Categories
ଆଞ୍ଚଳିକ

ମା’ ର ଚିକିତ୍ସା ପାଇଁ ଗରିବ ପୁଅର ଖୋର୍ଦ୍ଧା ଜିଲ୍ଲାପାଳଙ୍କୁ ଆକୁଳ ନିବେଦନ

ସୀତାରାମ ଅଗ୍ରୱାଲ

ଚିଲିକା: ଦିନ ମଜୁରିଆ ଉପରେ ପରିବାର ଭାର ସତେ ଯେମିତି ବୋଝ ଉପରେ ନଳିତା ବିଡା ସଦୃଶ। ସୂଚନା ମୁତାବକ ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ୍ ଅନ୍ତର୍ଗତ ବଉଳାବନ୍ଧ ପଞ୍ଚାୟତ ଗୋଡ଼ି ସାହିରେ ବସବାସ କରୁଥିବା ଭାସ୍କର ପୃଷ୍ଟିଙ୍କ ପତ୍ନୀ ପ୍ରଫୁଲୀ ପୃଷ୍ଟି ଆଜକୁ ଦୀର୍ଘ ୮ ବର୍ଷ ଧରି ଟ୍ୟୁମର ରୋଗରେ ପୀଡ଼ିତ ଅଛନ୍ତି। ପୁଅ, ବୋହୂ,୨ ନାତୁଣୀ ଓ ଗୋଟିଏ ନାତିଙ୍କୁ ନେଇ ପରିବାରରେ ୬ ଜଣ ସଦସ୍ୟ। ପୁରା ପରିବାର ଭରସା କରୁଛି ଏକ ମାତ୍ର ରୋଜ ଗାରିଆ ପୁଅ ଉପରେ। ବାପ ଛେଉଣ୍ଡ ପୁଅ ପେସାରେ ଜଣେ ଫେରି ବେପାରୀ। କେତେବେଳେ ଦୈନିକ ୧୦୦ ଟଙ୍କା ବିକନ୍ତି ତ ଆଉ କେତେବେଳେ ୨୦୦ ଟଙ୍କା। ମାତ୍ର ଚିକିତ୍ସା ପାଇଁ ଘର ଖଣ୍ଡିକ ମଧ୍ୟ କେଇଟା ଟଙ୍କା ପାଇଁ ଦାଣ୍ଡରେ ବନ୍ଧା ପଡିଛି।

ତଥାପି ନିଜର ଉଦ୍ୟମ ବଳରେ ପରିବାରବର୍ଗଙ୍କ ଭରଣ ପୋଷଣ କରିବା ସହ ଯାହା ଅର୍ଥ ବଳକା ହୁଏ ମା’ ର ଚିକିତ୍ସା ପାଇଁ ଖର୍ଚ୍ଚ କରନ୍ତି। କିନ୍ତୁ ଆଜିର ମହାଙ୍ଗା ଦୁନିଆରେ ଏସବୁ ସମ୍ଭବପର ନ ହେବାରୁ ବହୁ ଦୁର୍ଦ୍ଦିନରେ କାଳାତିପାତ କରୁଛନ୍ତି। ଏ ଖବର ସୋସିଆଲ ମିଡିଆରେ ଭାଇରଲ ହେବା ପରେ ‘ଦ ବ୍ଲଡ଼ ଡୋନର୍ସ ଓଡ଼ିଶା’ ର ସଭାପତି ରଞ୍ଜନ ମହାପାତ୍ର, ନୟାଗଡ଼ ଜିଲ୍ଲା ସଂଯୋଜକ ବିରେନ୍ଦ୍ର ସାହୁ, ସମାଜ ସେବୀ ପ୍ରମୋଦ କୁମାର୍ ସ୍ବାଇଁ, ସୁରେଶ ଦାସ, ଶାଳିଆ ପ୍ରେସ କ୍ଲବର ସଦସ୍ୟ ବୃନ୍ଦ ପ୍ରମୁଖ ପହଞ୍ଚି ବୃଦ୍ଧ ମା’ ଙ୍କୁ ଆଶ୍ଵାସନା ଦେବା ସହିତ କିଛି ଆର୍ଥିକ ସହାୟତା ପ୍ରଦାନ କରିଥିଲେ ଏବଂ ଏଥି ସହିତ ବୃଦ୍ଧ ମା’ ଙ୍କ ଚିକିତ୍ସା କରାଇବାର ପ୍ରତିଶୃତି ମଧ୍ୟ ଦେଇଥିଲେ।

