ନୂଆଦିଲ୍ଲୀ: ମହାମାରୀ କରୋନାରେ ଦେଶରେ ମୃତ୍ୟୁ ସଂଖ୍ୟା 1218ରେ ପହଞ୍ଚିଛି । ଏପର୍ଯ୍ୟନ୍ତ ଦେଶରେ 37 ହଜାର 336ଜଣ ସଂକ୍ରମିତ ହୋଇଥିବାବେଳେ 9 ହଜାର 991 ଜଣ ସୁସ୍ଥ ହୋଇଛନ୍ତି । ଦେଶରେ ସର୍ବାଧିକ କରୋନା ଜନିତ ମୃତ୍ୟୁ ମହାରାଷ୍ଟ୍ରରେ ହୋଇଛି । ମହାରାଷ୍ଟ୍ରରେ 485ଜଣଙ୍କ ମୃତ୍ୟୁ ହୋଇଥିବାବେଳେ ଗୁଜୁରାଟରେ 236ଜଣ ମୃତ୍ୟୁ ହୋଇଛନ୍ତି । ସେହିପରି ମଧ୍ୟପ୍ରଦେଶ 145 ଜଣ, ରାଜସ୍ଥାନରେ 62, ଦିଲ୍ଲୀରେ 61, ଉତ୍ତରପ୍ରଦେଶରେ 42, ପଶ୍ଚିମବଙ୍ଗରେ 33, ତାମିଲନାଡୁରେ 28, ତେଲେଙ୍ଗାନାରେ 26, କର୍ଣ୍ଣାଟକରେ 22, ପଞ୍ଜାବରେ 19, ଜମ୍ମୁକାଶ୍ମୀରରେ 8, ହରିୟାଣାରେ 4, କେରଳରେ 4, ଝାଡଖଣ୍ଡରେ 3, ବିହାରରେ ତିନି , ଆସାମ, ହିମାଚଳ ପ୍ରଦେଶ, ମେଘାଳୟ ଓ ଓଡ଼ିଶାରେ ଜଣେ ଲେଖାଏଁ ମୃତ୍ୟୁବରଣ କରିଛନ୍ତି । କେନ୍ଦ୍ର ସରକାର କରୋନା ସହ ମୁକାବିଲା କରିବା ପାଇଁ ତୃତୀୟ ଥର ପାଇଁ ଲକ ଡାଉନର ଅବଧିକୁ ବୃଦ୍ଧି କରାଯାଇଛି ।(ଏଜେନ୍ସି)
