Tag: ଖଣି ମନ୍ତ୍ରଣାଳୟ

ନୂଆଦିଲ୍ଲୀ: ଖଣି ମନ୍ତ୍ରଣାଳୟ ଏହାର କ୍ଷେତ୍ରୀୟ କାର୍ଯ୍ୟାଳୟ ଗୁଡ଼ିକ ସହାୟତାରେ ସ୍ୱଚ୍ଛତା ହିଁ ସେବା (ଏସଏଚଏସ) ୨୦୨୪ ଅଭିଯାନରେ ସକ୍ରିୟତାର ସହ ଅଂଶ ଗ୍ରହଣ କରିଛନ୍ତି। ସେମାନେ ସରକାରଙ୍କ ସମସ୍ତ ଆଭିମୁଖ୍ୟକୁ ଗ୍ରହଣ କରିବା ସହ ସ୍ୱଚ୍ଛତାକୁ ପ୍ରୋତ୍ସାହିତ କରିବା, କ୍ଲିନଲିନେସ୍ ଟାର୍ଗେଟ ୟୁନିଟସ(ସିଟିୟୁ) ଗୁଡ଼ିକୁ ରୂପାନ୍ତର କରିବା ଏବଂ ସଫେଇ ମିତ୍ରମାନଙ୍କର ଗୁରୁତ୍ୱପୂର୍ଣ୍ଣ ଭୂମିକାକୁ ଚିହ୍ନଟ କରିବା ଆଦିରେ ବେଶ୍ ସଫଳ ହୋଇଛନ୍ତି। ମୋଟ ୫୧୦ଟି କାର୍ଯ୍ୟକ୍ରମ ସଫଳତାର ସହ ଅନୁଷ୍ଠିତ ହୋଇପାରିଛି। ୫୧ଟି ସିଟିୟୁର ରୂପାନ୍ତର କରାଯାଇପାରିଛି ଯେଉଁଠାରେ କି ଅବହେଳିତ ଗାର୍ବେଜ ପଏଣ୍ଟ ଗୁଡ଼ିକୁ ସ୍ୱଚ୍ଛ କରି ରୂପାନ୍ତର କରାଯାଇଛି। ମନ୍ତ୍ରଣାଳୟର ସମସ୍ତ କାର୍ଯ୍ୟାଳୟରେ ସ୍ୱଚ୍ଛତାକୁ ଗୁରୁତ୍ୱ ଦେବା ଦିଗରେ ଥିବା ପ୍ରତିବଦ୍ଧତାକୁ ଏହା ଦର୍ଶାଉଛି।

ଉତ୍ସର୍ଗୀକୃତ ମନୋଭାବରେ ଏସଏଚଏସ ୨୦୨୪ ଅଭିଯାନରେ ସାମିଲ ହେବା ଉଦ୍ଦେଶ୍ୟରେ କେନ୍ଦ୍ର କୋଇଲା ଓ ଖଣି ରାଷ୍ଟ୍ରମନ୍ତ୍ରୀ ସତୀଶ ଚନ୍ଦ୍ର ଦୁବେ, ସଚିବ (ଖଣି) ଏବଂ ଅନ୍ୟ ଅଧିକାରୀମାନେ ଦେଶବ୍ୟାପୀ ଭୂ-ଐତିହ୍ୟ ଓ ଭୂ-ପର୍ଯ୍ୟଟନ ସ୍ଥଳକୁ ଗସ୍ତ କରିଛନ୍ତି।

