କେନ୍ଦ୍ରାପଡ଼ା: କେନ୍ଦ୍ରାପଡା ଜିଲ୍ଲା ଡେରାବିଶ ତହସିଲ ଅନ୍ତର୍ଗତ ବିଶ୍ୱ ପ୍ରସିଦ୍ଧ ଓଳକଣା ମେଲଣକୁ ସୂଚାରୁ ରୂପେ ପାଳନ କରିବା ପାଇଁ ମେଲଣ ସମନ୍ୱୟ କମିଟି ତରଫରୁ ଜିଲ୍ଲାପାଳଙ୍କୁ ଭେଟି ଅନୁମତି ପ୍ରଦାନ କରିବା ପାଇଁ ଦାବି କିରିଛନ୍ତି।
ଏହା ଏକ ବିଶ୍ୱ ପ୍ରସିଦ୍ଧ ମେଲଣ ହେବା ସହ ଏହି ମେଲଣ ପଡିଆରେ ଆଖପାଖ ଅଂଚଳର ଶତାଧିକ ଦୋଳ ବିମାନ ଏକତ୍ରିତ ହୋଇ ଶ୍ରୀଜୀୟୁ ମାନେ ମେଲଣ ପାଳନ କରିଥାନ୍ତି। ଏହି ମେଲଣ ବର୍ଷେ ବନ୍ଦ ରହିଲେ ପରବର୍ତ୍ତୀ ବାରବର୍ଷ ପର୍ଯ୍ୟନ୍ତ ମେଲଣ ହୋଇପାରିବ ନାହିଁ ବୋଲି ପରଂପରା ରହିଛି।
ମେଳଣ ସମନ୍ୱୟ କମିଟି ତରଫରୁ ରାଜ୍ୟ ସରକାରଙ୍କ କୋଭିଡ ନିୟମକୁ କଡାକଡି ଭାବେ ପାଳନ କରି ଓଳକଣା ମେଲଣକୁ ପାଳନ କରିବା ପାଇଁ କମିଟି ତରଫରୁ ସଭାପତି ମହନ୍ତ ନାମାନନ୍ଦ ଦାସଙ୍କ ସହ ମହନ୍ତ ପର୍ଶୁରାମ ଦାସ, ବେବର୍ତା ଅଜୟ ଦାସ, ରତୀକାନ୍ତ ସାମଲ, ବିଜୟ କୁମାର ମଲିକ, କରୁଣାକର କର ସୁବାଷ ଚନ୍ଦ୍ର ବେହେରା, ଦୀନବନ୍ଧୁ ପାତ୍ର, କ୍ଷିରୋଦ ଚନ୍ଦ୍ର ବିହାରୀ ପ୍ରମୁଖ ଜିଲ୍ଲାପାଳ ଅମ୍ରିତ ଋତୁରାଜଙ୍କୁ ଭେଟି ମେଳଣ ପାଇଁ ଅନୁମତି ଦାବି କରିଛନ୍ତି।
ତେବେ ସମସ୍ତ କଟକଣା ପାଳନ ପୂର୍ବକ ଜନଗହଳି ନକରି କେବଳ ପାରଂପରିକ ବିଧିବିଧାନ ପାଳନ କରି ମେଲଣ କରିବାକୁ ପ୍ରତିଶୃତି ଦେଇଛନ୍ତି।