ମୁମ୍ବାଇ: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଆଉ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛନ୍ତି। ଆଜି ଠାକରେଙ୍କ ଘନିଷ୍ଠ ସହଯୋଗୀ ତଥା ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ଦୀପକ ସାୱନ୍ତ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଦଳରେ ଯୋଗ ଦେଇଛନ୍ତି। ଏହି ସମୟରେ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ କହିଛନ୍ତି ଯେ, ଆମେ ସାୱନ୍ତଙ୍କୁ ପାର୍ଟିକୁ ସ୍ୱାଗତ କରୁଛୁ ଏବଂ ଏହା ଆମ ପାଇଁ ଲାଭଦାୟକ ହେବ।
ଅନେକ ନେତା କ୍ରମାଗତ ଭାବରେ ଉଦ୍ଧବ ଠାକରେଙ୍କୁ ଛାଡୁଛନ୍ତି। ବରିଷ୍ଠ ଶିବସେନା ନେତା ସୁଭାଷ ଦେଶାଇଙ୍କ ପୁଅ ଭୂଷଣ ଦେଶାଇ ସୋମବାର ଦିନ ଶିନ୍ଦେଙ୍କ ନେତୃତ୍ୱାଧୀନ ଶିବସେନାରେ ଯୋଗ ଦେଇଥିଲେ।
ଦଳ ମଧ୍ୟରେ ମତଭେଦ ମଧ୍ୟରେ ଉଦ୍ଧବ ଠାକରେ ବିଜେପି ଏବଂ ଶିନ୍ଦେ ଦଳକୁ ଟାର୍ଗେଟ କରିଛନ୍ତି। ଆଜି ମୁମ୍ବାଇରେ ବିଜେପିକୁ ଆଫଜାଲ ଖାନଙ୍କ ସହ ତୁଳନା କରି ସେ କହିଛନ୍ତି ଯେ, ଭାରତ ଉପରେ ଆକ୍ରମଣ କରିବା ସମୟରେ ଆଫଜଲ ଖାନ ଯେଉଁଭଳି ଭାବରେ ଲୋକଙ୍କ ଘର ଭାଙ୍ଗିଥିଲା, ଭଗବାନଙ୍କ ମନ୍ଦିରକୁ ନଷ୍ଟ କରିଦେଇଥିଲା, ଲୋକମାନଙ୍କୁ ନିଜ ପାଖକୁ ଆଣିବା ପାଇଁ ସେ ଯାହା କରିଥିଲା, ଆଜି ମଧ୍ୟ ବିଜେପି ସମାନ କାର୍ଯ୍ୟ କରୁଛି। ଯଦି ଆପଣ ଦଳରେ ଯୋଗ ଦିଅନ୍ତି ନାହିଁ, ତେବେ ଆପଣଙ୍କୁ ଜେଲକୁ ପଠାଯାଉଛି।
