟ ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ରହି ପ୍ରକଳ୍ପର ପ୍ରଶଂସା ସାଙ୍ଗକୁ ସଫଳ ରୂପାୟନ କାମଳା କରିଥିଲେ। ୧୯୮୧ ମସିହାରେ ଚିଲିକାକୁ ରାମସାର ସମ୍ମିଳନୀ ଅଧୀନରେ ଅନ୍ତର୍ଜାତୀୟ ଭାରତୀୟ ଆଦ୍ରଭୂମି ମାନ୍ୟତା ମିଳିଥିଲା।

ବିଶ୍ୱସ୍ତରରେ ଚିଲିକା ଏହାର ବିବିଧ ଉପକୂଳ ଦୃଶ୍ୟ, ପ୍ରାଚୀନ ହ୍ରଦ ଏବଂ ଜୀବନ୍ତ ସାଂସ୍କୃତିକ ଇତିହାସ ସହିତ ପ୍ରାକୃତିକ ସୌନ୍ଦର୍ଯ୍ୟ ଓ ଏଇତିହ୍ୟର ଉତ୍କୃଷ୍ଟ ମିଶ୍ରଣ। ଯାହାଫଳରେ ଚିଲିକାର ଭିତ୍ତିଭୂମି ଓ ସେବାର ବିକାଶ ପାଇଁ କେନ୍ଦ୍ର ସରକାରଙ୍କ ସ୍ବେଦେଶ ଦର୍ଶନ ଯୋଜନାରେ ଉପକୂଳ ସର୍କିଟ ଚିଲିକାର ବିକାଶ ନିମିତ୍ତ ୧.୮ କୋଟି ଟଙ୍କା ବ୍ୟୟରେ ଦୁଇଟି ବିଳସପୂର୍ଣ୍ଣ\ କ୍ରୁଜ ବୋଟ ପ୍ରଦାନ କରାଯାଇଛି। ଯାହାକି ଉକ୍ତ ବୋଟରେ ଉଚ୍ଚମାନର ପର୍ଯ୍ୟଟନ, ଆରାମଦାୟକ ଓ ସ୍ମରଣୀୟ ଯାତ୍ରା ଅନୁଭୂତି ପର୍ଯ୍ୟଟକଙ୍କୁ ବେଶ ଆକୃଷ୍ଟ କରିବ ବୋଲି ଉପ ମୁଖ୍ୟମନ୍ତ୍ରୀ ଶ୍ରୀମତୀ ପରିଡା କହିଛନ୍ତି।

୪୦ ସିଟ ବିଶିଷ୍ଟ କ୍ରୁଜ ବୋଟ ସମ୍ପୂର୍ଣ୍ଣ ଶୀତତାପ ନିୟନ୍ତ୍ରିତ ଠାରୁ ଆରମ୍ଭ କରି ଅନ-ବୋର୍ଡ ଫୁଡ଼ ସର୍ଭିସ, ସର୍ବନିମ୍ନ ଶବ୍ଦ, ସ୍ୱଚ୍ଛ ଶୌଚାଳୟ ଏବଂ ଅନ୍ୟାନ୍ୟ ଆଧୁନିକ ସୁବିଧା ଏହି କ୍ରୁଜ ବୋଟରେ ଉପଲବ୍ଧ ରହିଛି। ଯାହାକି ପର୍ଯ୍ୟଟକ ମାନେ ଏହି ବୋଟରେ ସୁଲଭ ମୂଲ୍ୟରେ ଶାନ୍ତିପୂର୍ଣ୍ଣ ନୌଯାତ୍ରା ସାଙ୍ଗକୁ ପ୍ରାକୃତିକ କାଳିଜାଇ ଦ୍ବୀପ, ପକ୍ଷୀ ଅଭୟାରଣ୍ୟ ନଳବଣ ସମେତ ଚିଲିକା ପରିସରରେ ଅବସ୍ଥାପିତ ସମସ୍ତ ଅଞ୍ଚଳ ପରିଭ୍ରମଣ କରିବାସହ ପର୍ଯ୍ୟଟନ ଭିତ୍ତିଭୂମିର ବିକାଶ ପାଇଁ ସରକାର ପ୍ରତିଶ୍ରୁତି ବଦ୍ଧ ବୋଲି ମନ୍ତ୍ରୀ ଶ୍ରୀ ହରିଚନ୍ଦନ କହିଛନ୍ତି।