‘ସ୍ୱଚ୍ଛତା ର ଭାଗିଦାରୀ’ ଅଭିଯାନରେ ରଚନାତ୍ମକ ଅପଶିଷ୍ଟକୁ ନେଇ କଳାକ୍ଷେତ୍ରର କାର୍ଯ୍ୟକ୍ରମ ଆୟୋଜନ କରାଯାଇଛି। ଏହାଦ୍ୱାରା ଅନେକ ସୁନ୍ଦର ମୂର୍ତ୍ତି ତିଆରି ହୋଇପାରିଛି, ଯେଉଁଥିରେ କି ଜେଏନଏଆରଡିଡିସି ଦ୍ୱାରା ଆଲୁମିନିୟମ ସ୍କ୍ରାପରେ ନିର୍ମିତ ଉତ୍କୃଷ୍ଟ କଳାକୃତି ମଧ୍ୟ ରହିଛି। ସଫେଇ ମିତ୍ରମାନଙ୍କୁ ଅଧିକ ସହାୟତା କରିବା ପାଇଁ ସ୍ୱାସ୍ଥ୍ୟ ଶିବିର ଆୟୋଜନ କରାଯାଇଛି। ସେମାନଙ୍କର ମହତ୍ୱପୂର୍ଣ୍ଣ ଭୂମିକାକୁ ସ୍ୱୀକୃତି ଦେବା ଲକ୍ଷ୍ୟରେ ପିପିଇ କିଟ୍ ଏବଂ ଅନ୍ୟାନ୍ୟ ସୁରକ୍ଷର ସରଞ୍ଜାମ ବିତରଣ କରାଯାଇଛି। ବିଶ୍ୱ ସ୍ୱାସ୍ଥ୍ୟ ସଂଗଠନ ଏବଂ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ସହ ମିଶି ଖଣି ମନ୍ତ୍ରଣାଳୟ ୨୬ ସେପ୍ଟେମ୍ବର ୨୦୨୪ରେ ଶାସ୍ତ୍ରୀ ଭବନରେ ଏବଂ ନାଗପୁରରେ ଆଇବିଏମ୍ ଓ ଜେଏନଆରଡିଡିସି କାର୍ଯ୍ୟାଳୟରେ ସଫେଇ ମିତ୍ର ଏବଂ ଅନ୍ୟ କର୍ମଚାରୀଙ୍କ ପାଇଁ ସ୍ୱତନ୍ତ୍ର ଟିବି ଚିହ୍ନଟ ଶିବିର ଆୟୋଜନ କରାଯାଇଥିଲା।

ସ୍ଥାୟିତ୍ୱ ପ୍ରତି ନିଜର ପ୍ରତିବଦ୍ଧତା ଦର୍ଶାଇ ମନ୍ତ୍ରଣାଳୟ ‘ମା’ଙ୍କ ନାମରେ ଏକ ଗଛ’ ମିଶନରେ ବୃକ୍ଷରୋପଣ ଅଭିଯାନ କରିଛି। ସ୍ୱଚ୍ଛତା ପ୍ରତିଜ୍ଞା, ଆଦର୍ଶ ବାକ୍ୟ ଲିଖନ ଏବଂ ପ୍ରବନ୍ଧ ପ୍ରତିଯୋଗିତା ମାଧ୍ୟମରେ ଅଭିଯାନ ସହ ଜନଭାଗିଦାରୀକୁ ବୃଦ୍ଧି କରାଯାଇଛି। ଏଥିସହ ପର୍ଯ୍ୟାବରଣ ସଂରକ୍ଷଣକୁ ତ୍ୱରାନ୍ୱିତ କରିବା ପାଇଁ ୬ଟି ପୁନଃପ୍ରାପ୍ତ ଖଣି ଅଞ୍ଚଳର ସୌନ୍ଦର୍ଯ୍ୟକରଣ କରାଯାଇଛି।

ମନ୍ତ୍ରଣାଳୟର ସମସ୍ତ କାର୍ଯ୍ୟକ୍ରମରେ ୨ ଅକ୍ଟୋବରରେ ସ୍ୱଚ୍ଛ ଭାରତ ଦିବସ ପାଳନ କରାଯିବା ସହ ଅଭିଯାନ ଉଦଯାପିତ ହୋଇଥିଲା। ଏହି ଅବସରରେ ଶାସ୍ତ୍ରୀ ଭବନରେ ଖଣି ମନ୍ତ୍ରଣାଳୟର ଅତିରିକ୍ତ ସଚିବ ସଞ୍ଜୟ ଲୋହିଆଙ୍କ ନେତୃତ୍ୱରେ ବରିଷ୍ଠ ଅଧିକାରୀମାନେ ଶ୍ରମଦାନ କାର୍ଯ୍ୟକ୍ରମରେ ଭାଗ ନେବା, ସ୍ୱଚ୍ଛତା ଓ ଜନସେବା ଦିଗରେ ମନ୍ତ୍ରଣାଳୟର ପ୍ରତିବଦ୍ଧତାକୁ ସ୍ପଷ୍ଟ କରୁଛି।

