ଦିଲ୍ଲୀ: ଭାରତ ସରକାରଙ୍କର ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟ, ପ୍ରତି ବର୍ଷ କ୍ରୀଡା ପୁରସ୍କାର ପାଇଁ ଆବେଦନ ଆମନ୍ତ୍ରଣ କରିଥାଏ। ୨୦୨୨ ବର୍ଷ ପାଇଁ କ୍ରୀଡା ପୁରସ୍କାର ନିମନ୍ତେ ଆବେଦନକାରୀ ଆମନ୍ତ୍ରଣ ପତ୍ର ସମ୍ପର୍କିତ ବିଜ୍ଞପ୍ତି ୱେବ୍ ସାଇଟ୍ www.yas.nic.in ରେ ଅପ୍ଲୋଡ୍ କରା ଯାଇଛି। ଭାରତୀୟ ଅଲିମ୍ପିକ୍ ସଂଘ/ଭାରତୀୟ କ୍ରୀଡା ପ୍ରାଧିକରଣ (ସ୍ୱୋର୍ଟ୍ସ ଅଥରିଟି ଅଫ୍ ଇଣ୍ଡିଆ)/ସ୍ୱୀକୃତି ପ୍ରାପ୍ତ ଜାତୀୟ କ୍ରୀଡା ସଂଘ/କ୍ରୀଡା ପ୍ରୋତ୍ସାହନ ବୋର୍ଡ/ରାଜ୍ୟ ଏବଂ କେନ୍ଦ୍ର ଶାସିତ ପ୍ରଦେଶ ସରକାର ଇତ୍ୟାଦିଙ୍କୁ ମଧ୍ୟ ସେହି ଅନୁଯାୟୀ ସୂଚିତ କରା ଯାଇଛି।
ପୁରସ୍କାର ପାଇଁ ଯୋଗ୍ୟ କ୍ରୀଡାବିତ୍ ମାନଙ୍କ ଠାରୁ/ପ୍ରଶିକ୍ଷକ ମାନଙ୍କ ଠାରୁ/ସଂସ୍ଥା ଗୁଡିକ ଠାରୁ/ବିଶ୍ୱ ବିଦ୍ୟାଳୟ ଗୁଡିକ ଠାରୁ ଆବେଦନ ଆମନ୍ତ୍ରିତ କରା ଯାଇଛି। ଏହି ବର୍ଷ ଠାରୁ ଏକ ଉତ୍ସର୍ଗୀକୃତ ପୋର୍ଟାଲ୍ ମାଧ୍ୟମରେ କେବଳ ଅନ୍ଲାଇନ୍ ମୋଡ୍ରେ ଆବେଦନ ଗୁଡିକ ଆମନ୍ତ୍ରିତ କରା ଯାଉଛି। ପୁରସ୍କାର ନିର୍ଦ୍ଦେଶାବଳୀ ଅନୁଯାୟୀ ଆବେଦନକାରୀ କେବଳ ପୋର୍ଟାଲ୍ dbtyas-sports.gov.in ରେ ଅନ୍ଲାଇନ୍ ମାଧ୍ୟମରେ କୌଣସି କର୍ତୃପକ୍ଷ/ବ୍ୟକ୍ତିଙ୍କ ବିନା ସୁପାରିଶରେ ଆତ୍ମ – ନିବେଦନ କରିବାକୁ ଅନୁମତି ପ୍ରଦାନ କରା ଯାଇଛି। ଅନ୍ ଲାଇନ୍ ଆବେଦନ କରିବା ସମୟରେ କୌଣସି ପ୍ରକାର ସମସ୍ୟାର ସମ୍ମୁଖୀନ ହେଲେ, ଆବେଦନକାରୀ କ୍ରୀଡା ବିଭାଗ ସହିତ ଇ – ମେଲ୍ ଆଇଡି section.sp4-moyas[at]gov[dot]in ମାଧ୍ୟମରେ ଯୋଗାଯୋଗ କରି ପାରିବେ କିମ୍ବା ୦୧୧ – ୨୩୩୮୭୪୩୨ ଟେଲିଫୋନ୍ ନମ୍ବରରେ ଯେ କୌଣସି କାର୍ଯ୍ୟ ଦିବସରେ ସକାଳ ୯ଟା ରୁ ଅପରାହ୍ନ ୫.