Categories
ଅପରାଧ ବିଶେଷ ଖବର ରାଜ୍ୟ ଖବର

ହାଇସ୍କୁଲ ଖେଳ ଶିକ୍ଷକଙ୍କ ଖେଳ ଖତମ, ଧରିଲା ଭିଜିଲାନ୍ସ, ଏତେ କୋଠାବାଡି ଦେଖି ଲୋକେ ଆଶ୍ଚର୍ଯ୍ୟ

ବ୍ରହ୍ମପୁର: ଆଜି ଜଣେ ହାଇସ୍କୁଲ ଖେଳ ଶିକ୍ଷକଙ୍କୁ ଧରିଛି ଭିଜିଲାନ୍ସ। ସେ ଛାତ୍ରଛାତ୍ରୀଙ୍କୁ ଖେଳ ଶିଖାଉ ଶିଖାଉ ପଇସା ଖେଳ ଆରମ୍ଭ କରିଦେଇଥିଲେ। ସେ ଖବର ଭିଜିଲାନ୍ସ ପାଖରେ ପହଁଞ୍ଚିବା ପରେ ଆଜି ତାଙ୍କ ବାସଭବନ ସମେତ ୧୩ଟି ସ୍ଥାନରେ ଚଢାଉ ଚାଲିଛି।ଏଥିରେ ତାଙ୍କ ବନ୍ଧୁବାନ୍ଧବ ଏବଂ ସାଙ୍ଗଙ୍କ ଘର ମଧ୍ୟ ରହିଛି।

ସେ ହେଲେ ଗଂଜାମ ଜିଲ୍ଲା ଜରଦା ଥାନା ଅଧିନରେ ଥିବା ଜୟନ୍ତିପୁରର ଦିବ୍ୟସିହ୍ମା ବିଦ୍ୟାପିଠର ଖେଳ ଶିକ୍ଷକ। ତାଙ୍କ ନାମ ହେଲା ଦନାର୍ଦ୍ଧଦନ ସାହୁ। ଏହି ଚଢାଉରେ ୪ ଜଣ ଡିଏସପି ଏବଂ ୧୨ ଜଣ ଇନସ୍ପେକ୍ଟରଙ୍କ ସହିତ ଅନ୍ୟ କର୍ମଚାରୀଙ୍କ ଦ୍ବାରା ଚଢାଉ ଚାଲିଛି। ଯେଉଁସବୁ ସ୍ଥାନରେ ଚଢାଉ ଚାଲିଛି ସେଗୁଡିକ ହେଲା..

୧-ବ୍ରହ୍ମପୁରର ଫାଷ୍ଟ ଲେନ ସ୍ଥିତ ଅନନ୍ତ ନଗରରେ ଏକ ତିନିମହଲା ଆବାସିକ କୋଠା।

୨-ସେହି ଅନନ୍ତ ନଗର, ୨ୟ ଲେନରେ ଅବସ୍ଥିତ ଏକ ଦ୍ୱି ମହଲା କୋଠା।

୩- ଜୟନ୍ତୀପୁର ଗାଁରେ ଥିବା ଗୋଟିଏ ଦ୍ୱି ମହଲା ବିଶିଷ୍ଟ କୋଠା।

୪- ଜୟନ୍ତୀପୁର ଗାଁରେ ଏକ ମହଲା ବିଶିଷ୍ଟ ଅନ୍ୟ ଏକ କୋଠା।

୫-  ଜୟନ୍ତୀପୁରରେ ଅବସ୍ଥିତ ତାଙ୍କ ନାମରେ ଏକ ଦ୍ବିମହଲା କୋଠା ଯାହା ପୋଷ୍ଟ ଅଫିସ୍ ପାଇଁ ଭଡାରେ ଦିଆଯାଇଛି।

