ଭୁବନେଶ୍ବର: ଭୁବନେଶ୍ବର ନୀଳାଦ୍ରି ବିହାର ସ୍ଥିତ ରାଜ୍ୟର ପ୍ରମୁଖ ସୁପର ମଲ୍ଟି-ସ୍ପେସିଆଲିଟି ଉତ୍କଳ ହସ୍ପିଟାଲରୁ କିଡନୀ ପ୍ରତିରୋପଣ ହୋଇଥିବା ଜଣେ ପୁରୁଷ ରୋଗୀ ଆଜି ଡିସ୍ଚାର୍ଜ ହୋଇଛନ୍ତି। ଏବଂ ଏବେ ସେ ସଂପୂର୍ଣ୍ଣ ସୁସ୍ଥ ଅଛନ୍ତି। ସେ ଅନ୍ୟ ମାନଙ୍କ ଭଳି କାମ କରିପାରିବେ ବୋଲି ଉତ୍କଳ ହସ୍ପିଟାଲର ନେଫ୍ରୋଲୋଜି ବିଭାଗର ସିନିୟର କନସୋଲଟାନ୍ଟ ଡାଃ. ଲଲାଟ ବରୁନ ପାତ୍ର କହିଛନ୍ତି।
ରୋଗୀଙ୍କର କିଡନୀ ସମ୍ବନ୍ଧୀୟ ଅସୁବିଧା ଗତ ୬ ମାସ ତଳେ ଜଣା ପଡିଥିଲା। ତେଣୁକରି ସେ ସେବେଠାରୁ ସପ୍ତାହରେ ୩ ଥର ଡାଈଆଲିସିସ କରାଉଥିଲେ। ଶେଷରେ ତାଙ୍କ ଶାଶୁ ତାଙ୍କର ଗୋଟେ କିଡନୀ ତାଙ୍କ ଜ୍ଵାଇଁଙ୍କୁ ଦେବା ପାଇଁ ନିଷ୍ପତ୍ତି ନେଲେ। ଗତ ମାସ ୨୭.୧୧.୨୦୨୩ ତାରିଖରେ ପୀଡିତଙ୍କ ଠାରେ କିଡନୀ ପ୍ରତିରୋପଣ ହୋଇଥିଲା। ଆଜି ୦୬-୧୨-୨୦୨୩ ରୋଗୀ ସଂପୂର୍ଣ୍ଣ ସୁସ୍ଥ ଥିବା ସମୟରେ ହସ୍ପିଟଲରୁ ଡିସ୍ଚାର୍ଜ ହୋଇଛନ୍ତି।
ଏହି ଜଟିଳ କିଡନୀ ଟ୍ରାନ୍ସପ୍ଳାଣ୍ଟଟେସନ ଉତ୍କଳ ହସ୍ପିଟଲର ପ୍ରଥମ କରି ସଫଳତାର ସହ ସଂପୂର୍ଣ୍ଣ ହୋଇଛି। ଡାଃ. ଲଲାଟ ବରୁନ ପାତ୍ର (ନେଫ୍ରୋଲୋଜି), ଡାଃ. ପବିତ୍ର କୁମାର ମିଶ୍ର (ଉରୋଲୋଜି) ଓ ସପୋର୍ଟ ଟୀମର ଅକ୍ଲାନ୍ତ ପରିଶ୍ରମ ଯୋଗୁଁ ଏହା ସମ୍ଭବ ହୋଇପାରିଥିଲା।
ଏହି ଅବସରରେ ଟିମ ତରଫରୁ ଉତ୍କଳ ହସ୍ପିଟାଲର ଚେୟାରମ୍ୟାନ ଡାଃ. ଆଦିତ୍ୟ ସାମଲ, ମାନେଜିଙ୍ଗ ଡିରେକ୍ଟର ଡାଃ. ପ୍ରଜ୍ଞାନ ରଞ୍ଜନ ଘଡାଇ ଏବଂ ଚିଫ ଏକ୍ସେକ୍ୟୁଟିଭ ଅଫିସର ଡାଃ. ଆଶିଷ ଚନ୍ଦ୍ରା ପ୍ରମୁଖ ତାଙ୍କୁ ଉତ୍ସାହିତ କରିଥିବାରୁ ସେ ଧନ୍ୟବାଦ ଅପର୍ଣ କରିଥିଲେ।
