Tag: ଠକେଇ ମାମଲା

ନୂଆଦିଲ୍ଲୀ: ଏସିଜେଏମ କୋର୍ଟରେ ହରିୟାଣୀ ନୃତ୍ୟଶିଳ୍ପୀ ତଥା ଅଭିନେତ୍ରୀ ସପନା ଚୌଧୁରୀ ଆତ୍ମସମର୍ପଣ କରିଛନ୍ତି। ଏକ ଠକେଇ ମାମଲାରେ ପୋଲିସ ତାଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରିଥିଲା। ତେବେ ଆତ୍ମସମର୍ପଣ କରିବାର କିଛି ସମୟ ପରେ କୋର୍ଟ ସପନା ଚୌଧୁରୀଙ୍କ ୱାରେଣ୍ଟ ପ୍ରତ୍ୟାହାର କରିନେଲେ। ଏବଂ କୋର୍ଟ ତାଙ୍କୁ ହେପାଜତରୁ ମୁକ୍ତ କରିଥିଲେ।

ନୂଆଦିଲ୍ଲୀ: ୨୦୦ କୋଟି ଟଙ୍କା ଠକେଇ ମାମଲାରେ ତିହାର ଜେଲରେ ରହିଥିବା ସୁକେଶ ଚନ୍ଦ୍ରଶେଖର ତାଙ୍କ ପତ୍ନୀଙ୍କୁ ଭେଟିବା ପାଇଁ ଅନଶନରେ ବସିଛନ୍ତି। ସୁକେଶଙ୍କ ପତ୍ନୀ ହେଉଛନ୍ତି ଲୀନା ମାରିଆ ପାଲ, ଯିଏ ତିହାର ଜେଲରେ ରହିଛନ୍ତି। ଲୀନା ଜେଲ୍ ନମ୍ବର ୬ ରେ ରହିଛନ୍ତି। ନିୟମ ଅନୁଯାୟୀ – ଏହା କେବଳ ଦୁଇଥର ସାକ୍ଷାତ କରିବାକୁ ଅନୁମତି ଦିଆଯାଇଥିବାବେଳେ ସୁକେଶ ନିୟମ ବିରୁଦ୍ଧରେ ଯାଇ ଅଧିକ ଥର ସାକ୍ଷାତ କରିବାକୁ ଚାହୁଁଛନ୍ତି। ଯେତେବେଳେ ତାଙ୍କୁ ଅନୁମତି ଦିଆଯାଇନଥିଲା, ସେତେବେଳେ ସେ ତିହାର ଜେଲରେ ଅନଶନରେ ବସିଛନ୍ତି।

ସୂତ୍ର ଅନୁଯାୟୀ, ସେ ଏପ୍ରିଲ ୨୩ ତାରିଖରୁ ମଇ ୨ ତାରିଖ ପର୍ଯ୍ୟନ୍ତ ଆମରଣ ଅନଶନରେ ଥିଲେ। ତାଙ୍କୁ ଗ୍ଲୁକୋଜ ଦିଆଯାଉଥିଲା। ତା’ପରେ ସେ ଗୋଟିଏ ଦିନ ପରେ ମେ ୪ ତାରିଖରୁ ମେ ୧୨ ତାରିଖ ପର୍ଯ୍ୟନ୍ତ ଆମରଣ ଅନଶନରେ ଥିଲେ। ଏହି ସମୟରେ ତାଙ୍କୁ ଏକ ତରଳ ଖାଦ୍ୟ ଦିଆଯାଉଥିଲା। ତିହାର ଜେଲ ଅନୁଯାୟୀ, ବର୍ତ୍ତମାନ ସେ ଆମରଣ ଅନଶନରେ ନାହାଁନ୍ତି। ସୁକେଶଙ୍କ ଉପରେ ତିହାର ଜେଲ ପ୍ରଶାସନ ନଜର ରଖିଛି।

