ଭୁବନେଶ୍ବର: ଦକ୍ଷିଣ ପୂର୍ବ ସର୍କଲ, କୋଲକାତାର ରେଳ ସୁରକ୍ଷା କମିଶନର (CRS) ଆଜି ଖୋର୍ଦ୍ଧା ରୋଡ-ବାଲାଙ୍ଗୀର ରେଳ ଲାଇନ ପ୍ରକଳ୍ପର ମହିପୁର ଏବଂ ନୁଆଗାଓଁ ଷ୍ଟେସନ ମଧ୍ୟରେ 13.050 କିଲୋମିଟର ଲମ୍ବା ରେଳ ଲାଇନ ଯାଞ୍ଚ କରିଛନ୍ତି।
ବହୁ ପ୍ରତୀକ୍ଷିତ ପ୍ରକଳ୍ପର ନିର୍ମାଣ କାର୍ଯ୍ୟ ଶେଷ ହୋଇଛି ଏବଂ ରେଳ ସୁରକ୍ଷା ଆୟୁକ୍ତଙ୍କ ମଞ୍ଜୁର ପରେ ଏହା କାର୍ଯ୍ୟକ୍ଷମ ହେବ। ଟ୍ରେନ୍ ଯାତାୟାତ ପାଇଁ ରେଳ ସୁରକ୍ଷା ଆୟୁକ୍ତଙ୍କ ମଞ୍ଜୁର ପରେ ଏହି ମାର୍ଗରେ ଟ୍ରେନ୍ ଚଳାଚଳକୁ ଅନୁମତି ଦିଆଯିବ।
ରେଳ ସୁରକ୍ଷା ଆୟୁକ୍ତ ମହିପୁର ଏବଂ ନୂଆଗାଁ ଷ୍ଟେସନ ମଧ୍ୟରେ ଥିବା ସମସ୍ତ ସୁରକ୍ଷା ସମ୍ବନ୍ଧୀୟ କାର୍ଯ୍ୟକୁ ପୁଙ୍ଖାନୁପୁଙ୍ଖ ଭାବେ ଯାଞ୍ଚ କରିଛନ୍ତି। ଟ୍ରେନ୍ ଚଳାଚଳ ପାଇଁ ଟ୍ରେନ୍ ଲାଇନର ସମ୍ଭାବ୍ୟତା ମାପିବା ପାଇଁ ଦୁଇ ଷ୍ଟେସନ ମଧ୍ୟରେ ଏକ ଲାଇଟ ଟ୍ରେନ ଇଞ୍ଜିନ ମଧ୍ୟ ଚଳାଚଳ କରାଯାଇଥିଲା।
24 ମାର୍ଚ୍ଚ 2022 ରେ (ଗୁରୁବାର ଦିନ) ରେଳ ସୁରକ୍ଷା ଆୟୁକ୍ତ ନୂତନ ଭାବରେ ନିର୍ମିତ 3.099 କିମି ଦୈର୍ଘ୍ୟ ଖୋର୍ଦ୍ଧା ରୋଡ୍ ବାଇପାସ୍ ଲାଇନକୁ ମଧ୍ୟ ନୀରିକ୍ଷଣ କରିବେ ଏବଂ ଟ୍ରେନ ଲାଇନର ସୁରକ୍ଷା ଦିଗଗୁଡ଼ିକୁ ପୁଙ୍ଖାନୁପୁଙ୍ଖ ଭାବେ ଯାଞ୍ଚ କରିବେ। ବାଇପାସ୍ ଲାଇନ କାର୍ଯ୍ୟକ୍ଷମ ହେବା ପରେ ପୁରୀରୁ ଦକ୍ଷିଣ ଦିଗକୁ ଯାତାୟାତ କରୁଥିବା ଟ୍ରେନ୍ ଟ୍ରାଫିକ୍ ସହଜ ହେବ।