ଖଣି ମନ୍ତ୍ରଣାଳୟର ତାର ପ୍ରଭାବଶାଳୀ ପ୍ରଚେଷ୍ଟା ମାଧ୍ୟମରେ ସ୍ୱଚ୍ଛତା ହିଁ ସେବା ୨୦୨୪ ଅଭିଯାନର ଉଦ୍ଦେଶ୍ୟ ପୂରଣ କରିବା ଦିଗରେ ଅବଦାନ ରଖିଛି, ଯଦ୍ୱାରାକି ସମସ୍ତଙ୍କୁ ସ୍ୱଚ୍ଛ ଓ ସବୁଜ ବାତାବରଣର ସୁଯୋଗ ମିଳିପାରିବ।

ନୂଆଦିଲ୍ଲୀ: ଖଣି ମନ୍ତ୍ରଣାଳୟର ସଚିବ ଭିଏଲ କାନ୍ତ ରାଓ ନୂଆଦିଲ୍ଲୀସ୍ଥିତ ସଂସଦ ମାର୍ଗରେ ଥିବା ଖଣିଜ ବିଦେଶ ଇଣ୍ଡିଆ ଲିମିଟେଡ୍ (କାବିଲ୍)ର ପଞ୍ଜୀକୃତ କାର୍ଯ୍ୟାଳୟକୁ ମନ୍ତ୍ରଣାଳୟ ଏବଂ କାବିଲର ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଉଦ୍ ଘାଟନ କରିଛନ୍ତି।

ଖଣି ମନ୍ତ୍ରଣାଳୟ ଅଧୀନରେ ଥିବା ସିପିଏସ୍ଇ ନାଲ୍ କୋ, ଏଚସିଏଲ୍ ଏବଂ ଏମ୍ଇସିଏଲ୍ ଦ୍ୱାରା ଗଠିତ ଏକ ଯୁଗ୍ମ ଉଦ୍ୟୋଗ କମ୍ପାନି କାବିଲ୍ କୁ ବିଦେଶରେ ଗୁରୁତ୍ୱପୂର୍ଣ୍ଣ ଏବଂ ରଣନୈତିକ ଖଣିଜ ସମ୍ପତ୍ତି ଚିହ୍ନଟ, ଅନୁସନ୍ଧାନ, ଅଧିଗ୍ରହଣ ଏବଂ ବିକାଶ ର ଗୁରୁତ୍ୱପୂର୍ଣ୍ଣ ମିଶନର ଦାୟିତ୍ୱ ଦିଆଯାଇଛି।

ଖଣି ସଚିବ ତାଙ୍କ ଉଦ୍ ଘାଟନୀ ଭାଷଣରେ ଉଲ୍ଲେଖ କହିଥିଲେ ଯେ ଦିଲ୍ଲୀରେ କାବିଲ୍ କାର୍ଯ୍ୟାଳୟ ଉଦ୍ ଘାଟନ ଭାରତର ଖଣିଜ ନିରାପତ୍ତାକୁ ସୁନିଶ୍ଚିତ କରିବା ଦିଗରେ ମିଳିତ ପ୍ରୟାସର ଏକ ନୂତନ ଯୁଗର ପ୍ରତୀକ। ଉତ୍କର୍ଷତା ପ୍ରତି ଦୃଢ଼ ପ୍ରତିବଦ୍ଧତା ସହିତ କାବିଲ୍ “ମେକ୍ ଇନ୍ ଇଣ୍ଡିଆ” ଏବଂ “ବିକଶିତ ଭାରତ” ଏବଂ ଭାରତ ନେଟ୍ ଜିରୋ ନିର୍ଗମନ ଲକ୍ଷ୍ୟ ହାସଲ କରିବା ସହିତ ଗୁରୁତ୍ୱପୂର୍ଣ୍ଣ ଏବଂ ରଣନୈତିକ ଖଣିଜ କ୍ଷେତ୍ରରେ ଭାରତର ଅଭିବୃଦ୍ଧି ଏବଂ ଆତ୍ମନିର୍ଭରଶୀଳତାକୁ ଆଗକୁ ବଢ଼ାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ପ୍ରସ୍ତୁତ ଅଛି ।

