ଖୋର୍ଦ୍ଧା: ଆଜି ଓସ୍ୱାନ ଭିଡ଼ିଓ ସମ୍ମିଳନୀ କକ୍ଷରେ ପ୍ରାକୃତିକ ବିପର୍ଯୟ ବୈଠକ ଅତିରିକ୍ତ ଜିଲ୍ଲପାଳ (ରାଜସ୍ବ) ସାଫଲ୍ୟ ମଣ୍ଡିତ ପ୍ରଧାନଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲାର ବିଭିନ୍ନ ବିଭାଗୀୟ ଅଧିକାରୀ, ଏବଂ ବିଭିନ୍ନ ବ୍ଲକ, ତହସିଲ ସ୍ତରୀୟ ଅଧିକାରୀମାନଙ୍କ ସହ ଭିଡ଼ିଓ ମାଧ୍ୟମରେ ଆଲୋଚନା କରାଯାଇଥିଲା।
R&B ବିଭାଗଙ୍କୁ ବିଭିନ୍ନ ବ୍ଲକରେ ହେଲିପାଡ଼ର ପ୍ରସ୍ତୁତି, ସମସ୍ତ କାର୍ଯ୍ୟ ନିର୍ବାହୀ ଅଧିକାରୀଙ୍କୁ ଡ୍ରେନେଜ ବିଷୟରେ ପଚାରି ତୁରନ୍ତ ପଦକ୍ଷେପ ନେବାକୁ ପରାମର୍ଶ ଦେଇଥିଲେ। ରେନଗଜ ରିପୋର୍ଟିଂ ସଠିକ ସମୟରେ ରିପୋର୍ଟ ଦେବାକୁ ଉପ-ଜିଲ୍ଲାପାଳଙ୍କୁ ପରାମର୍ଶ ଦେଇଥିଲେ।
ବିଡିଓମାନଙ୍କୁ ପଞ୍ଜିକୃତ ବୋଟ ଗୁଡିକୁ ଯାଞ୍ଚ କରିବା ସହିତ ଅଣ ପଞ୍ଜିକୃତ ବୋଟ ଗୁଡିକୁ ରବ୍ଦ କରିବାକୁ ପରାମର୍ଶ ଦେଇଥିଲେ। ଲାଇଫ ଜ୍ୟାକେଟ, ଲାଇଫ ବୟ, ନାଇଲନ ରୋପ ର ଆବଶ୍ୟକତା ବିଷୟରେ ତୁରନ୍ତ ରିପୋର୍ଟ ଦେବାକୁ ଵି. ଡ଼ି. ଓ. ମାନଙ୍କୁ ପରାମର୍ଶ ଦେଇଥିଲେ।
ଜିଲ୍ଲା ସ୍ତରରେ ଏବଂ ବ୍ଲକ ସ୍ତରରେ କଂଟ୍ରୋଲ ରୁମ ଡ଼ିଉଟି ନଭେମ୍ବର ଶେଷ ପର୍ଯ୍ୟନ୍ତ ଚାଲୁ ରଖିବାକୁ ପରାମର୍ଶ ଦେଇଥିଲେ। ଯୋଗାଣ ଅଧିକାରୀଙ୍କୁ ଶୁଖିଲା ଖାଦ୍ୟ ମହଜୁଦ ରଖିବାକୁ କହିଥିଲେ। CDMO ଙ୍କୁ ଜରୁରୀ କାଳୀନ ସ୍ୱାସ୍ଥ୍ୟ ସେବା ଯୋଗାଇ ଦେବାକୁ, ଶିକ୍ଷାଧିକାରୀ ଙ୍କୁ ବିଦ୍ୟାଳୟ ମାନଙ୍କରେ ଅସ୍ଥାୟୀ ଆଶ୍ରୟସ୍ଥଳୀ ଯୋଗାଇଦେବାକୁ, DSWO, ଅଙ୍ଗନବାଡି କର୍ମୀ, DWO, DCPO, DFO ଙ୍କୁ କଟର ଯୋଗାଇଦେବାକୁ, ଅଗ୍ନିଶମ ବାହିନୀଙ୍କୁ ଆଲର୍ଟ ରହିବାକୁ ପରାମର୍ଶ ଦେଇଥିଲେ।
ଏହି ବୈଠକରେ ଅତିରିକ୍ତ ଜିଲ୍ଲାପାଳ (ପ୍ରଶାସନ ) ପ୍ରତାପ ଚନ୍ଦ୍ର ବେଉରା, ମୁଖ୍ୟ ଉନ୍ନୟନ ଅଧିକାରୀ, ଜିଲ୍ଲାପରିଷଦ ଦିଗନ୍ତ ରାଉତରାୟ, ଅତିରିକ୍ତ ଅରାକ୍ଷୀ ଅଧିକ୍ଷକ ସୁରେନ୍ଦ୍ରନାଥ ମୁର୍ମୁ, ଉପ -ଜିଲ୍ଲାପାଳ ଦୀପ୍ତି ରଞ୍ଜନ ସେଠି, ସିଡିଏମଓ ଡ଼ଃ ଆର୍ତ୍ତବନ୍ଧୁ ନାୟକ,
ଉପ-ଜିଲ୍ଲାପାଳ ମମତା ସାହୁ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଜ୍ୟୋତ୍ସ୍ନା ମୟୀ ଆଚାର୍ଯ୍ୟ ଏବଂ ଜିଲ୍ଲା ସ୍ତରୀୟ ବିଭାଗୀୟ ଅଧିକାରୀ ପ୍ରମୁଖ ଉପସ୍ଥିତ ଥିଲେ।