ନୂଆଦିଲ୍ଲୀ: ଜାତୀୟ ଖାଦ୍ୟ ସୁରକ୍ଷା ଆଇନ (ଏନଏସଏଫଏ)ର ଆବଶ୍ୟକତା, ଏହାର ଅନ୍ୟାନ୍ୟ କଲ୍ୟାଣକାରୀ କାର୍ଯ୍ୟକ୍ରମ ତଥା ପିଏମ୍ଜିକେୱାଇ ଅଧୀନରେ ଅତିରିକ୍ତ ଆବଂଟନ ପାଇଁ ଭାରତ ସରକାରଙ୍କ ନିକଟରେ ଯଥେଷ୍ଟ ଖାଦ୍ୟଶସ୍ୟ ମହଜୁଦ ରହିଛି। ଜାନୁୟାରୀ ପହିଲା ୨୦୨୩ ସୁଦ୍ଧା ବଳକା ଖାଦ୍ୟଶସ୍ୟ ମାନଦଣ୍ଡ ଅନୁଯାୟୀ ୧୩୮ଏଲଏମଟି ଗହମ ଓ ୭୬ଏଲ୍ଏମ୍ଟି ଚାଉଳର ଆବଶ୍ୟକତା ରହିଥିବାବେଳେ ଏହି ସମୟ ସୁଦ୍ଧା ୧୫୯ ଏଲଏମ୍ଟି ଗହମ ଓ ୧୦୪ ଚାଉଳ ଉପଲବ୍ଧ ହେବ। ୧୫, ୧୨. ୨୦୨୨ ସୁଦ୍ଧା ପ୍ରାୟ ୧୮୦ ଏଲଏମ୍ଟି ଗହମ ଓ ୧୧୧ ଏଲ୍ଏମଟି ଚାଉଳ କେନ୍ଦ୍ରୀୟ ପୁଲରେ ଉପଲବ୍ଧ ରହିଛି।
ବଳକା ସାମଗ୍ରୀ ମହଜୁଦ ମାନଦଣ୍ଡ ବର୍ଷର ଏପ୍ରିଲ ପହିଲା, ଜୁଲାଇ ପହିଲା, ଅକ୍ଟୋବର ଓ ଜାନୁୟାରୀ ପହିଲାକୁ ଧାର୍ଯ୍ୟ କରାଯାଇଥାଏ। କେନ୍ଦ୍ରୀୟ ପୁଲରେ ଗହମ ଓ ଚାଉଳ ମହଜୁଦ ପରିମାଣ ସବୁବେଳେ ମହଜୁଦ ମାନଦଣ୍ଡଠାରୁ ଊର୍ଦ୍ଧ୍ୱରେ ରହିଛି। ଅକ୍ଟୋବର ପହିଲା ୨୦୨୨ ସୁଦ୍ଧା ପ୍ରାୟ ୨୨୭ଏଲଏମ୍ଟି ଗହମ ଓ ୨୦୫ ଏଲଏମଟି ଚାଉଳ ମହଜୁଦ ଥିବାବେଳେ ଏହାର ମହଜୁଦ ସୀମା ସେହି ସମୟ ସୁଦ୍ଧା ହେଉଛି ଯଥାକ୍ରମେ ୨୦୫ଏଲଏମଟି ଗହମ ଓ ୧୦୩ ଏଲଏମଟି ଚାଉଳ। ଜାନୁୟାରୀ ପହିଲା ୨୦୨୩ ସୁଦ୍ଧା ମହଜୁଦ ସୀମାଠାରୁ ଅଧିକ ଖାଦ୍ୟଶସ୍ୟ ଉପଲବ୍ଧ ହେବ।
ଗତବର୍ଷ କମ୍ ଉତ୍ପାଦନ ଓ ଚାଷୀମାନେ ନ୍ୟୁନତମ ସହାୟକ ମୂଲ୍ୟରୁ ଅଧିକ ଦରରେ ଭୂରାଜନୈତିକ ପରିସ୍ଥିତି ଯୋଗୁଁ ଗହମ ବିକ୍ରି କରିଥିଲେ ମଧ୍ୟ ଦେଶରେ ଆଗାମୀ ଗହମ ଉତ୍ପାଦନ ପର୍ଯ୍ୟନ୍ତ କେନ୍ଦ୍ରୀୟ ପୁଲରେ ଦେଶର ଆବଶ୍ୟକତା ମେଣ୍ଟାଇବା ନିମନ୍ତେ ଯଥେଷ୍ଟ ଗହମ ମହଜୁଦ ରହିଛି।
ଏହାଛଡା ଏନ୍ଏଫଏସ୍ଏ ଓ ପିଏମଜିକେଏୱାଇ ଅଧୀନରେ ହେଉଥିବା ଆବଣ୍ଟନ ଚାଉଳ ପାଇଁ ସଂଶୋଧନ କରାଯାଇଛି। କାରଣ ବିଭିନ୍ନ କଲ୍ୟାଣମୂଳକ ଯୋଜନା ବାବଦକୁ କେନ୍ଦ୍ରୀୟ ପୁଲରେ ଯଥେଷ୍ଟ ଗହମ ଉପଲବ୍ଧ ରହିଛି।
ଭାରତ ସରକାର ଚଳିତବର୍ଷ ଗହମର ନୂନତମ ସହାୟକ ମୂଲ୍ୟ କ୍ୱିଣ୍ଟାଲ ପିଛା ୨୧୨୫ ଟଙ୍କାକୁ ବୃଦ୍ଧି କରିଛନ୍ତି। ୨୦୨୨-୨୩ ରବି ବଜାର ଋତୁ (ଆରଏମ୍ଏସ୍)ରେ ଏହା କ୍ୱିଣ୍ଟାଲ ପିଛା ୨୦୧୫ ଟଙ୍କା ଥିଲା। କ୍ୱିଣ୍ଟାଲ ପିଛା ୧୧୦ଟଙ୍କା ବୃଦ୍ଧି ସହ ଉତ୍ତମ ପାଣିପାଗ ଯୋଗୁଁ ଆଗାମୀ ଋତୁରେ ଗହମ ଉତ୍ପାଦନ ଓ ସଂଗ୍ରହ ସ୍ୱାଭାବିକ ହେବା ଆଶା କରାଯାଉଛି । ଗହମ ସଂଗ୍ରହ ଆସନ୍ତାବର୍ଷ ଏପ୍ରିଲରୁ ଆରମ୍ଭ ହେବାକୁ ଥିବାବେଳେ, ଗତଥର ତୁଳନାରେ ଏଥର ଅଧିକ ଜମିରେ ଗହମ ଚାଷ ହୋଇଥିବା ଜଣାପଡିଛି।
ଦେଶବ୍ୟାପୀ ବିଭିନ୍ନ କଲ୍ୟାଣକାରୀ ଯୋଜନା ନିମନ୍ତେ କେନ୍ଦ୍ରୀୟ ପୁଲରେ ଯଥେଷ୍ଟ ଖାଦ୍ୟଶସ୍ୟ ଥିବା ତଥା ଦର ନିୟନ୍ତ୍ରଣରେ ରଖିବା ବିଷୟକୁ ଭାରତ ସରକାର ସବୁବେଳେ ସୁନିଶ୍ଚିତ କରି ଆସୁଛନ୍ତି।