କାବିଲର ଯାତ୍ରାର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଥିଲା ଜାନୁଆରୀ ୧୫, ୨୦୨୪ରେ ସିଏଏମୱାଇଏନ ସହିତ ଏକ ଅନୁସନ୍ଧାନ ଏବଂ ବିକାଶ ଚୁକ୍ତି ସ୍ୱାକ୍ଷରିତ ହେବା । ଏହି ଚୁକ୍ତି ଆର୍ଜେଣ୍ଟିନାର ପାଞ୍ଚଟି ଲିଥିୟମ୍ ବ୍ଲକ୍ ପାଇଁ କାବିଲ୍ ସ୍ୱତନ୍ତ୍ର ଅନୁସନ୍ଧାନ ଅଧିକାର ପ୍ରଦାନ କରିଛି, ଯାହା ଇଲେକ୍ଟ୍ରିକ୍ ଯାନ ସମେତ ବିଭିନ୍ନ ଶିଳ୍ପ ପାଇଁ ଅତ୍ୟାବଶ୍ୟକ ବ୍ୟାଟେରୀ ଉତ୍ପାଦନରେ ଏକ ପ୍ରମୁଖ ଉପାଦାନ ଲିଥିୟମର ସ୍ଥିର ଯୋଗାଣ ସୁରକ୍ଷିତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।

ଖଣି ମନ୍ତ୍ରଣାଳୟ ମଧ୍ୟରେ ଜି୨ଜି ବୁଝାମଣା ପତ୍ର ସ୍ୱାକ୍ଷର କରି ଲିଥିୟମର ଅଗ୍ରଣୀ ଉତ୍ପାଦନକାରୀ ଅଷ୍ଟ୍ରେଲିଆ (ବିଶ୍ୱର ଶୀର୍ଷ ଉତ୍ପାଦନକାରୀ ପ୍ରାୟ ୪୭%) ଏବଂ କୋବାଲ୍ଟ (ବିଶ୍ୱର ଚତୁର୍ଥ ବୃହତ୍ତମ ଉତ୍ପାଦକର ପ୍ରାୟ ୩%) ସହ ଭାରତର ସହଯୋଗ ରହିଛି ଏବଂ ବି୨ବି ବୁଝାମଣାପତ୍ର (କାବିଲ୍ ଏବଂ ସିଏମଓ ମଧ୍ୟରେ) ସ୍ୱାକ୍ଷରିତ ହୋଇଛି । ଲିଥିୟମ୍ ଏବଂ କୋବାଲ୍ଟର ୫ଟି ପ୍ରକଳ୍ପ ଚୟନ କରାଯାଇଛି ଯେଉଁଠାରେ ପ୍ରକଳ୍ପର ସମ୍ଭାବ୍ୟତା ଚାଲିଛି।

ନୂଆଦିଲ୍ଲୀରେ କାବିଲର ପଞ୍ଜୀକୃତ କାର୍ଯ୍ୟାଳୟ ଖୋଲିବା ଏକ ବଡ଼ ପଦକ୍ଷେପ ଯାହା ଭାରତର ଘରୋଇ ଆବଶ୍ୟକତାକୁ ପୂରଣ କରିବା ପାଇଁ ଅତ୍ୟାବଶ୍ୟକ ଖଣିଜ ପଦାର୍ଥର ନିରନ୍ତର ଯୋଗାଣ ସୁରକ୍ଷିତ କରିବା ପାଇଁ କାବିଲର ଦକ୍ଷ ଏବଂ ଦ୍ରୁତ କାର୍ଯ୍ୟକୁ ସହଜ କରିବ।

ନୂଆଦିଲ୍ଲୀ: ନୂଆଦିଲ୍ଲୀର ଇଣ୍ଡିଆ ହାବିଟାଟ୍ ସେଣ୍ଟର ଠାରେ ଲାଭପ୍ରଦ ଏବଂ ପ୍ରସଂକ୍ରମଣ କ୍ଷମତାର ବିସ୍ତାରକୁ ନେଇ ଦୁଇଦିନିଆ ‘ମହତ୍ତ୍ୱପୂର୍ଣ୍ଣ ଖଣିଜ ଶିଖର ସମ୍ମିଳନୀ ଆରମ୍ଭ ହୋଇଛି। ମନ୍ତ୍ରଣାଳୟର ପୌରୋହିତ୍ୟରେ ଏହି ଶିଖର ସମ୍ମିଳନୀର ଶୁଭାରମ୍ଭ କରାଯାଇଛି। ଖଣିଜ ସଚିବ ଭି ଏଲ କାନ୍ତାରାଓ ଏହି ସମ୍ମିଳନୀକୁ  ଉଦଘାଟନ  କରିବା ଅବସରରେ ସମ୍ବୋଧିତ କରି କହିଛନ୍ତି ଯେ ମହତ୍ତ୍ୱପୂର୍ଣ୍ଣ ଖଣିଜ ପଦାର୍ଥର ଲାଭ ଏବଂ ପ୍ରକ୍ରିୟାକରଣରେ ସହଯୋଗ ପାଇଁ ନବସୃଜନକୁ ପ୍ରୋତ୍ସାହନ ସେବା ନିମନ୍ତେ ଏକ ଡ଼ିଜାଇନ୍ ପ୍ରସ୍ତୁତ କରାଯାଇଛି।

