ଭୁବନେଶ୍ବର: ଗତକାଲି କଳାହାଣ୍ଡି ଲାଞ୍ଜିଗଡରେ ଥିବା ବେଦାନ୍ତ ଆଲମ୍ୟୁନା କଂପାନୀର ରେଡ ମଡ ପଣ୍ଡ ଭୁଷୁଡି ପଡିବା ପରେ ଶହଶହ ଏକର ଯାଗାରେ ନାଲିପାଣି ମାଡିଯାଇଛି। ଏହାଦ୍ବାରା ପରିବେଷ ପ୍ରଦୂଷିତ ହେବା ସହିତ ବହୁ ଚାଷ ଜମି ମଧ୍ୟ ନଷ୍ଟ ହୋଇଛି। ଯାହାକୁ ନେଇ ଗତକାଲି ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା।
ଏହି ଘଟଣା ପଦାକୁ ଆସିବା ପରେ ଓଡିଶାର ପ୍ରତିଷ୍ଠିତ ସାମାଜିକ କର୍ମି ପ୍ରଫୁଲ ସମାନ୍ତରାୟ ପ୍ରଦୂଷଣ ନିୟନ୍ତ୍ରଣ ବୋର୍ଡକୁ ଏକ ଚିଠି ଲେଖିଛନ୍ତି। ଏଥିରେ ସେ ବେଦାନ୍ତ ବିରୋଧରେ କଡା ପଦକ୍ଷେପ ଗ୍ରହଣ କରିବା ପାଇଁ ନିବେଦନ କରିଛନ୍ତି।
ସେ କହିଛନ୍ତି ବେଦାନ୍ତ ଲାଞ୍ଜିଗଡ କଂପାନୀ ଧାରାବାହିକ ଭାବେ ରେଡମଡ ପଣ୍ଡ ହେଉ କିମ୍ବା ଆସ୍ ପଣ୍ଡ ଭୁଷୁଡିବାରେ ଲାଗିଛି। ଏହାଦ୍ବାରା ସ୍ଥାନୀୟ ଜନସଧାରଣ ଏବଂ ପଶୁପକ୍ଷୀଙ୍କ ଉପରେ ପ୍ରଭାବ ପଡୁଛି। ସେଥିପାଇଁ ବୋର୍ଡ ତରଫରୁ ଏହା ଉପରେ ତଦନ୍ତ କରାଯାଉ ବୋଲି ସେ ଦାବୀ କରିଛନ୍ତି। ଏହା ବେଦାନ୍ତ କଂପାନୀର ଖାମଖିଆଲ ନୀତି ବୋଲି ସେ ଉଲ୍ଲେଖ କରିଛନ୍ତି।