ସୀତାରାମ ଅଗ୍ରୱାଲ
ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ବନ ବିଭାଗ ରେଂଜ୍ ଅଂଚଳରେ ବଢି ଚାଲିଛି ବେଆଇନ ମାଙ୍କଡା ପଥର ଲୁଟ। ମାଫିଆମାନେ ବେଧଡକ ସେମାନଙ୍କ କାରବାର ଚଳାଉଛନ୍ତି। ପଥର ମାଫିଆମାନେ ଜଂଗଲ ଜମିରେ ମାଙ୍କଡା ପଥର ଖଣି କରି କରି ରାଜ୍ୟ ତଥା ରାଜ୍ୟ ବାହାରକୁ ପଥର ଚାଲାଣକରି ଲକ୍ଷ ଲକ୍ଷ ଟଙ୍କା ରୋଜଗାର କରୁଥିବା ବେଳେ ସରକାରଙ୍କର ଲକ୍ଷ ଲକ୍ଷ ଟଙ୍କାର ରାଜସ୍ୱ ହାନି ହେଉଛି।
ତେବେ ଆଜି ସ୍ଥାନୀୟ ଲୋକଙ୍କ ଠାରୁ ଖବର ପାଇ ଟାଙ୍ଗୀ ବନ ବିଭାଗ ରେଞ୍ଜର ଦେବାଶିଷ ଭୋଇଙ୍କ ନେତୃତ୍ୱରେ ବନ ବିଭାଗ କର୍ମଚାରୀ ମାନେ ରାମେଶ୍ୱର ଡ଼ିପିଏଫ ଅନ୍ତର୍ଗତ ଖଜୁରୀପଡା ଅଂଚଳରେ ଚାଲିଥିବା ବେଆଇନ ମାଙ୍କଡା ପଥର ଖଣିରେ ନିରାକାରପୁର ପୋଲିସ ସହ ଅଚାନକ ଚଢ଼ାଉ କରିଥିଲେ।
ଉକ୍ତ ଚଢାଉରେ କରି ତିନୋଟି ପାୱାର ଟିଲର ଜବତ କରିବାକୁ ସକ୍ଷମ ହୋଇଛି ବନବିଭାଗ। ଫଳରେ ମାଫିଆମାନେ ଭୟଭୀତ ହୋଇ କଟର ନେସିନ ଛାଡି ଜଂଗଲ ଭିତରକୁ ପଳାଇ ଯାଇଛନ୍ତି।