ଏହି ପରିପ୍ରେକ୍ଷୀରେ ଉପ ମୁଖ୍ୟମନ୍ତ୍ରୀ ଶ୍ରୀମତୀ ପରିଡା, ମନ୍ତ୍ରୀ ଶ୍ରୀ ହରିଚନ୍ଦନଙ୍କ ସମେତ ପ୍ରମୁଖ ବ୍ୟକ୍ତିବିଶେଷ ଉକ୍ତ ବୋଟରେ କିଛି ସମୟ ନୌଯାତ୍ରା କରିଥିଲେ। ପୂର୍ବରୁ ବଡ଼କୁଳ ଓଟିଡିସି ଠାରେ ୮ ଟି ବୋଟ ରହିଥିବା ବେଳେ ଆଜି ଦୁଇଟି କ୍ରୁଜ ବୋଟ ଉଦଘାଟନୀ ପରେ ଯାତ୍ରୀଙ୍କୁ ନୌଯାତ୍ରା ନେଇ ବୋଟ ସଂଖ୍ୟା ୧୦ ରେ ପହଞ୍ଚିଛି। କିନ୍ତୁ ଉକ୍ତ କ୍ରୁଜ ବୋଟରେ ନୌଯାତ୍ରାର ଅନୁଭୂତି ସମ୍ପୂର୍ଣ୍ଣ ନିଆରା ବୋଲି ଓଟିଡିସି ସାଧାରଣ ପରିଚାଳକ ଡାଃ. ଲଲାଟେନ୍ଦୁ ସାହୁ କହିଛନ୍ତି।

ପୁରୀ: ବିଭିନ୍ନ କ୍ଷେତ୍ରର ସମସ୍ତ ହିତାଧିକାରୀଙ୍କ ମଧ୍ୟରେ ଦାୟିତ୍ୱପୂର୍ଣ ପର୍ଯ୍ୟଟନ ତଥା ବନ୍ୟଜନ୍ତୁ ସଂରକ୍ଷଣକୁ ପ୍ରୋତ୍ସାହିତ କରିବା ପାଇଁ ପୁରୀ ସମୁଦ୍ର ବେଳାଭୂମିରେ ଉଦ୍ଘାଟନ ହେଲା ବିଚ୍ ପାଭିଲିୟନ୍। ଜୁଲାଇ ମାସ ୨୦୨୪, ମହାପ୍ରଭୁ ଜଗନ୍ନାଥଙ୍କ ପବିତ୍ର ରଥଯାତ୍ରାରୁ ବାହୁଡା ଯାତ୍ରା ପର୍ଯନ୍ତ ଏହି ସଚେତନତା ଅଭିଯାନ ଜାରିରହିବ।

ଓଡ଼ିଶାର ୪୮୦ କିମି ସୁଦୀର୍ଘ ସୁନ୍ଦର ବେଳାଭୂମି, ପର୍ଯ୍ୟଟନ ପାଇଁ ସାରା ବିଶ୍ବରେ ପରିଚିତ। ସାରା ବିଶ୍ଵରୁ ବିଲୁପ୍ତ ପ୍ରାୟ ଅଲିଭ୍ ରିଡଲେ କଇଁଛମାନଙ୍କ ମଧ୍ୟରୁ ଏକ ବୃହତମ ଅଂଶ ପ୍ରତିବର୍ଷ ପ୍ରଜନନ ପାଇଁ ଏହି ବେଳାଭୂମିକୁ ଆସନ୍ତି ହେଲେ ପାଟ୍ରୋଲିଂ ଅଭାବ, ଅବହେଳା ଏବଂ ଅସୁରକ୍ଷିତ ଉପକୂଳ ବେଳାଭୂମି ପାଇଁ ପ୍ରତିବର୍ଷ ହଜାର ହଜାର ଅଲିଭ୍ ରିଡଲେ କଇଁଛ ମୃତ୍ୟୁବରଣ କରନ୍ତି। ଭବିଷ୍ୟତ ପିଢୀ ପାଇଁ ଅଲିଭ୍ ରିଡଲେ କଇଁଛମାନଙ୍କୁ ସୁରକ୍ଷା ଦେବା ପାଇଁ ଇମାଜେରୀର ପ୍ରତିଷ୍ଠାତା ତଥା ପ୍ରମୋଟର କିର୍ତ୍ତିକିଶୋର ମହାରଣା ଦ୍ୱାରା ଏହି ଅଭିଯାନ ଆରମ୍ଭ ହୋଇଛି।

