ନୂଆଦିଲ୍ଲୀ: କୃଷକ ସଂଗଠନ ଏବଂ କେନ୍ଦ୍ର ସରକାର ମଧ୍ୟରେ ଆଜି ନବମ ପର୍ଯ୍ୟାୟ ଆଲୋଚନା ପୁନର୍ବାର ବିଫଳ ହୋଇଛି। କେନ୍ଦ୍ରୀୟ ବିଜ୍ଞାନ ଭବନରେ ଚାଲିଥିବା ଏହି ଆଲୋଚନାରେ କୌଣସି ନିଷ୍କର୍ଷ ବାହାରିପାରିନାହିଁ। ସଂଗଠନ ତିନି ଆଇନକୁ ରଦ୍ଦ କରିବା ପାଇଁ ଅଡି ବସିଥିବା ବେଳେ କେନ୍ଦ୍ର ଏଥିରେ ରାଜି ହୋଇନାହିଁ। ଆଜିର ବୈଠକରେ ଦୁଇ ପକ୍ଷ ନିଜ ନିଜର ଜିଦରେ ଅଟଳ ରହିଛନ୍ତି।
ତେବେ ପୁଣି ଆସନ୍ତା ୧୯ ତାରିଖରେ ଦଶମ ପର୍ଯ୍ୟାୟ ଆଲୋଚନା ହେବ। ଏହି ଦିନ ଅପରାହ୍ନ ୧୨ ଟାରେ ଆଲୋଚନା ଲାଗି କେନ୍ଦ୍ରୀୟ ବିଜ୍ଞାନ ଭବନରେ ବୈଠକ ବସିବ।