ଏହି ଶିଖର ସମ୍ମିଳନୀରେ ସ୍ଥାନୀୟ ଏବଂ ସାମୁଦ୍ରିକ ଉଭୟ କ୍ଷେତ୍ରରୁ ପ୍ରାପ୍ତ ଖଣିଜ ପଦାର୍ଥର ଏକ ବିବିଧ ଶୃଙ୍ଖଳାର ପ୍ରଦର୍ଶନୀ ମଣ୍ଡପ ସାମିଲ ହୋଇଛି ଯେଉଁଥିରେ ଉପସ୍ଥିତି ସଂସ୍ଥାମାନେ ମହତ୍ତ୍ୱପୂର୍ଣ୍ଣ ଖଣିତ ଠାରୁ ନେଇ ବ୍ୟାପକ ପରିଦୃଶ୍ୟ ସଂପର୍କରେ ବିଭିନ୍ନ ପ୍ରକାର ଜ୍ଞାତବ୍ୟ ତଥ୍ୟ ଉପସ୍ଥାପନ କରିଛନ୍ତି।

ଭି ଏଲ କାନ୍ତାରାଓ ନିଜର ଉଦଘାଟନୀ ଭାଷଣରେ ଉଲ୍ଲେଖ କରିଛନ୍ତି ଯେ ଦେଶରେ ତୀବ୍ର ଗତିରେ ବୃଦ୍ଧି ପାଉଥିବା ସ୍ୱଚ୍ଛ ଶକ୍ତି ଲକ୍ଷ୍ୟ ପୂରଣ ଦିଗରେ ସହଯୋଗ କରିବା ନିମନ୍ତେ ମହତ୍ତ୍ୱପୂର୍ଣ୍ଣ ଖଣିଜ ପଦାର୍ଥର ଅଭିନବ ସନ୍ଧାନ ଏବଂ ଉପଯୋଗ କ୍ଷେତ୍ରରେ ଭାରତ ତତ୍କାଳ ଆବଶ୍ୟକତା ଉପରେ ଗୁରୁତ୍ୱ ଆରୋପ କରେ। ଘରୋଇ ଖଣିଜ ଅନ୍ୱେଷଣ ଓ ଉତ୍ପାଦନରେ କ୍ଷିପ୍ରତା ଆଣିବା ନିମନ୍ତେ ଖଣିଜ ବ୍ଲକର ନୀଲାମୀ ଉପରେ ବର୍ତ୍ତମାନର ସରକାର ଗୁରୁତ୍ୱ ଆରୋପ କରୁଛନ୍ତି।

ଏହି ଶିଖର ସମ୍ମିଳନୀ ଅବସରରେ ଖଣି ମନ୍ତ୍ରଣାଳୟ ଏବଂ ଶକ୍ତି ପୋଷଣୀୟତା ଏନର୍ଜି ନ୍ୟାସ ମଧ୍ୟରେ ଏକ ବୁଝାମଣା ପତ୍ର (ଏମଓୟୁ) ସ୍ୱାକ୍ଷରିତ ହୋଇଛି। ଏହି ବୁଝାମଣା ପତ୍ର ଖଣି ମନ୍ତ୍ରଣାଳୟ, ଶକ୍ତି ପୋଷଣୀୟତା ଏନର୍ଜି ନ୍ୟାସ, ଶକ୍ତି, ପରିବେଶ ଏବଂ ଜଳ ପରିଷଦ (ସିଇଇଡବ୍ଲୁ) ଏବଂ ଟିଇଆରଆଇ ମଧ୍ୟରେ ସହଯୋଗର ଶୁଭାରମ୍ଭ କରିବ। ଏହି ସହଯୋଗ ମହତ୍ତ୍ୱପୂର୍ଣ୍ଣ ଖଣିଜ ପଦାର୍ଥ ଉତ୍ତୋଳନ କ୍ଷେତ୍ରରେ ଜ୍ଞାନ ଆଧାରିତ ସହଯୋଗ ପ୍ରଦାନ କରିବା ଉପରେ ଧ୍ୟାନ କେନ୍ଦ୍ରିତ କରିବ ଯାହା ଭାରତର ଆର୍ଥିକ ବିକାଶ, ରାଷ୍ଟ୍ରୀୟ ସୁରକ୍ଷା ଏବଂ କାର୍ବନ ଉତ୍ସର୍ଜନ ହ୍ରାସ କରିବା ଦିଗରେ ମହତ୍ତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।