୬- ଜୟନ୍ତୀପୁର ବସଷ୍ଟାଣ୍ଡରେ ଅବସ୍ଥିତ ତାଙ୍କ ନାମରେ ଥିବା ୪ଟି ଦୋକାନ ଘର।

୭- ଜୟନ୍ତୀପୁର ଗ୍ରାମରେ ତାଙ୍କ ପୁଅ ନାମରେ ଥିବା ପେଟ୍ରୋଲ ଟାଙ୍କି

୮- ନିକଟସ୍ଥ ବଳରାମ ପୁର ରାସ୍ତା ପାର୍ଶ୍ବରେ ଅବସ୍ଥିତ ଏକ ମାର୍କେଟ କଂପ୍ଲେକ୍ସ, ଯେଉଁଥିରେ ୭ଟି ଦୋକାନ ଘର ରହିଛି।

୯- ଜୟନ୍ତୀପୁର ଗାଁର ରାସ୍ତା କଡରେ ଅବସ୍ଥିତ ଗୋଟିଏ ଗୋଦାମଘର।

୧୦- ଜୟନ୍ତୀପୁର ଗାଁରେ ତାଙ୍କ ବନ୍ଧୁଙ୍କ ନାମରେ ଥିବା ଶ୍ୟାମଘନ ଗ୍ୟାସ୍ ଏଜେନ୍ସି।

୧୧- ତଳମୁହା ସାହିରେ ଥିବା ତାଙ୍କ ବନ୍ଧୁଙ୍କ ଆବାସିକ ଘର।

୧୨-ଜୟନ୍ତୀପୁର ଗାଁରେ ସମ୍ପର୍କୀୟଙ୍କ ଆବାସିକ ଘର।

୧୩- ଜୟନ୍ତୀପୁର ଗାଁରେ ଥିବା ଅନ୍ୟ ସମ୍ପର୍କୀୟଙ୍କ ଆବାସିକ ଘର।

ଏ ନେଇ ଭିଜିଲାନ୍ସ ଅଧିକ ଖୋଳତାଡ ଜାରୀ ରଖିଛି। ତେବେ ଜଣେ ଖେଳ ଶିକ୍ଷକ କିପରି ଏତେ ସଂପତ୍ତି କଲେ ତାହା ସମସ୍ତଙ୍କୁ ଆଶ୍ଚର‌୍ୟ୍ୟ କରିଛି। ଆଜି ସଂଧ୍ୟା ସୁଦ୍ଧା ସଂପୂର୍ଣ୍ଣ ସଂପତ୍ତି ବିବରଣୀ ମିଳିବ ବୋଲି ଆଶା କରାଯାଉଛି। ( ଫଟୋ-ଭିଜିଲାନ୍ସ )

Categories
ଅପରାଧ ଆଜିର ଖବର ରାଜ୍ୟ ଖବର

ଏନଏସି ର ଆସିଷ୍ଟାଣ୍ଡ ଇଂଜିନିୟରଙ୍କ ଘରେ ଭିଜିଲାନ୍ସ, ଛଅଟି ସ୍ଥାନରେ ଚାଲିଛି ଚଢାଉ

ଭୁବନେଶ୍ବର: ଆଜି ଗୋଟିଏ ପଟେ ନିର୍ବାଚନ ଚାଲିଥିବା ବେଳେ ଅନ୍ୟପଟେ ଭିଜିଲାନ୍ସ ଚଢାଉ ମଧ୍ୟ ଜାରି ରହିଛି। ଏଥର ଭିଜିଲାନ୍ସ ଜାଲରେ ଫସିଛନ୍ତି ଏନଏସିର ଆସିଷ୍ଟାଣ୍ଡ ଇଂଜିନିୟର। ତାଙ୍କର ଛଅଟି ସ୍ଥାନରେ ଏକ କାଳୀନ ଚଢାଉ ଜାରି ରହିଛି। ଏଥିରେ ପାଞ୍ଚ ଜଣ ଡିଏସପି, ଆଠଜଣ ଇନସ୍ପେକ୍ଟର ଏବଂ ଅନ୍ୟ କର୍ମଚାରୀ ସାମିଲ ହୋଇଛନ୍ତି। ଏକ କାଳିନ ଖୋର୍ଦ୍ଧା, ଗଜପତି, ଗଂଜାମ ଏବଂ କୋରାପୁଟରେ ଏହି ଚଢାଉ ଚାଲିଛି।