ଏହି କାର୍ଯକ୍ରମରେ ଅବସରପ୍ରାପ୍ତ ଆଇଏଫଏସ ସିସିଏଫ ଓଡିଶା ଡକ୍ଟର ଅରୁଣ କୁମାର ମିଶ୍ର, ଜି ସାର୍ଥକର ଚିଫ୍ ଚ୍ୟାନେଲ ଅଫିସର ପ୍ରତୀକ ସିଲ୍, ଅଶୋକ ରାଉତ, ଦେବାଶିଷ ପଟ୍ଟନାୟକ, ବିଶ୍ୱ ରଂଜନ ବରାଳ, କୀର୍ତ୍ତନାଥ ତ୍ରିପାଠୀଙ୍କ ସହିତ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ।

କିର୍ତ୍ତିକିଶୋର ମହାରଣା ଏହି ଅଭିଯାନର ଉଦ୍ଦେଶ୍ୟ ଏବଂ କାର୍ଯ୍ୟକାରିତା ସମ୍ପର୍କରେ ଆଲୋକପାତ କରିଥିଲେ। ସେ କହିଥିଲେ ଯେ ଅଲିଭ୍ ରିଡଲେ କଇଁଛକୁ ସୁରକ୍ଷା ଦେବାର ସମୟ ଆସିଛି। ଏହି ସଚେତନତା, ଭବିଷ୍ୟତ ପିଢୀ ପାଇଁ କଇଁଛ ସଂରକ୍ଷଣର ଏକ ମାର୍ଗ ପ୍ରସ୍ତୁତ କରିବାରେ ସାହାଯ୍ୟ କରିବା ସହ ପରିଷ୍କାର ବେଳାଭୂମି ସେମାନଙ୍କ ବସା ପାଇଁ କଇଁଛମାନଙ୍କୁ ଆକର୍ଷିତ କରିବ। ସେମାନଙ୍କର ପ୍ରଜନନ ସମୟରେ ପାଟ୍ରୋଲିଂ କରିବା ଆମର ଦ୍ଵାୟିତ୍ଵ ଯାହା ଆମର ଭବିଷ୍ୟତକୁ ସୁନ୍ଦର କରିବାରେ ସାହାଯ୍ୟ କରିବ।

ଡକ୍ଟର ଅରୁଣ କୁମାର ମିଶ୍ର ଏହି କାର୍ଯକ୍ରମକୁ ସମର୍ଥନ କରିବା ସହ ଆଗକୁ ଏହାର ଉନ୍ନତି ପାଇଁ ପ୍ରତିଶ୍ରୁତି ଦେଇଥିଲେ ଏବଂ ଓଡିଶା ଉପକୂଳରେ ସମୁଦ୍ର କଇଁଛମାନଙ୍କର ବସା ବାନ୍ଧିବାରେ ସେ ସମସ୍ତ ପ୍ରକାର ଚେଷ୍ଟା ଜାରି ରଖିବେ ବୋଲି କହିଥିଲେ।

ଦେବାଶିଷ ପଟ୍ଟନାୟକ କହିଥିଲେ ଯେ ଏହା ଅଲିଭ୍ ରିଡଲେ କଇଁଛକୁ ସୁରକ୍ଷା ଦେବା ସହ ସୁନ୍ଦର ବେଳାଭୂମି ଗଢି ତୋଳିବାର ଏହି କାର୍ଯକ୍ରମ ହେଉଛି ଏକ ଅନନ୍ୟ ଉଦାହରଣ। ମୁଁ ଏହି ଅଭିଯାନର ସଫଳତା ପାଇନ ମୋର ପ୍ରୟାସ ସବୁବେଳେ ଜାରି ରଖିବି।