ଏହି ଶିଖର ସମ୍ମିଳନୀରେ ଭାରତର ପ୍ରକ୍ରିୟାକରଣ ଏବଂ ଲାଭପ୍ରଦ କ୍ଷମତାର ନିର୍ମାଣ ଏବଂ ଘରୋଇ ତଥା ବୈଶ୍ୱିକ ବଜାର ନିମନ୍ତେ ସୁଯୋଗ ବ୍ୟାପକ କରିବା ଦିଗରେ ରଣନୀତିକ କାର୍ଯ୍ୟପନ୍ଥା ଭଳି ମହତ୍ତ୍ୱପୂର୍ଣ୍ଣ ବିଷୟ ଉପରେ ଗୁରୁତ୍ୱପୂର୍ଣ୍ଣ ଆଲୋଚନା କରାଯାଉଛି। ଏହି ଉଲ୍ଲେଖନୀୟ ଆଲୋଚନା ଆଇଆଇଟି ହାଇଦ୍ରାବାଦରେ ଭାରତ-ଅଷ୍ଟ୍ରେଲିଆ କ୍ରିଟିକାଲ ଖଣିଜ ଗବେଷଣା ହବ୍ ଭଳି କାର୍ଯ୍ୟକ୍ରମ ସହିତ ଖଣିଜ ପ୍ରକ୍ରିୟାକରଣରେ ଅନୁସନ୍ଧାନ ଓ ବିକାଶ ନିମନ୍ତେ ସଂସାଧନର ବିକାଶ ଲାଗି ମନ୍ତ୍ରଣାଳୟର ପ୍ରତିବଦ୍ଧତାର ସକଳ ପ୍ରକାର ଧ୍ୟାନ କେନ୍ଦ୍ରିତ ରହିବ।

ଏହା ବ୍ୟତୀତ, ଏକ ପ୍ରାଦ୍ୟୋଗିକ  ଅଧିବେଶନର ମଧ୍ୟ ଆୟୋଜନ କରାଯାଇଛି ଯେଉଁଠାରେ ଘରୋଇ କମ୍ପାନୀ, ଅନୁସନ୍ଧାନ ଓ ବିକାଶ ସଂସ୍ଥା, ଶିକ୍ଷାବିତମାନଙ୍କ ସହିତ ଜିଏସଆଇ ଏବଂ ଏନଏଫଟିଡିସି ଏକ ପ୍ରସ୍ତୁତି ମାଧ୍ୟମରେ ଭାରତରେ ମହତ୍ତ୍ୱପୂର୍ଣ୍ଣ ଖଣିଜର ପ୍ରକ୍ରିୟାକରଣ ଏବଂ ଲାଭଦାୟକତା ନିମନ୍ତେ ଉପଲବ୍ଧ ଭାରତର ଖଣିଜ କ୍ଷମତା ଏବଂ ପ୍ରଯୁକ୍ତିର ପ୍ରଦର୍ଶନ କରାଯାଇଛି।