ଭିଜିଲାନ୍ସ ବିଭାଗର ସୂଚନା ଅନୁସାରେ ଯେଉଁ ଆସିଷ୍ଟାଣ୍ଡ ଇଂଜିନିୟରଙ୍କ ଘରେ ଚଢାଉ କରାଯାଇଛି ସେ ହେଉଛନ୍ତି ମନୋଜ କୁମାର ପାତ୍ର। ସେ ସୁନାବେଢା ଏନଏସିର ଆସିଷ୍ଟାଣ୍ଡ ଇଂଜିନିୟର ଅଛନ୍ତି। ଜୟପୁର ସ୍ବତନ୍ତ୍ର ଭିଜିଲାନସ କୋର୍ଟର ୱାରଣ୍ଟ ବଳରେ ଏହି ଚଢାଉ କରାଯାଇଛି। ଯେଉଁ ସ୍ଥାନରେ ଚଢାଉ ଚାଲିଛି ସେଗୁଡିକ ହେଲା

୧. ଫ୍ଲାଟ ନଂ -୧୦୨, କନିକା ଆପାର୍ଟମେଣ୍ଟ, ପୋଖରୀପୁଟ, ଭୁବନେଶ୍ବର

୨. ପାରଳାଖେମୁଣ୍ଡିର ବି ସୀତାପୁରରେ ଅବସ୍ଥିତ ପୈତୃକ ଘର

୩. ବ୍ରହ୍ମପୁରରେ ସମ୍ପର୍କୀୟଙ୍କ ବାସଭବନ

୪. ବ୍ରହ୍ମପୁର ଶକ୍ତିନଗର ଦୁଇଟ ମହଲା କୋଠା

୫.ସୁନାବେଢାରେ ଥିବା ସରକାରୀ ବାସଭବନ

୬. ଅଫିସ୍ ରୁମ୍, NAC ଅଫିସ୍, ସୁନାବେଡା

(ଏଥିରେ ଥିବା ଫଟୋଟି ହେଉଛି ବ୍ରହ୍ମପୁରରେ ଥିବା ତାଙ୍କ ଦୁଇ ମହଲା ଅଟ୍ଟାଳିକା। ଫଟୋ ସୌଜନ୍ୟ-ଓଡିଶା ଭିଜିଲାନ୍ସ )

Categories
ବିଶେଷ ଖବର ରାଜ୍ୟ ଖବର

ଅତିରିକ୍ତ ଏସପିଙ୍କ ଘରେ ଭିଜିଲାନ୍ସ ଚଢାଉ, ଏକା ନମ୍ବରର ବିଭିନ୍ନ ଗାଡି ଚଳାଇବା ବାବୁଙ୍କ ସଉକ

କଟକ: ଆଜି ସକାଳୁ ଭିଜିଲାନ୍ସ ବିଭାଗ କଟକ ରେ ଥିବା ପୋଲିସ କମ୍ୟୁନିକେସନର ଅତିରିକ୍ତ ଏସପିଙ୍କ ଘର ଉପରେ ଚଢାଉ କରିଛି। ତାଙ୍କ ନାମ ହେଉଛି ତ୍ରିନାଥ ମିଶ୍ର। ଆୟ ବହିଃଭୂତ ସଂପତ୍ତି ଠୁଳ ଅଭିଯୋଗ ପାଇବା ପରେ ଏହି ଚଢାଉ କରାଯାଇଛି। ଏଥିରେ ଏକକାଳିନ ତାଙ୍କ ଡ୍ରାଇଭର ଘର ସହିତ 11 ଟି ସ୍ଥାନରେ ଚଢାଉ ଚାଲିଛି।

ଏହି ଚଢାଉରେ 3 ଜଣ ଅତିରିକ୍ତି ଏସପି, 10 ଜଣ ଡିଏସପି, 13 ଜଣ ଇନସ୍ପେକ୍ଟର ସହିତ ବହୁ ଅଧିକାରୀ ସାମିଲ ହୋଇଛନ୍ତି। ଯେଉଁ ସ୍ଥାନରେ ଚଢାଉ ଚାଲିଛି ସେଗୁଡିକ ହେଲା