ଜି ସାର୍ଥକର ଚିଫ୍ ଚ୍ୟାନେଲ ଅଫିସର ପ୍ରତୀକ ସିଲ୍ କହିଥିଲେ ଯେ “ଏହି ବ୍ୟାପକ ପ୍ରୟାସର ଅଂଶ ହୋଇ ଆମେ ବହୁତ ଆନନ୍ଦିତ ଏବଂ ଗର୍ବିତ। ଏହି ଆନନ୍ଦକୁ ଆମର ସମସ୍ତ ଦର୍ଶକଙ୍କ ସହ ମଧ୍ୟ ବାଣ୍ଟିବାକୁ ଯାଉଛୁ। ପରିବେଶ ସୁରକ୍ଷା ପାଇଁ ଏହିପରି ମହତ୍ୱପୂର୍ଣ ଓ ପ୍ରଭାବଶାଳୀ ବାର୍ତ୍ତା, ଆମ ପାଇଁ ସବୁ ବେଳେ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଓ ଆମେ ଏଥି ପ୍ରତି ସବୁବେଳେ ଧ୍ୟାନ ଦେଇଥାଉ।”

ଏହି ଅଭିଯାନ ଉପରେ ସୂଚନା ଦେଇ ବାଲାଜୀ ସିଂ ଆର, ସିଓଓ – ଏୟାରଟେଲ ଓଡିଶା କହିଛନ୍ତି, “ଏହି ପଦକ୍ଷେପର ଅଂଶ ହୋଇଥିବାରୁ ମୁଁ ବହୁତ ଖୁସି ଏବଂ କୃତଜ୍ଞ। ଏହା ଅଲିଭ୍ ରିଡଲେ କଇଁଛର ବାସସ୍ଥାନ ସଂରକ୍ଷଣ କରିବାରେ ଓ ସୁନ୍ଦର ପରିବେଶ ସହ ଅନୁକୂଳ ପର୍ଯ୍ୟଟନକୁ ପ୍ରୋତ୍ସାହିତ କରିବାରେ ନିଶ୍ଚୟ ସାହାଯ୍ୟ କରିବ। ଆମେ ଏହି ସାମାଜିକ ସଚେତନତା ଅଭିଯାନକୁ ଆହୁରି ବ୍ୟାପକ କରିବାରେ ସାହାଯ୍ୟ କରିବୁ। ଏୟାରଟେଲ ସବୁବେଳେ ପର୍ଯ୍ୟଟକମାନଙ୍କୁ ଓଡିଶାର ସମସ୍ତ ପର୍ଯ୍ୟଟନସ୍ଥଳୀରେ ନିରବଚ୍ଛିନ୍ନ ନେଟୱାର୍କ ଯୋଗାଇ, ରାଜ୍ୟ ପର୍ଯ୍ୟଟନ ବୃଦ୍ଧିକୁ ସାହାଯ୍ୟ କରିଥାଏ।”

ଭୁବନେଶ୍ୱର: ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ, ‘ଫୁଡିଜ୍ ଅଫ ଭୁବନେଶ୍ୱର’ ଏବଂ ଓ ‘ଚଲୋ ଓଡ଼ିଶା ପାନ୍ଥନିବାସ’ ଭୁବନେଶ୍ୱରର ମିଳିତ ଆନୁକୂଲ୍ୟରେ ରବିବାର ‘ଓଡ଼ିଶା ପର୍ଯ୍ୟଟନ’ ପକ୍ଷରୁ ଖାଦ୍ୟ, ଭ୍ରମଣ, କଳା ଓ ସଂସ୍କୃତି କ୍ଷେତ୍ରରେ ଓଡ଼ିଶାର କଣ୍ଟେଣ୍ଟ କ୍ରିଏଟର୍ସ (ବିଷୟବସ୍ତୁ ସୃଷ୍ଟିକାରୀ)ଙ୍କ ପାଇଁ ଏକ ପ୍ରଶଂସା ଦିବସ ‘ପରିଚୟ’ ଅନୁଷ୍ଠିତ ହୋଇଥିଲା।