ଏଥି ସହିତ ରାଜ୍ୟ ସରକାରଙ୍କ ପକ୍ଷରୁ ସହାୟତା ସହିତ ସମାଜସେବୀ ଭାଇ ଭଉଣୀ ମାନଙ୍କୁ କିଛି କିଛି ସହଯୋଗର ହାତ ବଢ଼ାଇବାପାଇଁ ଦୃଷ୍ଟି ଆକର୍ଷଣ କରିଥିଲେ। ଯାହାକି ପ୍ରଫୁଲୀ ପୃଷ୍ଟିଙ୍କ ପୁଅ ଦୀପ ରଞ୍ଜନ ପୃଷ୍ଟି କିଛି ସରକାରୀ ସାହାର୍ଯ୍ୟ ମିଳିଲେ ମୁଁ ମୋର ବୋଉଙ୍କ ଚିକିତ୍ସା କରାଇପାଇବି ବୋଲି କୋହଭରା କଣ୍ଠରେ କହିଛନ୍ତି।

ତେବେ ନୂତନ ସହୃଦୟ ଖୋର୍ଦ୍ଧା ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଜିଲ୍ଲାର ଏହିପରି ଏକାଧିକ ରୋଗୀଙ୍କ ସରକାରୀ ଚିକିତ୍ସା କରାଇଥିବାର ଖବର ପାଇ ପୁଅ ଦୀପ ରଞ୍ଜନ ମଧ୍ୟ ତାଙ୍କ ଗରିବ ମା’ ର ଚିକିତ୍ସା ଜିଲ୍ଲାପାଳ କରାଇବେ ବୋଲି ଅଶା ରଖିଛନ୍ତି।

Categories
ଆଜିର ଖବର ରାଜ୍ୟ ଖବର

ଚିଲିକା: ଗୁରୁତର ରୋଗରେ ପୀଡିତ ଥିବା ଗୁରୁଙ୍କୁ ସହାୟ ହେଲେ ଖୋର୍ଦ୍ଧା ଜିଲ୍ଲାପାଳ

ସୀତାରାମ ଅଗ୍ରୱାଲ

ଚିଲିକା: ଦୀର୍ଘ ଦିନ ଧରି ପରିତ୍ୟକ୍ତ ଘରେ ପଡିରହିଥିବା ଜଣେ ଗୁରୁତର ରୋଗୀର ଦୁଃଖ ବୁଝିଛନ୍ତି ଖୋର୍ଦ୍ଧା ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର। ଅସହାୟ ଅବସ୍ଥାରେ ପଡିଥିବା ରୋଗୀଙ୍କୁ ଜିଲ୍ଲାପାଳ ତୁରନ୍ତ ଚିକିତ୍ସା ଯୋଗାଇଛନ୍ତି।

ସୂଚନା ଅନୁଯାୟୀ, ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ୍ ଅଧୀନସ୍ଥ ହାଟ ବରଡି ଗ୍ରାମର ଗୁରୁ ବେହେରା ଗୁରୁତର ରୋଗରେ ପୀଡିତ ହୋଇ କୁହୁଡ଼ି ରେଳ ଷ୍ଟେସନରେ ଥିବା ପରିତ୍ୟକ୍ତ ଗୃହରେ ୨ପୁଅ, ଗୋଟିଏ ଝିଅ ଓ ସ୍ତ୍ରୀ ଙ୍କୁ ନେଇ ଦୟନୀୟ ଅବସ୍ଥାରେ ଦୀର୍ଘ ଦିନ ଧରି ପଡି ରହିଥିଲେ। ଏ ସମ୍ପର୍କରେ ଜିଲ୍ଲାପାଳଙ୍କ ନିକଟକୁ ଖବର ପହଁଚିଥିଲା। ଜିଲ୍ଲାପାଳ ଖବର ପାଇ ରୋଗୀଙ୍କୁ ତୁରନ୍ତ ଚିକିତ୍ସା ପାଇଁ ଚିଲିକା ବ୍ଲକ୍ ପ୍ରଶାସନକୁ ନିର୍ଦ୍ଦେଶ ଦେଇଥିଲେ।

