Categories
ଆଜିର ଖବର ରାଜ୍ୟ ଖବର

ବିଜେପିକୁ ଅଡୁଆ ଜୟ ନାରାୟଣ ମିଶ୍ର, କହୁକହୁ କହିଦେଲେ ବିସ୍ପୋରକ କଥା

ଭୁବନେଶ୍ବର: ବିଜେପିକୁ ଅଡୁଆ ସମ୍ବଲପୁର ବିଧାୟକ ଜୟନାରାୟଣ ମିଶ୍ର। କାରଣ ସେ କେତେବେଳେ କଣ କହିଦେଉଛନ୍ତି ଯାହାକୁ ନେଇ ସାରା ଓଡିଶାରେ ଚହଳ ପଡୁଛି। ସେତିକିୁ ନୁହେଁ ତାଙ୍କ ବିଜେପି ଦଳ ମଧ୍ୟ ଅଡୁଆରେ ପଡୁଛି। ପୂର୍ବରୁ ବହୁ ଉଦାହରଣ ରହିଛି ଯାହା ତାଙ୍କୁ ବିବାଦୀୟ କରିଦେଇଛି। ସେହିପରି ଗତକାଲି ମହିଳା ଦିବସରେ ସେ ଯାହା କହିଲେ ତାହା ମଧ୍ୟ ଭିନ୍ନ ଏକ ବିବାଦୀୟ ସୃଷ୍ଟି କରିଛି।

ଜୟନାରାୟଣ ସମ୍ବଲପୁରରେ ଏକ ସଭାରେ କହିଲେ ଯେ, ଆମେ ଓଡିଶାରେ ମିଶି ଭୁଲ କରିଥିଲୁ। କାରଣ କଳିଙ୍ଗ, କୋଶଳ ଓ ଉତ୍କଳ ନେଇ ଓଡିଶା। ହେଲେ ବର୍ତ୍ତମାନ କେବଳ ଉତ୍କଳ ନାଆ ରହୁଛି. କୋଶଳ ନାମ ରହୁ ନାହିଁ। ସମସ୍ତେ ଜୟ ଉତ୍କଳ ଗାଉଛନ୍ତି, ହେଲେ କାହିଁକି କୋଶଳ ନାମ ନିଆଯିବ ନାହିଁ ବୋଲି ସେ ପ୍ରଶ୍ନ କରିଥିଲେ। ତେଣୁ ସେତେବେଳ ଓଡିଶା ସହିତ କୋଶଳ ମିଶିବା ଏକ ଐତିହାସିକ ଭୁଲ ଥିଲା ବୋଲି ସେ କହିଛନ୍ତି। ଏହାକୁ ନେଇ ବିଭିନ୍ନ ମହଲରେ ବେଶ ଚର୍ଚ୍ଚା ଚାଲିଛି।

Categories
ଆଜିର ଖବର ରାଜ୍ୟ ଖବର

ପୁଣି ଚର୍ଚ୍ଚାରେ ବିଧାୟକ ନରସିଂହ ମିଶ୍ର, ବିଧାନସଭାରେ କୋଶଳୀ ଭାଷାରେ ବକ୍ତବ୍ୟ ରଖିବାକୁ ଦାବୀ

ଭୁବନେଶ୍ବର: ବିଧାନସଭାରେ କୋଶଳୀ ଭାଷାରେ ବିଭିନ୍ନ ତଥ୍ୟ ରଖିବା ପାଇଁ ଅନୁମତି ଦିଆଯାଉ ବୋଲି ଆଜି ବାଚସ୍ପତିଙ୍କୁ ଜଣାଇଛନ୍ତି ବିଧାୟକ ନରସିଂହ ମିଶ୍ର। ଆସନ୍ତାକାଲି ବିଧାନସଭା ଥିବାରୁ ଆଜି ସର୍ବଦଳୀୟ ବୈଠକ କରାଯାଇଥିଲା। ବାଚସ୍ପତିଙ୍କ ଅଧ୍ୟକ୍ଷତାରେ ଏହି ବୈଠକ କରାଯାଇଥିଲା। ଏଥିରେ କଂଗ୍ରେସ ବିଧାୟକ ନରସିଂହ ମିଶ୍ର ଏହି ଦାବୀ ରଖିଥିଲେ।

ବର୍ତ୍ତମାନ କୋଶଳୀମାନେ ସ୍ବତନ୍ତ୍ର ରାଜ୍ୟ ପାଇଁ ଆନ୍ଦୋଳନ କରୁଥିବା ବେଳେ ନରସିଂହ ମିଶ୍ରଙ୍କ ବିଭିନ୍ନ ବକ୍ତବ୍ୟ ବିବାଦୀୟ ହେଉଛି। ପୂର୍ବରୁ ସେ ସିନେମା କଳିକୁ ନେଇ ଓଡିଶା ଦୁଇ ଭାଗ ହୋଇଯିବ ବୋଲି ନରସିଂହ କହିଥିଲେ। ଏବେ ବିଧାନସଭାରେ କୋଶଳୀ ଭାଷାରେ ତଥ୍ୟ ରଖିବାକୁ ଅନୁମତି ମାଗିବା ଘଟଣା ପୁଣି ବିବାଦୀୟ ହୋଇପଡିଛି।

ତେବେ ବିଧାନସଭାରେ ଏହି ଭାଷାର କ୍ଷୀପ୍ରଲେଖକ ନ ଥିବାରୁ ତାହା କହିବା ପାଇଁ ଅନୁମତି ଦିଆଯାଇପାରିବ ନାହିଁ ବୋଲି ବାଚସ୍ପତି ଜଣାଇଥିଲେ। କାରଣ ସେହି ଭାଷାରେ ଗୃହର ବିବରଣୀରେ ସ୍ଥାନ ନ ପାଇଲେ ତାହା କହିବାର କୌଣସି ମୂଲ୍ୟ ରହିବ ନାହିଁ। ପରବର୍ତ୍ତି ସମୟରେ ଏହା ଉପରେ ବିଚାର କରାଯିବ ବୋଲି ବାଚସ୍ପତି ଜଣାଇଥିଲେ।