Tag: ଗଞ୍ଜାମ ଥାନା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ଗଞ୍ଜାମ ଥାନା ଅର୍ନ୍ତଗତ ପାଲିବନ୍ଧ ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଯାହାକି ଗୋଟିଏ ପରିବାରର ୩ ଜଣଙ୍କର ମୃତ୍ୟୁ ଘଟିଛି। ଏହି ଭଳି ଘଟଣା ବିଷ କ୍ରିୟା ଜନିତ ମୃତ୍ୟୁ ଓ ନିଜେ ମାଁ ମାମି ରେଡ଼ି ରାଜେଶ୍ ଓ ମିନା ଦୁଇ ପିଲାକୁ ବିଷ ଦେଲା ପରେ ନିଜେ ବିଷ ପାନ କରି ଆତ୍ମହତ୍ୟା କରିଥିବା ଗାଁ ଲୋକଙ୍କଠାରୁ ଶୁଣିବାକୁ ମିଳୁଛି।

ଖବର ପାଇ ଗଞ୍ଜାମ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ଡାକ୍ତରଖାନାକୁ ପଠାଇ ଘଟଣା ର ତଦନ୍ତ ଆରମ୍ଭ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ରମ୍ଭା ଓ ଗଞ୍ଜାମ ଥାନା ଅର୍ନ୍ତଗତ ସୁବଳୟା, ସନ୍ତୋଷ ପୁର, କଣ୍ଟିଆଗଡ ଓ ବୋରିଗାଁ ଅଞ୍ଚଳର ବିଭିନ୍ନ ମନ୍ଦିର ଓ ଦୋକାନରୁ ଚୋରି ଓ ଲୁଟ୍ ଘଟଣାର ରମ୍ଭା ପୋଲିସ୍ ଅଧିକାରୀ ସତ୍ୟବ୍ରତ ଭୁତିଆ ପର୍ଦ୍ଧାଫାଶ କରିଛନ୍ତି। ଖବରରୁ ପ୍ରକାଶ ଯେ, ଗତ କିଛି ମାସ ହେଲା ରମ୍ଭା ଓ ଗଞ୍ଜାମ ଥାନା ଅନ୍ତର୍ଗତ ଉକ୍ତ ସମସ୍ତ ଗାଁ ସହିତ ଜାତୀୟ ରାଜପଥ ଅଞ୍ଚଳର ବିଭିନ୍ନ ମନ୍ଦିର ଓ ଦୋକାନରୁ ଚୋରି ହୋଇଥିବା ଅଭିଯୋଗ ହୋଇଥିଲା। ଅଭିଯୋଗକୁ ଭିତ୍ତି କରି ରମ୍ଭା ଥାନା ଅଧିକାରୀଙ୍କ ନେତୃତ୍ବରେ ଏକ ଟିମ ଗଠନ କରି ବିଭିନ୍ନ ସ୍ଥାନରେ ଚଢ଼ାଉ କରିଥିଲେ। ଚଢ଼ାଉ ବେଳେ ଅଭିଯୁକ୍ତ ବି ରାଜୁ ପ୍ରଧାନ, ଏସ୍ ବବୁଲୁ ଓ ଏ ରାମଚନ୍ଦ୍ରକୁ ଉଠାଇ ଆଣି ରମ୍ଭା ଥାନାରେ ପୋଲିସ ପଚରାଉଚରା କରିଥିଲା।