ଖଣି ମନ୍ତ୍ରଣାଳୟର ଯୁଗ୍ମ ସଚିବ ଡକ୍ଟର ବୀଣା କୁମାରୀ ଡି ବୈଶ୍ୱିକ ନୀତି ପ୍ରସଙ୍ଗରେ ଦେଖାଦେଇଥିବା ଅନିଶ୍ଚିତା ମଧ୍ୟରେ କୁଶଳୀ ପ୍ରକ୍ରିୟାକରଣ ପ୍ରଯୁକ୍ତିର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଏଥିପାଇଁ ଏକ ସୁଦୃଢ଼ ଘରୋଇ ଆମଦାନୀ ନୀତି ଶୃଙ୍ଖଳାରେ ପୋଷଣର ମହତ୍ତ୍ୱ ଉପରେ ଗୁରୁତ୍ୱ ଆରୋପ କରି କହିଥିଲେ ଯେ ଇଲେକ୍ଟି୍ରକ ଯାନବାହନ, ଶକ୍ତି ଭଣ୍ଡାରଣ ପ୍ରଯୁକ୍ତି ଏବଂ ଅନ୍ୟ ମହତ୍ତ୍ୱପୂର୍ଣ୍ଣ କ୍ଷେତ୍ରରେ ଏକ ଅଗ୍ରଣୀ ଭାଗୀଦାରିତା ରୂପରେ ଭାରତର କ୍ଷମତା ବୃଦ୍ଧି ଉପରେ ଗୁରୁତ୍ୱାରୋପ କରିଥିଲେ।

ଏହି ଶିଖର ସମ୍ମିଳନୀର ଉଦେ୍ଦଶ୍ୟ ଭାରତକୁ ମହତ୍ତ୍ୱପୂର୍ଣ୍ଣ ଖଣିଜ ପ୍ରକ୍ରିୟାକରଣ କ୍ଷେତ୍ରରେ ଏକ ବୈଶ୍ୱିକ କେନ୍ଦ୍ର ଭାବେ ଉପସ୍ଥାପନ କରିବା। ଏହି ଶିଖର ସମ୍ମିଳନୀ ଆସନ୍ତାକାଲି ମଧ୍ୟ ବିଚାର ବିମର୍ଶ ଜାରି ରଖିବ। ଏହା ମାଧ୍ୟମରେ ମହତ୍ତ୍ୱପୂର୍ଣ୍ଣ କ୍ଷେତ୍ରରେ ଏକ ଆତ୍ମନିର୍ଭର ଏବଂ ବିଶ୍ୱ ସ୍ତରରେ ପ୍ରତିସ୍ପର୍ଦ୍ଧୀ ସହଭାଗୀ ହେବା ଦିଗରେ ମହତ୍ୱାକାଂକ୍ଷୀ ସମର୍ଥନ ଯୋଗଦାନ କରିବାର ଆଶା କରାଯାଉଛି।

ଭୁବନେଶ୍ୱର: କେନ୍ଦ୍ର ସରକାରଙ୍କ ଖଣି ମନ୍ତ୍ରଣାଳୟ ସଚିବ ଭି. ଏଲ. କାନ୍ତାରାଓ ଖଣି ଓ ଖଣିଜ କାରବାର କ୍ଷେତ୍ରରେ ନିୟୋଜିତ ବିଭିନ୍ନ ରାଜ୍ୟ ଓ କେନ୍ଦ୍ରୀୟ ସଂସ୍ଥାର ପଦାଧିକାରୀ ଏବଂ ଅନ୍ୟ ଅଂଶୀଦାରମାନଙ୍କୁ ନେଇ ଶନିବାର ଏକ ଗୁରୁତ୍ୱପୂର୍ଣ୍ଣ ବୈଠକରେ ଆଲୋଚନା କରିଛନ୍ତି। ବୈଠକରେ ଓଡ଼ିଶା ସରକାରଙ୍କ ଇସ୍ପାତ ଓ ଖଣି ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ଦେଓରଞ୍ଜନ କୁମାର ସିଂ, ଭାରତୀୟ ବୈଜ୍ଞାନିକ ସର୍ବେକ୍ଷଣ(ଜିଏସଆଇ)ର ମହାନିର୍ଦ୍ଦେଶକ ଜନାର୍ଦ୍ଦନ ପ୍ରସାଦ ପ୍ରମୁଖ ଉପସ୍ଥିତ ଥିଲେ।