1. ଫ୍ଲାଟ ନଂ -2 / 25, ମନୋରାମା ଇଷ୍ଟେଟ୍, ରସୁଲଗଡ, ଭୁବନେଶ୍ବର
2. ନବରଙ୍ଗପୁରର ଗ୍ରାମ-ଡାବୁଗାଓଁରେ ଅବସ୍ଥିତ ପୈତୃକ ଘର
3. ଗ୍ରାମ-ଖାଇରା, ଥାନା- ବଡଚଣା, ଜିଲ୍ଲା-ଯାଜପୁରରେ ଶଶୁର ସ୍ବର୍ଗତ ପ୍ରମୋଦ କୁମାର ଚୈଧରୀଙ୍କ ବାସଭବନ |
4. ସେହି ଖଇରା ଗ୍ରାମରେ ଥିବା ଶାନ୍ତିଲତା ଫାର୍ମ ହାଉସ୍
5. ଚଣ୍ଡିଖୋଲ ଧନମାଣ୍ଡଲ ବଜାରରେ ଥିବା ମେଡିସିନ୍ ଦୋକାନ ସହିତ ଶାନ୍ତିଲାତା କେୟାର ଏବଂ ନର୍ସିଂହୋମ
6. ଚଣ୍ଡିଖୋଲରେ ଥିବା ଶାନ୍ତିଲତା କେୟାର ନିକଟରେ ଥିବା ଶାନ୍ତିଲତା ପରିବହନ (ପ୍ରଥମ)
7. ଚଣ୍ଡିଖୋଲରେ ଥିବା ଶାନ୍ତିଲତା କେୟାର ନିକଟରେ ଥିବା ଶାନ୍ତିଲତା ପରିବହନ (ଦ୍ୱିତୀୟ)
8.ଜଗତସିଂହପୁର ଜିଲ୍ଲା ବିରିଡି ଥାନା ଅଧିନରେ ଥିବା ଦଳେଇଘାଇ ଗ୍ରାମରେ ଅବସ୍ଥିତ SO ଶ୍ରୀ ରାଜୀବ ମହାନ୍ତିଙ୍କ ଡ୍ରାଇଭର ଘର
9. କଟକର ମହାନଦୀ ବିହାର ଠାରେ ତୁଷାର ମିଶ୍ର ଏବଂ ତରୁଣ ମିଶ୍ର ( SOଙ୍କ ପୁଅ) ର ମେଡିସିନ କାରଖାନା
10. ଏସପି, ସିଗନାଲ୍, ତୁଳସିପୁରରେ ଅବସ୍ଥିତ SO ର ଅଫିସ୍, କଟକ
11. କଟକ ମଧୁପାଟଣା PS କ୍ୟାମ୍ପସରେ ଅବସ୍ଥିତ ସରକାରୀ କ୍ୱାର୍ଟର୍ ରେ ଏହି ଚଢାଉ ଜାରୀ ରହିଛି।

ବର୍ତ୍ତମାନ ସୁଦ୍ଧା ତାଙ୍କର ବିଶାଳକାୟ କୋଠା ସହିତ ପାଞ୍ଚୋଟି ଗାଡି ଜବତ କରାଯାଇଛି। ତେବେ ଏହିସବୁ ଗାଡିର ନମ୍ବର ଏକା ପ୍ରକାରର ହୋଇଛି। ଯାହା ତାଙ୍କର ସଉକ ରହିଛି ବୋଲି ସ୍ଥାନୀୟ ଲୋକେ କହିଛନ୍ତି। ଆଜି ସଂଧ୍ୟା ସୁଦ୍ଧା ତାଙ୍କର ପୁରା ଆୟବହିଃର୍ଭୁତ ସଂପତ୍ତି ତାଲିକା ମିଳିବ ବୋଲି ଭିଜିଲାନ୍ସ ବିଭାଗ ତରଫରୁ କୁହାଯାଇଛି।

