ନୂଆଦିଲ୍ଲୀ: ଶେଷରେ ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଗୁଜୁରାଟର ନୂଆ ମୁଖ୍ୟମନ୍ତ୍ରୀ ହେବେ ଭୂପେନ୍ଦ୍ର ପଟେଲ। ଆଜି ଅପରାହ୍ନରେ ବସିଥିବା ବିଜେପି ବିଧାୟକ ଦଳର ବୈଠକରେ ତାଙ୍କ ନାମ ସୁପାରିଶ କରାଯାଇଛି। ଏହି ବୈଠକରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିବା ବିଜୟ ରୂପାନୀ ପ୍ରଥମେ ପ୍ରସ୍ତାବ ଦେଇଥିଲେ। ଏହାପରେ ଅନ୍ୟମାନେ ସମର୍ଥନ କରିଥିଲେ।
ତେବେ ଭୂପେନ୍ଦ୍ରଙ୍କ ନାମ କେବେ ବି ମୁଖ୍ୟମନ୍ତ୍ରୀ ଦୈଡରେ ନ ଥିଲା। ବିଜୟ ରୂପାନୀ ଇସ୍ତଫା ଦେବା ପରେ ଉପମୁଖ୍ୟମନ୍ତ୍ରୀ ନିତିନ ପଟେଲ, କେନ୍ଦ୍ରମନ୍ତ୍ରୀ ମନସୁଖ ମାଣ୍ଡଭିୟା ଏବଂ ପୁରୁଷୋତ୍ତମ ରୂପାଲାଙ୍କ ନାମ ଥିଲା। ବିଶେଷ କରି ନିତିନ ପଟେଲଙ୍କ ନାମ ବେଶ ଚର୍ଚ୍ଚାରେ ଥିଲେ। ହେଲେ କେହି ବି ଭାବି ନ ଥିଲେ ଯେ, ଭୂପେନ୍ଦ୍ର ମୁଖ୍ୟମନ୍ତ୍ରୀ ହେବେ ବୋଲି ଜାଣି ନ ଥିଲେ।
59 ବର୍ଷ ବୟସ୍କ ଭୂପେନ୍ଦ୍ର ପଟେଲ ହେଉଛନ୍ତି ପଟିଦାର ସଂପ୍ରଦାୟର ନେତା। ଯାହାଙ୍କୁ ନେଇ ବିଜେପି ଆଗାମୀ ନିର୍ବାଚନରେ ଓହ୍ଲାଇବ ବୋଲି ନିଷ୍ପତି କରିଛି। ଭୂପେନ୍ଦ୍ର ଗୁଜୁରାଟର ଘାଟଲୋଦୀୟା ନିର୍ବାଚନ ମଣ୍ଡଳୀରୁ ବିଧାୟକ ଭାବେ ନିର୍ବାଚିତ ହୋଇ ଆସିଛନ୍ତି। ସେ କଂଗ୍ରେସର ଶଶିକାନ୍ତ ପଟେଲଙ୍କୁ ପ୍ରାୟ ଏକ ଲକ୍ଷ ଭୋଟ ବ୍ୟବଧାନରେ ହରାଇ ନିର୍ବାଚିତ ହୋଇଛନ୍ତି।
ଭୂପେନ୍ଦ୍ର ହେଉଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଆନନ୍ଦବେନ ପଟେଲଙ୍କ ଦୃଢ ସମର୍ଥକ। ଏଥିସହିତ ମୋଦିସାହାଙ୍କର ମଧ୍ୟ ବେଶ ପ୍ରିୟ ଲୋକ ଭାବେ ଜଣାଶୁଣା। ସେ ପୂର୍ବରୁ ଅହଦାବାଦ ଉନ୍ନୟନ କର୍ତ୍ତୁପକ୍ଷର ଅଧକ୍ଷ ଥିଲେ। ତାଙ୍କର ଶିକ୍ଷାଗତ ଯୋଗ୍ୟତା ହେଉଛି ଜଣେ ଇଞ୍ଜିନିୟରିଂ ଡିପ୍ଲୋମା ହ୍ସାଲ କରିଛନ୍ତି। ତାଙ୍କ ପାଖରେ 5 କୋଟି ଟଙ୍କାର ସଂପତି ଅଛି ବୋଲି 2017 ନିର୍ବାଚନରେ ସତ୍ୟପାଠ ଦାଖଲ କରିଥିଲେ।
ଅପ୍ରାତ୍ୟଶିତ ଭାବେ ଭୂପେନ୍ଦ୍ରଙ୍କ ନାମ ମୁଖ୍ୟମନ୍ତ୍ରୀ ଭାବେ ଆସିଥିବାରୁ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। କେନ୍ଦ୍ରୀୟ ବିଜେପିର ଏହା ଥିଲା ଏକ ସର୍ପାଇଜ ପ୍ରାର୍ଥୀ ବୋଲି କୁହାଯାଇଛି।