ଜିଏସଆଇ, ନାଲକୋ, ଆଇବିଏମ ଭଳି କେନ୍ଦ୍ର ସରକାରୀ ସଂସ୍ଥା ଓ ରାଷ୍ଟ୍ରାୟତ୍ତ ଉଦ୍ୟୋଗ ସମେତ ଓଡ଼ିଶା ସରକାରଙ୍କ ଇସ୍ପାତ ଓ ଖଣି ବିଭାଗ, ଖଣି ଓ ଭୂବୈଜ୍ଞାନିକ ନିର୍ଦ୍ଦେଶାଳୟ, ଓଡ଼ିଶା ଖଣି ନିଗମ (ଓଏମସି), ଯୋଜନା ଓ ସଂଯୋଜନ ବିଭାଗର ବରିଷ୍ଠ ଅଧିକାରୀମାନେ ବୈଠକରେ ଅଂଶଗ୍ରହଣ କରିଥିଲେ। ଜେଏସଡବ୍ଲୁ, ଜେଏସପିଏଲ, ବେଦାନ୍ତ, ଏଏମଏନଏସ, ଆସୋଚାମ୍‌, ଇଣ୍ଡିଆନ ଚାମ୍ବର ଅଫ୍‌ କମର୍ସ (ଆଇସିସି), ଟାଟା ଷ୍ଟିଲ, ଫିକି, ଫିମି, ୟୁସିସିଆଇଏଲ, ସିଆଇଆଇ ଭଳି ଶିଳ୍ପାନୁଷ୍ଠାନ ଓ ଶିଳ୍ପ ସଂଘର ପ୍ରତିନିଧିମାନେ ଏହି ବୈଠକରେ ଯୋଗ ଦେଇ ସେମାନେ ସାମ୍ନା କରୁଥିବା ବିଭିନ୍ନ ସମସ୍ୟା ଉପରେ ନିଜର ମତ ରଖିଥିଲେ।

ଓଡ଼ିଶାରେ ଖଣି ଖନନ ଓ ଖଣିଜ କ୍ଷେତ୍ର ସହ ଜଡ଼ିତ ବିଭିନ୍ନ ପ୍ରସଙ୍ଗକୁ ନେଇ ବୈଠକରେ ବିଚାର ବିମର୍ଶ କରାଯାଇଥିଲା। କେନ୍ଦ୍ର ଖଣି ସଚିବ ବିଭିନ୍ନ ସଂସ୍ଥାର ଭୂମିକା ଉପରେ ଗୁରୁତ୍ୱାରୋପ କରିଥିଲେ। ବିଭିନ୍ନ ସଂସ୍ଥା ଦ୍ୱାରା ଖଣିଜ ଉତ୍ତୋଳନ କାର୍ଯ୍ୟକୁ ବଢ଼ାଇବା ଏବଂ ଏନଏମଇଟି ପାଣ୍ଠିର ଉପଯୋଗ କରିବା, ଖଣିଗୁଡ଼ିକର ନିଲାମୀ ପାଇଁ କାର୍ଯ୍ୟ ଯୋଜନା ପ୍ରସ୍ତୁତ କରିବା, ନିଲାମ ହୋଇଥିବା ଖଣିଗୁଡ଼ିକୁ ଠିକ୍‌ ସମୟରେ କାର୍ଯ୍ୟକ୍ଷମ କରିବା ଏବଂ ଦୀର୍ଘସ୍ଥାୟୀ ଖଣି ଖନନ ସହିତ ଉତ୍ପାଦନ ବଢ଼ାଇବା ପାଇଁ ମିଳିତ ପ୍ରୟାସ ଲାଗି ଆହ୍ୱାନ କରିଥିଲେ।

ଦେଓରଞ୍ଜନ କୁମାର ସିଂ ନିଜ ବକ୍ତବ୍ୟରେ ଖଣି ନିଲାମ ପ୍ରକ୍ରିୟାକୁ ତ୍ୱରାନ୍ୱିତ କରିବାରେ ବିଭିନ୍ନ ଏଜେନ୍ସିର ଭୂମିକା ବିଷୟରେ ଉଲ୍ଲେଖ କରିଥିଲେ ଏବଂ ଏ ଦିଗରେ ସମସ୍ତଙ୍କ ସହଯୋଗ ଲୋଡ଼ିଥିଲେ।

ଓଡ଼ିଶାରେ ଖଣି କ୍ଷେତ୍ରର ବିକାଶ ପାଇଁ ଖଣି ମନ୍ତ୍ରଣାଳୟ ଏବଂ ରାଜ୍ୟର ବିଭିନ୍ନ ସଂସ୍ଥା ମଧ୍ୟରେ ଉନ୍ନତ ସମନ୍ୱୟ ପାଇଁ ସଚିବ ଆଶ୍ୱାସନା ଦେଇଥିଲେ।