ଉଲ୍ଲେଖ ଯୋଗ୍ୟ ଯେ, ୨୦୦ କୋଟି ଟଙ୍କା ଠକେଇ ମାମଲାରେ ଅଭିଯୁକ୍ତ ସୁକେଶ ଚନ୍ଦ୍ରଶେଖର ଦୀର୍ଘ ଦିନ ଧରି ଚର୍ଚ୍ଚାରେ ରହିଛନ୍ତି। ବର୍ତ୍ତମାନ ଏହି ମାମଲାରେ ତିହାର ଜେଲର ଆଉ ଜଣେ ଜେଲରଙ୍କୁ ଗିରଫ କରାଯାଇଛି। ଦିଲ୍ଲୀ ପୋଲିସର ଇକୋନୋମିକ୍ ଅଫେନ୍ସ ୱିଙ୍ଗ ତିହାର ଜେଲର ଜେଲରଙ୍କୁ ଗିରଫ କରିଛି। ଅଭିଯୁକ୍ତଙ୍କ ନାମ ପ୍ରକାଶ ଚାନ୍ଦ। ୨୦୧୯ ରୁ ୨୦୨୧ ପର୍ଯ୍ୟନ୍ତ ରୋହିଣୀ ଜେଲରେ ଆସିଷ୍ଟାଣ୍ଟ ସୁପରିଣ୍ଟେଣ୍ଡେଣ୍ଟ ଭାବରେ ନିଯୁକ୍ତ ଥିଲେ। ଜେଲର ପ୍ରକାଶ ଚାନ୍ଦ ସୁକେଶ ଚନ୍ଦ୍ରଶେଖରଙ୍କୁ ଠକେଇ କରିବାରେ ସାହାଯ୍ୟ କରିଥିବା ଅଭିଯୋଗ ହୋଇଥିଲା।

ଅଭିଯୁକ୍ତ ପ୍ରକାଶ ଚାନ୍ଦଙ୍କୁ ତିହାରର ଜେଲ ନମ୍ବର ୨ ରେ ସହକାରୀ ଅଧୀକ୍ଷକ ଭାବେ ପୋଷ୍ଟ କରାଯାଇଥିଲା। ସୁକେଶ ଚନ୍ଦ୍ରଶେଖର ୧୭ ବର୍ଷ ବୟସରୁ ଲୋକଙ୍କୁ ଠକେଇ କରିବା ଆରମ୍ଭ କରିଥିଲେ। ତିହାର ଜେଲ ଭିତରୁ ୨୦୦ କୋଟି ଟଙ୍କାର ଚୋରା ଚାଲାଣ କରିଥିବା ସୁକେଶ ଚନ୍ଦ୍ରଶେଖରଙ୍କ ଉପରେ ଅଭିଯୋଗ ହୋଇଥିଲା। ଜଣେ ରାଜନେତାଙ୍କ ସମ୍ପର୍କୀୟ ଭାବରେ ସୁକେଶ ୧୦୦ ରୁ ଅଧିକ ଲୋକଙ୍କୁ ଠକେଇ କରି କୋଟି କୋଟି ଟଙ୍କା ଲୁଟି ନେଇଥିବାର ଅଭିଯୋଗ ହୋଇଛି।

ମୁମ୍ବାଇ: ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ ଏବଂ ତାଙ୍କ ସ୍ୱାମୀ ରାଜ କୁନ୍ଦ୍ରାଙ୍କ ବିରୋଧରେ ଠକେଇ ମାମଲା ରୁଜୁ ହୋଇଛି। ସୂତ୍ରରୁ ପ୍ରକାଶ ଯେ, ନିତିନ ବାରାଇ ନାମକ ଅଭିଯୋଗକାରୀ ବାନ୍ଦ୍ରା ପୋଲିସ ନିକଟରେ ଅଭିଯୋଗ କରିଛନ୍ତି। ଜୁଲାଇ ୨୦୧୪ ରୁ ବର୍ତ୍ତମାନ ପର୍ଯ୍ୟନ୍ତ ଏମ/ଏସଏଫଏଲ ପ୍ରାଇଭେଟ କମ୍ପାନୀର ନିର୍ଦ୍ଦେଶକ ଶିଳ୍ପା ଶେଟ୍ଟୀ, ରାଜ କୁନ୍ଦ୍ରା, କାଶୀଫ ଖାନ, ଦର୍ଷିତ ଶାହା ଏବଂ ସେମାନଙ୍କ ସହଯୋଗୀମାନେ ବରାଇଙ୍କ ସହ ଧୋକା କରିଛନ୍ତି।