Categories
ଆଜିର ଖବର ରାଜ୍ୟ ଖବର

ଭିଜିଲାନ୍ସ ଜାଲରେ ବଲାଙ୍ଗୀର ବନ ବିଭାଗର ଡେପୁଟି ରେଞ୍ଜର: ଏକକାଳୀନ ୫ ଟି ସ୍ଥାନରେ ଚଢାଉ

ବଲାଙ୍ଗୀର: ଭିଜିଲାନ୍ସ ପକ୍ଷରୁ ବଲାଙ୍ଗୀର ବନ ବିଭାଗର ଡେପୁଟି ରେଞ୍ଜରଙ୍କ ଘରେ ଚଢାଉ କରାଯାଉଛି। ଡେପୁଟି ରେଞ୍ଜର କେଶବ କିଶୋର ନାୟକଙ୍କ ଘରେ ଭିଜିଲାନ୍ସ ଚଢାଉ କରାଯାଇଛି। ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ୫ ଟି ସ୍ଥାନରେ ଭିଜିଲାନ୍ସ ଚଢାଉ କରିଛି।

ବଲାଙ୍ଗିର ସାଗରପଡା ବାସଭବନ, ଇନ୍ଦିରାନଗର, ଗୁପ୍ତେଶ୍ବର ନଗର, ରେଞ୍ଜ କାର୍ୟ୍ୟାଳୟ ସମେତ ସୋନପୁର ମଝିପଡା ପେତୃକ ବାସଭବନରେ ଚଢାଉ କରାଯାଉଛି।

Categories
ଆଜିର ଖବର ରାଜ୍ୟ ଖବର

କୋପରେଟିଭ୍ ସୋସାଇଟି ସଂପାଦକଙ୍କ ଘରେ ଭିଜିଲାନ୍‌ସ ଚଢ଼ାଉ: କୋଟିଏ ଟଙ୍କାର ସଂପତ୍ତି ଠାବ

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ଆଜି ବ୍ରହ୍ମପୁର ଭିଜିଲାନସ ବିଭାଗ ପକ୍ଷରୁ ସେସ୍ପାଲ୍ ୱାରେଣ୍ଟ ବଳରେ ବୌଦ୍ଧ ଜିଲ୍ଲା କଣ୍ଟମାଳ ବ୍ଲକ୍ ଉମା ଗ୍ରାମର କୋପରେଟିଭ୍ ସୋସାଇଟିର ସଂପାଦକ ସନ୍ତୋଷ କୁମାର ରାଉତଙ୍କ ଘରେ ଏବଂ ଅନ୍ୟାନ୍ୟ ସ୍ଥାନରେ ଏକକାଳୀନ ଚଢ଼ାଉ ହୋଇଥିଲା।

ଆଜି ସକାଳୁ ଭିଜିଲାନସ ଅଫିସରମାନେ ଉମା ଗ୍ରାମରେ ଥିବା ଦୁଇମହଲା କୋଠା, ଉମା ଗ୍ରାମରେ ହିଁ ଅନ୍ୟସ୍ଥାନରେ ଥିବା କୋଠା ଏବଂ ତାଙ୍କ କାର୍ଯ୍ୟାଳୟରେ ଚଢ଼ାଉ ହୋଇଥିଲା। ଚଢ଼ାଉ ପରେ ମୋଟ ସଂପତ୍ତିର ପରିମାଣ ଆକଳନ କରାଯାଇଛି।