୩୦ ପର୍ଯ୍ୟନ୍ତ ସମୟ ଭିତରେ ଯୋଗାଯୋଗ କରି ପାରିବେ। ପୁରସ୍କାର ପାଇଁ ଯୋଗ୍ୟ କ୍ରୀଡାବିତ୍ଙ୍କର ଆବେଦନ ପୋର୍ଟାଲ୍ dbtyas-sports.gov.in ରେ ୨୦ ସେପ୍ଟେମ୍ବର ୨୦୨୨ ତାରିଖ ରାତି ୧୧. ୫୯ ସୁଦ୍ଧା ଦାଖଲ ହେବା ଜରୁରୀ ଅଟେ। ଶେଷ ତାରିଖ ପରେ ଗ୍ରହଣ କରା ଯାଇଥିବା ଆବେଦନକୁ ବିଚାରକୁ ନିଆ ଯିବ ନାହିଁ।
କ୍ରୀଡା କ୍ଷେତ୍ରରେ ଉତ୍କର୍ଷତାକୁ ଚିହ୍ନଟ କରିବା ଏବଂ ପୁରସ୍କୃତ କରିବା ପାଇଁ ପ୍ରତି ବର୍ଷ କ୍ରୀଡା ପୁରସ୍କାର ଦିଆଯାଏ। ଚାରି ବର୍ଷ ମଧ୍ୟରେ ଜଣେ କ୍ରୀଡାବିତ୍ଙ୍କ ଦ୍ୱାରା କ୍ରୀଡା କ୍ଷେତ୍ରରେ ଚମତ୍କାର ତଥା ଉଲ୍ଲେଖନୀୟ ପ୍ରଦର୍ଶନ ପାଇଁ ମେଜର୍ ଧ୍ୟାନ ଚାନ୍ଦ ଖେଳ ରତ୍ନ ପୁରସ୍କାର ପ୍ରଦାନ କରା ଯାଇଥାଏ। ଚାରି ବର୍ଷ ପାଇଁ କ୍ରମାଗତ ଉଲ୍ଲେଖନୀୟ ପ୍ରଦର୍ଶନ ନିମନ୍ତେ ଅର୍ଜୁନ ପୁରସ୍କାର ଦିଆଯାଏ। ଆନ୍ତର୍ଜାତୀୟ ସମ୍ମାନଜନକ କ୍ରୀଡା ଇଭେଂଟରେ ପଦକ ବିଜେତା ସୃଷ୍ଟି କରିବା ନିମନ୍ତେ ପ୍ରଶିକ୍ଷକ ମାନଙ୍କୁ ଦ୍ରୋଣାଚାର୍ଯ୍ୟ ପୁରସ୍କାର ପ୍ରଦାନ କରା ଯାଇଥାଏ, ଯେତେବେଳେ କି ଧ୍ୟାନଚାନ୍ଦ ପୁରସ୍କାର କ୍ରୀଡା ବିକାଶରେ ଜୀବନ ବ୍ୟାପି ଅବଦାନ ପାଇଁ ଦିଆ ଯାଇଥାଏ।
କର୍ପୋରେଟ୍ ସଂସ୍ଥା ଏବଂ ବ୍ୟକ୍ତି ବିଶେଷଙ୍କୁ ରାଷ୍ଟ୍ରୀୟ ଖେଳ ପ୍ରୋତ୍ସାହନ ପୁରସ୍କାର ପ୍ରଦାନ କରା ଯାଇଥାଏ, ଯେଉଁମାନେ କ୍ରୀଡା ପ୍ରୋତ୍ସାହନ ଏବଂ ବିକାଶ କ୍ଷେତ୍ରରେ ଆଖି ଦୃଶିଆ ଭୂମିକା ଗ୍ରହଣ କରିଥାନ୍ତି। ଆନ୍ତଃ ବିଶ୍ୱ ବିଦ୍ୟାଳୟ ଟୁର୍ଣ୍ଣାମେଂଟରେ ସାମଗ୍ରିକ ଶ୍ରେଷ୍ଠ ପ୍ରଦର୍ଶନ ନିମନ୍ତେ ବିଶ୍ୱ ବିଦ୍ୟାଳୟକୁ ମୌଲାନା ଆବଦୁଲ୍ କଲାମ୍ ଆଜାଦ୍ (ଏମ୍ଏକେଏ) ଟ୍ରଫି ପ୍ରଦାନ କରା ଯାଇଥାଏ।
