କୋଣାର୍କ: ଆଜିଠାରୁ କୋଣାର୍କ ମୁକ୍ତାକାଶ ରଂଗମଞ୍ଚରେ ଆରମ୍ଭ ହେଉଛି କୋଣାର୍କ ଉତ୍ସବ। ଏହି ଉତ୍ସବ ସହିତ ଚନ୍ଦ୍ରଭାଗା କୂଳରେ ମଧ୍ୟ ଆରମ୍ଭ ହେଉଛି ବାଲୁକାକଳା ଉତ୍ସବ। ଏହି ଉତ୍ସବ ରାଜ୍ୟ ପର୍ଯ୍ୟଟନ ବିଭାଗ ଦ୍ବାରା ଆୟୋଜିତ ହେଉଛି। ପାଞ୍ଚଦିନ ଧରି ଆୟୋଜିତ ଏହି ଉତ୍ସବରେ ଦେଶ ବିଦେଶରୁ ବାଲୁକା ଶିଳ୍ପୀମାନେ ଯୋଗଦେଇଛନ୍ତି।
ମୁଖ୍ୟତଃ ବାଲୁକା କଳାର ପ୍ରଚାର ପ୍ରସାର ପାଇଁ ଏହି ଉତ୍ସବ ପ୍ରତିବର୍ଷ ଆୟୋଜିତ ହୋଇଆସୁଛି। ପ୍ରଖ୍ୟାତ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ଆଜି ଦେଶ ବିଦେଶରେ ନିଜର ବାଲୁକା କଳା ଦ୍ବାରା ପ୍ରଖ୍ୟାତ ହୋଇପାରିଛନ୍ତି। ସେହିପରି ବାଲୁକାକଳାକୁ ଉତ୍ସାହିତ କରି ବାଲୁକାଶିଳ୍ପୀଙ୍କୁ ସୃଷ୍ଟି କରିବା ଏହି ଉତ୍ସବର ଉଦ୍ଦେଶ୍ୟ ରହିଛି। ଏଥିରେ ଭାରତର ରାଜସ୍ଥାନ, ଝାଡଖଣ୍ଡ, ପଶ୍ଚିମବଂଗ, ଉତ୍ତରପ୍ରଦେଶ ଏବଂ ବିହାର ପରି ରାଜ୍ୟରୁ ବାଲୁକା ଶିଳ୍ପୀ ଯୋଗ ଦେଇଛନ୍ତି।