Tag: ଜଙ୍ଗଲୀ ନିଆଁ

ଭୁବନେଶ୍ବର, ଶିମିଳିପାଳ ଏବଂ ରାଜ୍ୟର ବିଭିନ୍ନ ଜଙ୍ଗଲୀ ନିଆଁକୁ ରୋକିବା ପାଇଁ ରାଜ୍ୟ ସରକାର ଏକ ଉଚ୍ଚ ସ୍ତରୀୟ ଟାକ୍ସ ଫୋର୍ସ ଗଠନ କରିଛନ୍ତି। ନଅ ଜଣିଆ ଏହି କମିଟର ଅଧ୍ୟକ୍ଷ ଅଛନ୍ତି ପୂର୍ବତନ ପିସିସିଏଫ ସନ୍ଦୀପ ତ୍ରିପାଠୀ। ଏଥିସହିତ ବର୍ତ୍ତମାନ ପିସିସିଏଫ ଜିତେନ୍ଦ୍ର କୁମାର ଏହାର ଆବାହକ ଅଛନ୍ତି।

ଏହି କମିଟରେ ଅନ୍ୟ ଯେଉଁମାନେ ଅଛନ୍ତି ସେମାନେ ହେଲେ ଶଶୀ ପାୱାଲ ପିସିସିଏଫ ବନ୍ୟପ୍ରାଣୀ, ପଙ୍କଜ ଅଗ୍ରୱାଲା, ଡିଜି ଏଫଏସଆଇ ଡେରାଡୁନ ଏବଂ ଡେରାଡୁନସ୍ଥିତ ଆଇସିଏଫଆରଏଫ ଜଣେ ମନୋନତ ସଦସ୍ୟ।

ସେହିପରି ହାଇଦ୍ରାବାଦର ଏନଆରଏସସି ସଂସ୍ଥାର ଜଙ୍ଗଲ ଏବଂ ପରିବେଶ ବିଭାଗୀୟ ମୁଖ୍ୟ, ପି.କେ ମଲ୍ଲିକ ବରିଷ୍ଠ ଆଇଏଫଏସ, ଜେ.କେ ପାଣିଗ୍ରାହୀ ଓଡିଶା ପରିବେଷ ସମାଜର ସଂପାଦକ ଏବଂ ବାରିପଦାର ବିଜୁ ଅଗ୍ରୱାଲା ସଦସ୍ୟ ଅଛନ୍ତି। ଏ ନେଇ ରାଜ୍ୟ ଜଙ୍ଗଲ ଓ ପରିବେଷ ବିଭାଗ ତରଫରୁ ଏକ ବିଜ୍ଞପ୍ତି ପ୍ରକାଶ ପାଇଛି।

ଏହି ବିଜ୍ଞପ୍ତିରେ କମିଟକୁ ପାଞ୍ଚୋଟି ଟର୍ମସ ଆଣ୍ଡ ରେଫରେନସ ମଧ୍ୟରେ କାର୍ଯ୍ୟ କରିବା ପାଇଁ କୁହାଯାଇଛି। ସେଗୁଡିକ ହେଲା

• ବର୍ତ୍ତମାନ ରାଜ୍ୟରେ ଜଙ୍ଗଲୀ ନିଆଁର ସ୍ଥିତି କିପରି ଅଛି, ତାହାକୁ ତୁରନ୍ତ ନିୟନ୍ତ୍ରଣ ପଦକ୍ଷେପ ପାଇଁ ପରାମର୍ଶ।
• ବର୍ତ୍ତମାନ ଯାହା ଜଙ୍ଗଲୀ ନିଆଁ ଆୟତ କରିବା ପାଇଁ ନିୟମ ରହିଛି ତାହାକୁ ସମୀକ୍ଷା କରି ନୂତନ ପ୍ରସ୍ତାବ ପ୍ରଦାନ।
• ସ୍ଥାନୀୟ ଲୋକେ ବା କମ୍ୟୁନିଟକୁ ଏହି କାର୍ଯ୍ୟରେ ନିୟୋଜିତ କରିବା ପାଇଁ କଣ କରିବାର ଆବଶ୍ୟକତା ଅଛି।
• ଜଙ୍ଗଲୀ ନିଆଁ ଲାଗିଥିବା ଅଞ୍ଚଳରେ ବନପ୍ରାଣୀ ସୁରକ୍ଷା ଏବଂ ପରିବେଷ ପ୍ରଦୂଷଣ ରୋକିବା ପାଇଁ ପ୍ରସ୍ତାବ।
• ଏଥିସହିତ ଏହିପରି ନିଆଁକୁ ଆୟତ କରିବା ପାଇଁ ଭବିଷ୍ୟତରେ କଣ ପଦକ୍ଷେପ ନିଆଯାଇ ପାରିବ ସେ ଉପରେ ପ୍ରସ୍ତାବ ଦେବା ପାଇଁ କୁହାଯାଇଛି।