ନୂଆଦିଲ୍ଲୀ: ୟୁକ୍ରେନ ଛାଡିବା ସମୟରେ ଗୁଳିରେ ଆହତ ହୋଇଥିବା ଭାରତୀୟ ହରଜତ ସିଂ ଆଜି ଘରକୁ ଫେରିବେ। ତାଙ୍କୁ ଆମ୍ବୁଲାନ୍ସ ଯୋଗେ ରେଜଜୋବ ବିମାନ ବନ୍ଦରକୁ ନିଆଯାଇଛି ଏବଂ କେନ୍ଦ୍ର ମନ୍ତ୍ରୀ ଭି.କେ ସିଂଙ୍କ ତାଙ୍କର ସ୍ବାସ୍ଥ୍ୟବସ୍ଥା ବୁଝିଛନ୍ତି। ସେ ଆଜି ସନ୍ଧ୍ୟା ୭ ଟାରେ ସି -୧୭ ଏୟାରଫୋର୍ସ ବିମାନ ଦ୍ୱାରା ହିନ୍ଦନ ଏୟାରବେସରେ ପହଞ୍ଚିବେ। ତାଙ୍କ ସହ ଅନ୍ୟ ୨୦୦ ଜଣ ଭାରତୀୟ ଆଜି ଭାରତ ଫେରିବେ। ସୂଚନା ଅବୁଷାରେ ଆଜି ସାତୋଟି ସ୍ୱତନ୍ତ୍ର ବିମାନରେ ୧ ହଜାର ୫୦୦ ଭାରତୀୟ ଫେରିବେ ବୋଲି ଆଶା କରାଯାଉଛି।
ୟୁକ୍ରେନର ରାଜଧାନୀ କିବରେ ଏକ କ୍ୟାବରେ ଚଢୁବାବେଳେ ତାଙ୍କୁ ଚାରିଟି ଗୁଳି ବାଜିଥିଲା ଏବଂ ତାଙ୍କର ଗୋଡ ଭାଙ୍ଗି ଯାଇଥିଲା। ବୈଦେଶିକ ବ୍ୟାପାର ମନ୍ତ୍ରୀ ଭି.କେ ସିଂ ପୂର୍ବରୁ ସୂଚନା ଦେଇଥିଲେ ଯେ, ହରଜୋତ ସିଂ ସୋମବାର ଅପରେସନ୍ ଗଙ୍ଗା ଅଧୀନରେ ଘରକୁ ଫେରିବେ। ଭାରତୀୟ ଛାତ୍ରମାନଙ୍କ ନିରାପଦ ପ୍ରତ୍ୟାବର୍ତ୍ତନ ପାଇଁ ପଡୋଶୀ ଦେଶ ୟୁକ୍ରେନକୁ ପଠାଯାଇଥିବା ଚାରିଜଣ ମନ୍ତ୍ରୀଙ୍କ ମଧ୍ୟରେ ଭି.କେ ସିଂ ଅଛନ୍ତି। ଭି.କେ ସିଂ ପୋଲାଣ୍ଡରେ ଏହି ଅଭିଯାନରେ ନିୟୋଜିତ ଅଛନ୍ତି। ଯେତେବେଳେ ହରଜୋତ ସିଂଙ୍କୁ ଗୁଳି କରାଯାଇଥିଲା, ସେତେବେଳେ ତାଙ୍କ ପାସପୋର୍ଟ ମଧ୍ୟ ହଜି ଯାଇଥିଲା।