ନୂଆଦିଲ୍ଲୀ: ଖାଦ୍ୟ ସାମଗ୍ରୀରେ ଅପମିଶ୍ରଣ ବୃଦ୍ଧି ଦେଶରେ ଏକ ବଡ ସମସ୍ୟା ପାଲଟିଛି। ଏହି ସମସ୍ୟା ବିଷୟରେ ଚର୍ଚ୍ଚା କରି କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡଭିଆ ବୁଧବାର କହିଛନ୍ତି ଯେ, ଅପମିଶ୍ରଣ ଦେଶ ସମ୍ମୁଖରେ ଏକ ବଡ ଆହ୍ଵାନ। ଏହା ସହିତ କେନ୍ଦ୍ର ମନ୍ତ୍ରୀ କହିଛନ୍ତି ଯେ, ଯେଉଁମାନେ ଖାଦ୍ୟ ସାମଗ୍ରୀକୁ ଅପମିଶ୍ରଣ କରନ୍ତି ସେମାନଙ୍କୁ କଠୋର ଦଣ୍ଡ ଦିଆଯିବ।
ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡଭିଆ କହିଛନ୍ତି ଯେ, ଆଜି ଅପମିଶ୍ରଣ ଦେଶ ସମ୍ମୁଖରେ ଏକ ବଡ ଆହ୍ଵାନ ଏବଂ ମୁଁ ନିଷ୍ପତ୍ତି ନେଇଛି ଯେ ଏହିପରି ଲୋକଙ୍କୁ ରକ୍ଷା କରାଯିବା ଉଚିତ ନୁହେଁ, ସେମାନଙ୍କୁ ଜେଲରେ ରଖାଯିବା ଉଚିତ। ଦେଶର ନାଗରିକଙ୍କ ସ୍ୱାସ୍ଥ୍ୟ ସହିତ ଖେଳିବାର କାହାର ଅଧିକାର ନାହିଁ। ଅପମିଶ୍ରଣକୁ ରୋକିବା ପାଇଁ FSSAI ଟିମ ଦଳ ଗଠନ କରାଯାଇଛି, ଏକ ବ୍ୟାପକ ପରୀକ୍ଷା ଅଭିଯାନ କରାଯିବ। ଯିଏ ଦୋଷୀ ସାବ୍ୟସ୍ତ ହେବ ତାହା ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।