ପୁରୀ: ରତ୍ନ ଭଣ୍ଡାର ଖୋଲିବା ପରେ ଘଟିଲା ଏକ ଅଘଟଣ। ତାହା ହେଲା ଯେ, ରତ୍ନ ଭଣ୍ଡାର ଖୋଲିବା ପରେ ସେଠାରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର। ସେ ଶ୍ବାସ ପ୍ରଶ୍ବା, ନେବାରେ କଷ୍ଟ ଅନୁଭବ କଲେ। ଫଳରେ ସେ ସେଠାରେ ବସି ପଡିଥିଲେ। ଏହାପରେ ସେଠାରେ ଉପସ୍ଥିତ ଥିବା ଡାକ୍ତର ସି ବି କେ ମହାନ୍ତି ତାଙ୍କର ଚିକିତ୍ସା କରିଥିବାର ସୂଚନା ମିଳିଛି।
ତେବେ ଏସପି ପିନାକ ମିଶ୍ର ବାହାରକୁ ଆସି ଏହି ଖବରକୁ ଖଣ୍ଡନ କରିଛନ୍ତି। ସେ କହିଛନ୍ତି ଯେ, ସେମିତି କିଛି ଘଟି ନାହିଁ। ମୁଁ ଆପଣମାନଙ୍କ ସମ୍ମୁଖରେ ଛିଡା ହୋଇଛି। ଯାହା କୁହାଯାଉଛି ତାହା ମିଛ କଥା ବୋଲି ଖୋଦ ପିନାକ ମିଶ୍ର କହିଛନ୍ତି। ତେବେ ସେ ସାମାନ୍ୟ ଅସୁସ୍ଥ ହୋଇପଡିବା ପରେ ଠିକ ହୋଇଥିବାର ଅନୁମାନ କରାଯାଉଛି।