ଏହା ପରେ ଚିଲିକା ତହସିଲଦାର ପୁନମ ମହାପାତ୍ର ରୋଗୀଙ୍କୁ ଚିକିତ୍ସା ପାଇଁ ସ୍ୱଳ୍ପ ସମୟରେ ଆମ୍ବୁଲାନ୍ସ ବ୍ୟବସ୍ଥା କରିଥିଲେ। ଏହାପରେ ଚିଲିକା ବିଡ଼ିଓଙ୍କ ନିର୍ଦ୍ଦେଶରେ ବ୍ଲକ୍ ପ୍ରଶାସନ ପକ୍ଷରୁ ବ୍ଲକ୍ ସାମାଜିକ ସୁରକ୍ଷା ଅଧିକାରୀ କାର୍ଯ୍ୟାଳୟର ଆସିଷ୍ଟାଣ୍ଡ ପ୍ରୋଗ୍ରାମ ଅଫିସର ଜି. ସାଗର ଅର୍ଜୁନ ପାତ୍ର, ବାଲୁଗାଁ ମେଡିକାଲ ଅଫିସର ସୈମ୍ୟକାନ୍ତ ଦାସପଟ୍ଟନାୟକଙ୍କ ତତ୍ବାବଧାନରେ ଜରିପଡା ମେଡିକାଲ ହେଲଥ ସୁପରଭାଇଜ ସୁଶାନ୍ତ କୁମାର ରାଉତରାୟ, ଜରିପଡା ଅତିରିକ୍ତ ରାଜସ୍ବ ନିରକ୍ଷକ କୈଳାସ ଚନ୍ଦ୍ର ବେହେରା ଓ ସ୍ଥାନୀୟ ସରପଞ୍ଚ ପ୍ରତିନିଧି ତୁରନ୍ତ ଗୁରୁ ବେହେରାଙ୍କ ନିକଟରେ ପହଂଚି ଉନ୍ନତ ଚିକିତ୍ସା ପାଇଁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ ୧୦୮ ଆମ୍ବୁଲାନ୍ସ ଜରିଆରେ ପଠାଇଥିଲେ। କିନ୍ତୁ ବର୍ତ୍ତମାନ ସମ୍ପୃକ୍ତ ରୋଗୀ ଜଣକ କଟକ ବଡ଼ ମେଡିକାଲରେ ଚିକିତ୍ସିତ ହେଉଥିବାର ଜିଲ୍ଲାପାଳ ଶ୍ରୀ ମହାପାତ୍ର ସୂଚନା ଦେଇଛନ୍ତି।

ଏଭଳି ତୁରନ୍ତ ଆବଶ୍ୟକୀୟ ପଦକ୍ଷେପ ଗ୍ରହଣ କରିଥିବାରୁ ଖୋର୍ଦ୍ଧା ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ରଙ୍କୁ ସ୍ଥାନୀୟ ଜନସାଧାରଣ ପ୍ରଶଂସା କରିଛନ୍ତି।