ଅଭିଯୋଗ ମୁତାବକ ଏମ/ଏସଏଫଏଲ କମ୍ପାନୀର ଫ୍ରାଞ୍ଚାଇଜ୍ ନେଇ ପୁଣେର କୋରେଗାଓଁ ଅଞ୍ଚଳରେ ଏକ ସ୍ପା ଏବଂ ଜିମ୍ ଖୋଲିଲେ, ଏହା ବହୁତ ଲାଭଦାୟକ ହେବ ବୋଲି ବରାଇଙ୍କୁ କୁହାଯାଇଥିଲା। ଏହା ପରେ ବାରାଇଙ୍କୁ ୧ କୋଟି ୫୯ ଲକ୍ଷ ୨୭ ହଜାର ଟଙ୍କା ବିନିଯୋଗ କରିବାକୁ ପ୍ରସ୍ତୁତ କରାଯାଇଥିଲା। ଯାହା ପରେ ଅଭିଯୁକ୍ତମାନେ ବାରାଇଙ୍କ ଟଙ୍କାକୁ ସେମାନଙ୍କ ଲାଭ ପାଇଁ ବ୍ୟବହାର କରିଥିଲେ ଏବଂ ଯେତେବେଳେ ସେ ତାଙ୍କ ଟଙ୍କା ଫେରସ୍ତ ମାଗିଥିଲେ ସେତେବେଳେ ତାଙ୍କୁ ଧମକ ଦିଆଯାଇଥିଲା।

ବରାଇଙ୍କ ଅଭିଯୋଗ ପରେ ବାନ୍ଦ୍ରା ପୋଲିସ ଆଇପିସିର ଧାରା ୪୦୬, ୪୦୯, ୪୨୦, ୫୦୬, ୩୪ ଏବଂ ୧୨୦ (ବି) ଅନୁଯାୟୀ ଶିଳ୍ପା ଶେଟ୍ଟୀ, ରାଜ କୁନ୍ଦ୍ରା ଏବଂ ଅନ୍ୟ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଚି।

ମୁମ୍ବାଇ ପୋଲିସ ମଧ୍ୟ ଏହି ମାମଲାରେ ଅଭିଯୁକ୍ତଙ୍କୁ ପଚରାଉଚରା କରିପାରେ। ରାଜ କୁନ୍ଦ୍ରା, ଶିଳ୍ପା ଶେଟ୍ଟୀଙ୍କ ପକ୍ଷ ଜାଣିବା ପାଇଁ ପୋଲିସ ଶୀଘ୍ର ସେମାନଙ୍କ ସହ ଯୋଗାଯୋଗ କରିପାରେ।

ଭୋପାଳ: ମଧ୍ୟପ୍ରଦେଶର ପୂର୍ବତନ ମନ୍ତ୍ରୀ ତଥା ଭୋଜପୁର ବିଧାୟକ ସୁରେନ୍ଦ୍ର ପଟୱା ଏବଂ ତାଙ୍କ ପତ୍ନୀ ମୋନିକା ପଟୱାଙ୍କ ବିରୋଧରେ ସିବିଆଇ ଠକେଇ ମାମଲା ରୁଜୁ କରିଛି। ପଟୱା ପରିବାର ବିରୋଧରେ ବ୍ୟାଙ୍କ ଅଫ୍ ବରୋଦା, ଇନ୍ଦୋରରୁ ମିଳିଥିବା ଅଭିଯୋଗ ଉପରେ ଠକେଇ ସମେତ ଅନେକ ଧାରାଗୁଡିକରେ ମାମଲା ରୁଜୁ ହୋଇଛି। ଅନୁସନ୍ଧାନକାରୀ ସଂସ୍ଥା ଶୁକ୍ରବାର ଦିନ ପାଟୱାର ଇନ୍ଦୋର କାର୍ଯ୍ୟାଳୟରେ ଭୋପାଳରେ ସର୍ଚ୍ଚ କରିଥିଲା। ମଧ୍ୟପ୍ରଦେଶର ପୂର୍ବତନ ମନ୍ତ୍ରୀ ସୁନ୍ଦରଲାଲ ପାଟୱାଙ୍କର ପୁତୁରା ଏବଂ ରାଜନୈତିକ ଉତ୍ତରାଧିକାରୀ ହେଉଛନ୍ତି ସୁରେନ୍ଦ୍ର ପଟୱା।