ଏହି ସମୟରେ ଅଭିଯୁକ୍ତ ମାନେ ବିଭିନ୍ନ ଚୋରି ଘଟଣାର ପର୍ଦ୍ଦାଫାଶ କରିଥିଲେ। ପୋଲିସ ଉକ୍ତ ଅଭିଯୁକ୍ତମାନଙ୍କ ଠାରୁ କିଛି ପିତ୍ତଳ ସାମାନ, ଲୁହା ଛଡ଼, ହାତୁଡି ଓ କିଛି ନଗଦ ଟଙ୍କା ଜବତ କରିଥିଲା ଏବଂ ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟ ଚାଲାଣ କରିଥିଲା।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଥାନା ଅନ୍ତର୍ଗତ ପୁଇଁତୋଳା ଛକରେ ଦୁଇ ଭାଇଙ୍କୁ ଅପହରଣ ନୁହେଁ କର୍ଣ୍ଣାଟକ ପୋଲିସ ସେମାନଙ୍କୁ ଉଠାଇ ନେଇଛି। ଏନେଇ ଗଞ୍ଜାମ ଏସ୍ ପି ସୂଚନା ଦେଇଛନ୍ତି। ବିଶାଖାପାଟଣା ଠାରେ ସେମାନଙ୍କୁ ଗଞ୍ଜାମ ପୋଲିସ ଉଦ୍ଧାର କରିଛି ଓ ସେମାନେ ବର୍ତ୍ତମାନ ଗଞ୍ଜାମ ପୋଲିସ ଓ କର୍ଣ୍ଣାଟକ ପୋଲିସ ଅଧିନରେ ଥିବା ଏସ୍ ପି ପ୍ରେସ୍ ବିବୃତ୍ତିରେ ଜଣାଇଛନ୍ତି।

ଗିରଫ ଦୁଇ ଭାଇ କର୍ଣ୍ଣାଟକ ପୋଲିସ ଦ୍ବାରା କୌଣସି ଏତଲାରେ ଜଡିତ ଅଛନ୍ତି ବୋଲି ଜଣାପଡିଛି। ଗତକାଲି ଏହି ଭଳି ଘଟଣାକୁ ନେଇ ଅଞ୍ଚଳ ବାସିନ୍ଦା ଦୀର୍ଘ ୬ ଘଣ୍ଟା କାଳ ରାସ୍ତା ଅବରୋଧ କରିଥିଲେ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଥାନା ନିକଟସ୍ଥ ପୁଇଁତଳା ଗ୍ରାମ ଛକରେ ଥିବା ଏକ ଢ଼ାବା ପାଖରୁ ଚା’ ପାନ ଦୋକାନ କରିଥିବା ଦୁଇ ଭାଇ ପଞ୍ଚାନନ ସାହୁ ଓ କୃଷ୍ଣ ଚନ୍ଦ୍ର ସାହୁଙ୍କୁ କିଛି ଯୁବକ ମାଉଜର ଦେଖାଇ ଅପହରଣ କରିନେଇଛନ୍ତି। ଚାରିଜଣ ଯୁବକ ଦୁଇଟି କାର୍ ରେ ଆସି ଉକ୍ତ ଦୋକାନ ସମ୍ମୁଖରେ ପହଞ୍ଚି ଥିଲେ ଓ କିଛି କଥାବାର୍ତ୍ତା ନକରି ଦୁଇ ଭାଇଙ୍କ ମୁଣ୍ଡରେ ମାଉଜର ଲଗାଇ ଗାଡ଼ିରେ ବସିବାକୁ କହି ଅପହରଣ କରି ନେଇଥିବା ଜଣାପଡିଛି।

ଅପହରଣର କାରଣ ଜଣାପଡୁନାହିଁ। ଏହି ଘଟଣା ପରେ ସ୍ଥାନୀୟ ଅଂଚଳର କିଛି ଲୋକ ଓ ଦୋକାନୀ ଆସି ମିଳିତ ଭାବେ ୧୬ ନଂ ଜାତୀୟ ରାଜପଥ ଅବରୋଧ କରି କ୍ଷୋଭ ପ୍ରକାଶ କରିଛନ୍ତି। ଖବର ପାଇ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିବା ସହ ଟିମ୍ ଗଠନ କରି ଅପହରଣ ହୋଇଥିବା ଦୁଇ ଭାଇ ଙ୍କ ଅନୁସନ୍ଧାନ ଆରମ୍ଭ କରିଛନ୍ତି।