Categories
ଆଞ୍ଚଳିକ ରାଜ୍ୟ ଖବର

ଚିଲିକା ବ୍ଲକ୍‌ରେ ବିଦ୍ୟୁତ୍‌ ସଂଯୋଗ କରିବା ସମୟରେ ଦୁର୍ଘଟଣାରେ ଗୁରୁତର ହେଲେ ଟେକ୍‌ନିସିଆନ୍‌

ସମୀକ୍ଷା ବ୍ୟୁରୋ

ଚିଲିକା: ଆଜି ଚିଲିକା ବ୍ଲକ୍‌ର ବେଗୁନିଆ ଗ୍ରାମଠାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ବିଦ୍ୟୁତ୍‌ ସଂଯୋଗ ଦେଉଥିବା ସମୟରେ ଜଣେ ଟେକ୍‌ନିସିଆନ ଦୁର୍ଘଟଣାରେ ଗୁରୁତର ହୋଇଛନ୍ତି। ଏହି ଦୁର୍ଘଟଣାରେ ତାଙ୍କ ଡାହାଣ ହାତଟି କରେଣ୍ଟ ବାଜି ସଂପୂର୍ଣ୍ଣ ନଷ୍ଟ ହୋଇଯାଇଛି। ମିଳିଥିବା ସୂଚନା ଅନୁସାରେ  ଚିଲିକା ବ୍ଲକ୍‌ ଅନ୍ତର୍ଗତ ହରିପୁର ଗ୍ରାମ ପଞ୍ଚାୟତର ବେଗୁନିଆ ଗ୍ରାମର କୁନା ପଲେଇ (୨୮ବର୍ଷ) ନାମକ ଜଣେ ଯୁବକ ବାଲୁଗାଁ ଫେଡ୍‌କୋ ସବ୍‌ଡିଭିଜନ୍‌ର ଟେକ୍‌ନିସିଆନ୍‌ ରୂପେ କାର୍ଯ୍ୟରତ ଥିଲେ। ସେହି ଗ୍ରାମର ଜଣେ ବିଦ୍ୟୁତ ଉପଭୋକ୍ତାଙ୍କ ଲାଇଟ୍‌ କଟିଯିବାରୁ ୧୧ କେଭି ଲାଇନ୍‌ ସପ୍ଲାଇ କରୁଥିବା ସମୟରେ ଭୁଲ୍‌ରେ ଫେଜ୍‌ କନକେସନ୍‌ ଦେଇଦେବାରୁ କରେଣ୍ଟ ଲାଗି ଡାହାଣ ହାତ ସମ୍ପୂର୍ଣ୍ଣ ରୂପେ ନଷ୍ଟ ହୋଇଯାଇଛି। ତାଙ୍କୁ ତୁରନ୍ତ କୁହୁଡିସ୍ଥିତ ଘରୋଇ ନର୍ସିଂହୋମରେ ଚିକିତ୍ସା ପାଇଁ ଭର୍ତ୍ତି କରାଯାଇଥିବାବେଳେ ଅବସ୍ଥା ଅଧିକ ଗୁରୁତର ଥିବାରୁ ତାଙ୍କୁ ଭୁବନେଶ୍ବରସ୍ଥିତ ଆମ୍ରି ହସ୍‌ପିଟାଲ୍‌କୁ ସ୍ଥାନାନ୍ତରିତ କରାଯାଇଥିଲା।

କୁନାଙ୍କ ଚିକିତ୍ସା ପାଇଁ ଫେଡ୍‌କୋ ତରଫରୁ କିଛି ସାହାଯ୍ୟ ମିଳିଥିବାବେଳେ ଏହା ସମୁଦ୍ରକୁ ଶଙ୍ଖେ ପରି। ସମ୍ପୃକ୍ତ ଟେକନିସାଆନ ଜଣକ ପରିବାରର ଏକ ମାତ୍ର ରୋଜଗାରକ୍ଷମ ବ୍ୟକ୍ତି ଥିବାରୁ ତାଙ୍କର ଏପରି ସମୟରେ ତାଙ୍କ ପରିବାରରେ ଏବେ ଏକ ବଡ ବିପତ୍ତି ପଡିଛି। ତାଙ୍କ ଚିକିତ୍ସା ପାଇଁ ଅର୍ଥ ଏବେ ବାଧକ ସାଜିଛି। ଜଣେ ଯୁବ ଟେକ୍‌ନିସଆନ୍‌ଙ୍କ କାର୍ଯ୍ୟରତ ସମୟରେ ଏପରି ବିପଜ୍ଜନକ ଦୁର୍ଘଟଣା ଘଟିଥିବାରୁ ତାଙ୍କୁ ସରକାର ତରଫରୁ ସହାୟତା ରାଶି ଦିଆଯିବା ନେଇ ଦାବି କରାଯାଇଛି।

ରିପୋର୍ଟର: ସୀତାରାମ ଅଗ୍ରୱାଲ