ଅଭିଯୋଗ ଅନୁଯାୟୀ, ମୋନିକା ପଟୱା ଅଟୋମୋବାଇଲ୍ ପ୍ରାଇଭେଟ ଲିମିଟେଡ୍ (ବର୍ତ୍ତମାନ ଭଗବତୀ ପଟୱା ଅଟୋମୋବାଇଲ୍) ଇନ୍ଦୋରର ନିର୍ଦ୍ଦେଶକ ଥିବାବେଳେ ସେ ବ୍ୟାଙ୍କ ଅଫ୍ ବରୋଦାକୁ ୨୯.୪୧ କୋଟି ଟଙ୍କା ଠକିଛନ୍ତି। ଏହା କୁହାଯାଇଥିଲା ଯେ, ଆଇଡିବିଆଇ ବ୍ୟାଙ୍କରୁ ତାଙ୍କର ଇନ୍ଦୋର ସ୍ଥିତ କମ୍ପାନୀ ଓଭର କ୍ରେଡିଟ୍ ସୁବିଧା ନେଇଛି। ଏହା ପରେ, ସେପ୍ଟେମ୍ବର ୧୩ ତାରିଖ ୨୦୧୪ ରେ ବ୍ୟାଙ୍କ ଅଫ୍ ବରୋଦା ୩୬ କୋଟି ଟଙ୍କା ଋଣ ବଢାଇଇଲା। ଏହି ଋଣକୁ ମଇ ୨ ତାରିଖ ୨୦୧୭ରେ ଏନପିଏ ଘୋଷଣା କରାଯାଇଥିଲା। ଅର୍ଥାତ୍ ସେ ନିଜକୁ କିସ୍ତି ଦେବାରେ ବିଫଳ ବୋଲି ଘୋଷଣା କରିଥିଲେ। ପରେ ଆରବିଆଇକୁ ଏହି ଠକେଇ ଖବର ଦିଆଯାଇଥିଲା। ଏହି ସମୟରେ ପଟୱାଙ୍କ କମ୍ପାନୀ ୨୯.୪୧ କୋଟି ଋଣ ନେଇଥିଲା।

ଚେକ୍ ବାଉନ୍ସର ଅନେକ କ୍ଷେତ୍ରରେ ମାମଲା ପଞ୍ଜିକୃତ ହୋଇସାରିଛି:

ସୂଚନାଯୋଗ୍ୟ ଯେ, ପୂର୍ବତନ ମନ୍ତ୍ରୀ ସୁରେନ୍ଦ୍ର ପଟୱାଙ୍କ ବିରୋଧରେ ଏହା ପ୍ରଥମ ଘଟଣା ନୁହେଁ। ଏହା ପୂର୍ବରୁ ମଧ୍ୟ ଚେକ୍ ବାଉନ୍ସ ମାମଲାରେ ତାଙ୍କ ବିରୋଧରେ ମାମଲା ରୁଜୁ ହୋଇଛି। ଏପରିକି ଚେକ୍ ବାଉନ୍ସ ମାମଲା ମଧ୍ୟ କୋର୍ଟରେ ଅଛି। ଦୁଇ ବର୍ଷ ପୂର୍ବେ ତାଙ୍କୁ ଚାରିଟି ଚେକ୍ ବାଉନ୍ସ ମାମଲାରେ ଭୋପାଳ କୋର୍ଟ ୬ ମାସ ଦଣ୍ଡିତ କରିଥିଲେ। ତେବେ ଉକ୍ତ ଦିନ ତାଙ୍କୁ କୋର୍ଟ ଜାମିନ ପ୍ରଦାନ କରିଥିଲେ।

ନୂଆଦିଲ୍ଲୀ: ସେନା ଭର୍ତ୍ତି ଠକେଇ ମାମଲାରେ ୬ ଜଣ ଲେଫ୍ଟିନେଣ୍ଟ କର୍ନଲ ସମେତ କିଛି ଅନ୍ୟ ଅଧିକାରୀ ଏବଂ ସେମାନଙ୍କ ପରିବାର ସଦସ୍ୟଙ୍କ ବିରୋଧରେ ସିବିଆଇ ମାମଲା ରୁଜ୍ଜୁ  କରିଛି। ଏହି ମାମଲାରେ ସିବିଆଇ ପକ୍ଷରୁ ୩ ରୁ ଉର୍ଦ୍ଧ୍ଵ ରାଜ୍ୟରେ ଚଢାଉ କରାଯାଇଛି। ସେନାର ମୁଖ୍ୟ କାର୍ଯ୍ଯାଳୟର ଅଭିଯୋଗ ଅନୁଯାୟୀ ଭ୍ରଷ୍ଟାଚାର ନିରୋଧକ ଅଧିନିୟମ ତଥା ଅପରାଧିକ ଷଡଯନ୍ତ୍ର ଆଧାରରେ ଏହି ମାମଲା ସିବିଆଇ ରୁଜ୍ଜୁ କରିଛି। ତଦନ୍ତ ଏଜେନ୍ସି ଦ୍ଵାରା ଏବେ ବି ୧୨ ରୁ ଉର୍ଦ୍ଧ୍ଵ ସ୍ଥାନରେ ଚଢାଉ ଜାରି ରହିଛି।