ଉମା ଗ୍ରାମରେ ଥିବା ଦୁଇମହଲା ଘର ଯାହାର ମୂଲ୍ୟ ୨୫ ଲକ୍ଷ, ଅନ୍ୟ ଏକ ଘରର ମୂଲ୍ୟ ୨୦ଲକ୍ଷ ୧୦ହଜାର, ୪ଟି ଘରବାରୀ ଏବଂ ଚାଷ ଜମି ଯାହାର ମୂଲ୍ୟ ୮୬ହଜାର ୬୮୩ ଟଙ୍କାର ସ୍ଥାବର ସଂପତ୍ତି ଏବଂ ଅସ୍ଥାବର ସଂପତ୍ତି ମଧ୍ୟରେ ଘରପ୍ରସାଧନ ସାମଗ୍ରୀ ଯାହାର ମୂଲ୍ୟ ୨ଲକ୍ଷ ୮୮ହଜାର ୯୬୯ ଟଙ୍କା, ମାରୁତି ସୁଜୁକି କାର୍ ଯାହାର ମୂଲ୍ୟ ୫ଲକ୍ଷ ୪୧ହଜାର ୩୧୬ ଟଙ୍କା, ଗୋଟିଏ ମହିନ୍ଦ୍ରା ବୁଲେରୋ ଯାହାର ମୂଲ୍ୟ ୬ ଲକ୍ଷ ୨୬ହଜାର ୬୬୮ ଟଙ୍କା, ଗୋଟିଏ ରୟଲ୍ ଇନ୍‌ଫିଲ୍ଡ ଯାହାର ମୂଲ୍ୟ ୧ଲକ୍ଷ ୬୬ହଜାର ୮୬୨ଟଙ୍କା, ହିରୋ ଗ୍ଲାମର ମୋଟର ସାଇକେଲ୍ ଯାହାର ମୂଲ୍ୟ ୪୯ହାର ୨୨୫ ଟଙ୍କା, ଅନ୍ୟ ଏକ ହିରୋ ଗ୍ଲାମର ବାଇକ୍ ଯାହାର ମୂଲ୍ୟ ୫୩ହଜାର ୭୦୫ ଟଙ୍କା, ହିରୋ ପ୍ଲେଜର ସ୍କୁଟି ୪୮ହଜାର ୫୫ଟଙ୍କା, ହିରୋ ଏକ୍ସଟ୍ରିମ୍ ବାଇକ୍ ଯାହାର ମୂଲ୍ୟ ୭୦ହଜାର ୯୩୫ ଟଙ୍କା, ଅନ୍ୟ ଏକ ହିରୋ ଏକ୍ସଟ୍ରିମ୍ ବାଇକ୍ ଯାହାର ମୂଲ୍ୟ ୯୦ହଜାର ୯୦୦ ଟଙ୍କା, ସୋନାଲିକା ଟ୍ରାକ୍ଟର ୬ଲକ୍ଷ ୩୫ହଜାର ୧୨୫ ଟଙ୍କା, ଅନ୍ୟ ଏକ ସ୍ୱରାଜ୍ୟ ଟ୍ରାକ୍ଟର ୬ ଲକ୍ଷ ଟଙ୍କା, ଧାନକଟା ମେସିନ୍ ଯାହାର ମୂଲ୍ୟ ୧ ଲକ୍ଷ ଟଙ୍କା, ବଳଦ ଜୋଡ଼ିର ମୂଲ୍ୟ ୧୦ହଜାର, ନଗଦ ୭ଲକ୍ଷ ୧୮ହଜାର ୯୯୦ ଟଙ୍‌କା, ସୁନା ଅଳଙ୍କାର (୪୦୦ ଗ୍ରାମ) ଯାହାର ମୂଲ୍ୟ ୧୯ଲକ୍ଷ ୯୫ହଜାର ଟଙ୍କା, ବ୍ୟାଙ୍କ ଜମା ୩ଲକ୍ଷ ୫୫ହଜାର ଟଙ୍କା। ସମସ୍ତ ସ୍ଥାବର ଓ ଅସ୍ଥାବର ସଂପତ୍ତି ୧କୋଟି ୯ ଲକ୍ଷ ୪୭ହଜାର ୪୩୩ ଟଙ୍କା ଠାବ କରାଯାଇଛି।

ଶ୍ରୀ ରାଉତ ୧୯୮୪ ମସହିାରେ ସେଲ୍‌ସମେନ ଭାବେ କାର୍ଯ୍ୟାରମ୍ଭ କରି, କୋପରଟିଭ୍ ସୋସାଇଟିର ସଂପାଦକ ହୋଇଥିଲେ। ଅଧିକ ଅନୁସନ୍ଧାନ ଜାରି ରହିଥିବା ଭିଜିଲାନସ ଏସ୍‌ପି ସୂଚନା ଦେଇଛନ୍ତି।