Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ଥାଇ ରାମାୟଣ ରାମକିୟେନର ମନମୋହକ ପ୍ରଦର୍ଶନ ଦେଖିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଥାଇଲ୍ୟାଣ୍ଡର ବ୍ୟାଙ୍କକରେ ଥାଇ ରାମାୟଣ, ରାମକିୟେନର ଏକ ସମୃଦ୍ଧ ପ୍ରଦର୍ଶନ ଦେଖିଛନ୍ତି। ଏହି ଅବସରରେ ସେ ଭାରତ ଏବଂ ଥାଇଲ୍ୟାଣ୍ଡ ମଧ୍ୟରେ ଗଭୀର ସାଂସ୍କୃତିକ ଏବଂ ସଭ୍ୟତାଗତ ସମ୍ବନ୍ଧର ପ୍ରଶଂସା କରିଛନ୍ତି।

ଏକ୍ସରେ ପୃଥକ- ପୃଥକ ପୋଷ୍ଟରେ ସେ ଲେଖିଛନ୍ତି:

“ଏକ ସାଂସ୍କୃତିକ ସଂଯୋଗ ଯାହା ଅନ୍ୟ କୌଣସିଠାରୁ ମିଳେ ନାହିଁ!

ଥାଇ ରାମାୟଣ ରାମକିୟେନର ଏକ ମନମୋହକ ପ୍ରଦର୍ଶନ ଦେଖିଲି। ଏହା ପ୍ରକୃତରେ ଏକ ସମୃଦ୍ଧ ଅଭିଜ୍ଞତା ଥିଲା, ଯାହା ଭାରତ ଏବଂ ଥାଇଲ୍ୟାଣ୍ଡ ମଧ୍ୟରେ ସହଭାଗୀ ସାଂସ୍କୃତିକ ଏବଂ ସଭ୍ୟତାଗତ ସମ୍ପର୍କକୁ ସୁନ୍ଦର ଭାବରେ ପ୍ରଦର୍ଶିତ କରିଥିଲା।

ରାମାୟଣ ପ୍ରକୃତରେ ଏସିଆର ଅନେକ କ୍ଷେତ୍ରରେ ହୃଦୟ ଏବଂ ପରମ୍ପରାକୁ ସଂଯୋଗ କରି ଚାଲିଛି।”

Categories
ଅନ୍ତରାଷ୍ଟ୍ରୀୟ ଆଜିର ଖବର ବ୍ୟବସାୟ ରାଜ୍ୟ ଖବର

ଭୁବନେଶ୍ବରରୁ ସିଧା ସିଙ୍ଗାପୁର ଓ ବ୍ୟାଙ୍କକକୁ ଉଡିବ ବିମାନ, ଜାଣନ୍ତୁ କେବେ

ଭୁବନେଶ୍ବର: ଭୁବନେଶ୍ବରରୁ ସିଧା ସିଙ୍ଗାପୁର ଓ ବ୍ୟାଙ୍କକୁ ଉଡିବ ବିମାନ। ଏ ନେଇ ଇଣ୍ଡିଗୋ ବିମାନ ତାହାର ପ୍ରସ୍ତୁତି ଆରମ୍ଭ କରିଛି। ସେହି ଅନୁସାରେ ଇଣ୍ଡିଗୋ ଏୟାରଲାଇନସ ଜୁନ୍‌ ୩ରୁ ଭୁବନେଶ୍ବରରୁ ସିଙ୍ଗାପୁର ଓ ବ୍ୟାଙ୍କକ୍‌କୁ ବିମାନ ଉଡ଼ାଣ ଆରମ୍ଭ କରିବ। ସପ୍ତାହକୁ ଦୁଇଦିନ ଏହି ବିଦେଶ ଯାତ୍ରା କରାଯିବ ବୋଲି ଜଣାପଡିଛି। ଏହି ଯାତ୍ରା ସଂପର୍କରେ ଭୁବନେଶ୍ବର ବିମାନ ବନ୍ଦର କର୍ତ୍ତୁପକ୍ଷ ମଧ୍ୟ ନିଶ୍ଚିତ କରିଛନ୍ତି।

ପୂର୍ବରୁ ଇଣ୍ଡିଗୋ ଏୟାରଲାଇନ୍ସ ମେ ୧୫ରେ ଭୁବନେଶ୍ବରରୁ ଦୁବାଇକୁ ବିମାନ ଉଡ଼ାଣ କରିବା ନେଇ ଘୋଷଣା କରିଛି। ସେହି ଅନୁସାରେ ଦୁବାଇକୁ ଟିକେଟ୍ ବୁକିଂ ମଧ୍ୟ ଆରମ୍ଭ କରିଛି। ସେହିପରି ସିଙ୍ଗାପୁର ଓ ବ୍ୟାଙ୍କକ୍‌ ନେଇ ଖୁବ ଶିଘ୍ର ଟିକେଟ ବୁକିଂ ଆରମ୍ଭ କରାଯିବ ବୋଲି ଇଣ୍ଡିଗୋ ତରଫରୁ କୁହାଯାଇଛି।