ଟାଙ୍ଗୀ: ଓଡ଼ିଆ ଗଣ ପର୍ବ ରଜ ଯାତ୍ରା ପୂର୍ବରୁ ଓଡିଶାର ପ୍ରସିଦ୍ଧ ତନ୍ତ୍ର ପୀଠ ମା ଉଗ୍ରତାରା ଦେବୀଙ୍କ ମନ୍ଦିରର ଦାନ ହୁଣ୍ଡୀ ଆଜି ଖୋଲା ଯାଇଛି। ଦାନ ହୁଣ୍ଡୀ ଖୋଲା ଯାଇ ମନ୍ଦିର କାର୍ଯ୍ୟାଳୟ ପରିସରରେ ଭକ୍ତଙ୍କର ଦାନ ଟଙ୍କା ଗଣତି କରାଯାଇଥିଲା।
ଗଣତି ଶେଷ ପରେ ଦାନ ହୁଣ୍ଡିରୁ ୯ ଲକ୍ଷ ୬୮ ହଜାର ୧୪୭ ଟଙ୍କା ମିଲିଥିବା ଜଣା ପଡିଛି। ଦାନ ହୁଣ୍ଡିରୁ ମିଳିଥିବା ଭକ୍ତଙ୍କର ଦାନ ଅର୍ଥ ରାଶିକୁ ସ୍ଥାନୀୟ ବ୍ୟାଙ୍କ ଅଫ ଇଣ୍ଡିଆ ଶାଖାରେ ଜମା କରାଯିବ। ଟାଙ୍ଗୀ ତହସିଲଦାର ମିତାଲି ପାତ୍ର, ବିଡ଼ିଓ ରେସ୍ମା ଟେଟେ, ଟାଙ୍ଗୀ ଥାନା ଆଇ ଆଇ ସି. ସୁଶାନ୍ତ କୁମାର ବେହେରା, ମନ୍ଦିର ଟ୍ରଷ୍ଟିର କୁମର ପାତ୍ର, ସୁବତ କୁମାର ସାମନ୍ତରାୟ, ସରପଞ୍ଚ କିଶୋର କୁମାର ରାଉତରାୟଙ୍କ ସମେତ ବହୁ ସ୍ଵେଚ୍ଛାସେଵୀ ଓ
କର୍ମକର୍ତ୍ତାଙ୍କ ଉପସ୍ଥିତରେ ଗଣତି କରାଯାଇଥିଲା।