କାର୍ଯ୍ୟକ୍ରମକୁ ଓଟିଡିସିର ଅଧ୍ୟକ୍ଷ ଡ. ଲେନିନ ମହାନ୍ତି ପ୍ରଦୀପ ପ୍ରଜ୍ୱଳନ ପୂର୍ବକ ଉଦଘାଟନ କରିଥିବା ବେଳେ ଏଥିରେ କଳା କ୍ଷେତ୍ରର ସ୍ୱନାମଧନ୍ୟ ବ୍ୟକ୍ତି- ଓଲିଉଡ୍ ଅଭିନେତା ସବ୍ୟସାଚୀ ମିଶ୍ର ଓ ଓଡ଼ିଆ ରାପର୍ ବିଗ୍ ଡିଲ୍ ଙ୍କ ସମେତ ଓଡ଼ିଶା ପର୍ଯ୍ୟଟନ ଏବଂ ଓଟିଡିସିର ବରିଷ୍ଠ ଅଧିକାରୀମାନେ ଯୋଗଦେଇ ଭ୍ରମଣ, ହାସ୍ୟରସାତ୍ମକ, କଳା, ସଂସ୍କୃତି ଏବଂ ସୁସ୍ୱାଦୁ ବ୍ୟଞ୍ଜନ ପ୍ରସ୍ତୁତ କ୍ଷେତ୍ରରେ ବିଷୟବସ୍ତୁ ରଚନା କରୁଥିବା ପ୍ରାୟ ୧୦୦ ଜଣ କଣ୍ଟେଣ୍ଟ କ୍ରିଏଟର୍ସଙ୍କ ସହିତ ଆଲୋଚନା କରିବା ସହ ସେମାନଙ୍କୁ ସମ୍ବର୍ଦ୍ଧିତ କରିଥିଲେ।

ପ୍ରଭାବଶାଳୀ ଭାବେ ବିଷୟବସ୍ତୁ ରଚନା କରୁଥିବା ଏହି କଣ୍ଟେଣ୍ଟ କ୍ରିଏଟର୍ସଙ୍କ ଭୂମିକା ଉପରେ ଆଲୋକପାତ କରି ଓଟିଡିସି ଅଧ୍ୟକ୍ଷ ଡ. ଲେନିନ ମହାନ୍ତି କହିଛନ୍ତି ଯେ, ଓଡ଼ିଶାକୁ ପର୍ଯ୍ୟଟନ ଓ ସଂସ୍କୃତିର କେନ୍ଦ୍ର ଭାବେ ପ୍ରୋତ୍ସାହିତ କରିବା ପାଇଁ ରାଜ୍ୟ ସରକାର ଯେଭଳି ଭାବେ ଗୁରୁତ୍ୱ ଦେଉଛନ୍ତି , ସମ ଭାବରେ ଏହାକୁ ଫଳପ୍ରସୂ କରିବାରେ ଆଜିର ପିଢ଼ିର ଭୂମିକା ସେହିପରି ଗୁରୁତ୍ୱ ବହନ କରୁଛି। କାର୍ଯ୍ୟକ୍ରମରେ ଡିଜିଟାଲ କଣ୍ଟେଣ୍ଟ କ୍ରିଏଟର୍ସଙ୍କ ଦ୍ୱାରା ଉପସ୍ଥାପିତ ଆଶ୍ଚର୍ଯ୍ୟଜନକ ବିଷୟବସ୍ତୁ କେବଳ ମନୋରଞ୍ଜନ କରେ ନାହିଁ ବରଂ ଓଡ଼ିଶାର ବିଭିନ୍ନ ମନୋରମ ପ୍ରାକୃତିକ ଗନ୍ତବ୍ୟ ସ୍ଥଳ, ଖାଦ୍ୟ, ଏହାର ଲୋକ ସଂସ୍କୃତି ଇତ୍ୟାଦି ଉପରେ ସଚେତନତା ସୃଷ୍ଟି କରେ।

ପାରମ୍ପରିକ ପ୍ରକାର ମାର୍କେଟିଂ ତୁଳନାରେ ଏଭଳି ଅନୁଭୂତିମୂଳକ ବିଷୟବସ୍ତୁର ପ୍ରଭାବ ଅଧିକ ପ୍ରଭାବଶାଳୀ। ସୃଜନଶୀଳ ବିଷୟବସ୍ତୁ ମାଧ୍ୟମରେ ଯାତ୍ରୀଙ୍କ ମନରେ ‘ବ୍ରାଣ୍ଡ ଓଡ଼ିଶା’ର ରୂପାନ୍ତରଣରେ ସାହାଯ୍ୟ କରୁଥିବା ଏହି ବ୍ଲଗିଂ ସମ୍ପ୍ରଦାୟ ସ୍ଥାନୀୟ ଲୋକମାନଙ୍କର ଜୀବିକା ବିକାଶରେ ମଧ୍ୟ ସାହାଯ୍ୟ କରିଥିବାରୁ ଡଃ. ମହାନ୍ତି ସେମାନଙ୍କୁ ପ୍ରଶଂସା କରି ଧନ୍ୟବାଦ ଜଣାଇଥିଲେ। ସୋସିଆଲ ମିଡିଆ ଉପଯୋଗ ଜରିଆରେ ‘ଫୁଡିଜ୍ ଅଫ୍ ଭୁବନେଶ୍ୱର’ ଓ ‘ଚଲୋ ଓଡ଼ିଶା’ କମ୍ୟୁନିଟି ବ୍ଲଗିଂମାନେ ଓଡ଼ିଶାର ଖାଦ୍ୟ ଓ ଟ୍ରାଭେଲ ବ୍ଲଗରମାନଙ୍କୁ ଏକାଠି କରି ଓଡିଶାରେ ପର୍ଯ୍ୟଟନ ଓ ସଂସ୍କୃତିର ଏଠାରେ ରହିଥିବା ବିଭିନ୍ନ ସୁବିଧା ସୁଯୋଗର ପ୍ରଚାର ପ୍ରସାର ପାଇଁ କାର୍ଯ୍ୟ କରୁଥିବାରୁ ସେମାନଙ୍କୁ ଶ୍ରେୟ ଦିଆଯାଇଥିଲା।

ଏହି କାର୍ଯ୍ୟକ୍ରମରେ ଓଡ଼ିଶାରେ ପର୍ଯ୍ୟଟନକୁ ଡିଜିଟାଲ ମାଧ୍ୟମରେ ପ୍ରୋତ୍ସାହିତ କରିବାର ବିଭିନ୍ନ ଉପାୟ ଉପରେ ଆଲୋଚନା କରାଯିବା ସଙ୍ଗେ ସଙ୍ଗେ ବିଷୟବସ୍ତୁ ନିର୍ମାତାମାନଙ୍କ ପାଇଁ ନେଟୱାର୍କ, ଚିନ୍ତାଧାରା ଆଦାନପ୍ରଦାନ ଏବଂ ପ୍ରେରଣା ପାଇବାର ଏକ ପ୍ଲାଟଫର୍ମ ଥିଲା ବୋଲି ଅଂଶଗ୍ରହଣକାରୀମାନେ ପାରସ୍ପରିକ ଭାବ ବିନିମୟ କରିଥିଲେ। ଏହି ଅବସରରେ କାର୍ଯ୍ୟକ୍ରମରେ ଉପସ୍ଥିତ ବିଶିଷ୍ଟ ଡାକ୍ତର ପ୍ରଫେସର ସରୋଜିନୀ ଷଡଙ୍ଗୀ ଏବଂ ପ୍ରଫେସର ଡାକ୍ତର ରମାରମଣ ଷଡଙ୍ଗୀଙ୍କୁ ସମ୍ବର୍ଦ୍ଧିତ କରାଯାଇଥିଲା।

କାର୍ଯ୍ୟକ୍ରମରେ ପର୍ଯ୍ୟଟନ ବିଭାଗର ଅତିରିକ୍ତ ଶାସନ ସଚିବ ଆର୍.କେ.ପଲେଇ, ପର୍ଯ୍ୟଟନ ବିଭାଗ ସ୍ୱତନ୍ତ୍ର ଭାରପ୍ରାପ୍ତ ଅଧିକାରୀ ଅଂଶୁମାନ ରଥଙ୍କ ସମେତ ଓଡ଼ିଶା ପର୍ଯ୍ୟଟନ ଏବଂ ଓଟିଡିସିର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ। ଅତିଥି ଓ ଅଂଶଗ୍ରହଣକାରୀଙ୍କ ପାଇଁ ଉପଲବ୍ଧ ସ୍ୱତନ୍ତ୍ର ଓଡ଼ିଆ ଖାଦ୍ୟ ଉପଲବ୍ଧ କରାଯାଇ କାର୍ଯ୍ୟକ୍ରମ ଶେଷ ହୋଇଥିଲା।