Tag: ମହିଳା ସାଂସଦ

ନୂଆଦିଲ୍ଲୀ: ସଂସଦରେ ମହିଳା ସଦସ୍ୟଙ୍କ କାରଣରୁ ଗଣତନ୍ତ୍ର ସମୃଦ୍ଧ ହୋଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱୀକାର କରିଛନ୍ତି ଏବଂ ନାରୀ ଶକ୍ତି ବନ୍ଦନ ଅଧିନିୟମ ଲୋକଙ୍କ ସ୍ୱରକୁ ଆହୁରି ସୁଦୃଢ଼ କରିବ ବୋଲି ଆଶା କରିଛନ୍ତି।

ଏ ନେଇ ପ୍ରଧାନମନ୍ତ୍ରୀ ଏକ୍ସରେ ଏକ ଆଲେଖ୍ୟ ସେୟାର କରିଛନ୍ତି।

ଏକ୍ସରେ ପ୍ରଧାନମନ୍ତ୍ରୀ ପୋଷ୍ଟ କରି କହିଛନ୍ତି ଯେ, ‘ଶାମିକା ରବି ଏକ ଉତ୍ତମ ଆର୍ଟିକଲ ଲେଖିଛନ୍ତି। ଆମ ମହିଳା ସାଂସଦମାନେ କିପରି ଆମ ଗଣତନ୍ତ୍ରକୁ ଅଧିକ ଜୀବନ୍ତ କରୁଛନ୍ତି ଏବଂ ସ୍ୱାସ୍ଥ୍ୟସେବା, ଶିକ୍ଷା, ଭିତ୍ତିଭୂମି ଓ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଧ୍ୟାନ କେନ୍ଦ୍ରୀଭୂତ କରୁଛନ୍ତି ତାହା ଏଥିରେ ଦର୍ଶାଯାଇଛି। ଏହା ଅତ୍ୟନ୍ତ ଉତ୍ସାହଜନକ ଧାରା ଏବଂ ନାରୀ ଶକ୍ତି ବନ୍ଦନ ଅଧିନିୟମ କିପରି ଲୋକଙ୍କ ସ୍ୱରକୁ ଆହୁରି ମଜଭୁତ କରିବ ତାହାର ଉଦାହରଣ ଦେଉଛି।’

ନୂଆଦିଲ୍ଲୀ: ଲୋକସଭାରେ ଜଣେ ମହିଳା ସାଂସଦଙ୍କୁ ଶିବସେନା ସାଂସଦ ଧମକ ଦେଇଥିବା ଅଭିଯୋଗ ହୋଇଛି। ଅମରାବତୀର ନିର୍ଦ୍ଦଳୀୟ ସାଂସଦ ନବନୀତ ରାଣା ଶିବସେନା ସାଂସଦ ଅରବିନ୍ଦ ସାବନ୍ତଙ୍କ ଉପରେ  ଧମକ ଦେଇଥିବା ଅଭିଯୋଗ ଆଣିଛନ୍ତି।

ଅଭିଯୋଗ ଅନୁଯାୟୀ, ଲୋକସଭାରେ ମହାରାଷ୍ଟ୍ର ସରକାର ବିରୋଧରେ ନବନୀତ ମାମଲା ଉଠାଇଥିଲା। ଏହା ପରେ ଶିବସେନା ସାଂସଦ ଅରବିନ୍ଦ ସାବନ୍ତ ତାଙ୍କୁ ଫୋନ କରିଥିଲେ। ଏବଂ ଅରବିନ୍ଦ ତାଙ୍କୁ ଜେଲ ପଠାଇବା ପାଇଁ ଧମକ ଦେଇଥିଲେ। ଏନେଇ ଲୋକସଭା ବାଚସ୍ପତି ଓମ ବିର୍ଲାଙ୍କୁ ଅବନୀତ ଅଭିଯୋଗ କରିଛନ୍ତି। ଏହା ସହିତ ଶିବସେନା ଲେଟର ହେଡରେ ତାଙ୍କୁ ଏସିଡ ଆକ୍ରମଣ କରିବା ଭଳି ଧମକ ମଧ୍ୟ ଦିଆଯାଉଛି ସେ ଅଭିଯୋଗ କରିଛନ୍ତି।

ସେ ଏକ ଚିଠି ମାଧ୍ୟମରେ ଉଲ୍ଲେଖ କରିଛନ୍ତି ଯେ, ଯେଉଁଭଳି ଭାବେ ଶିବସେନା ସାଂସଦ ଅରବିନ୍ଦ ସାବନ୍ତ ମୋତେ ଧମକ ଦେଉଛନ୍ତି, ଏହା ମୋ ପାଇଁ ନୁହେଁ ସମଗ୍ର ଦେଶର ମହିଳାମାନଙ୍କ ପ୍ରତି ଅପମାନ ଅଟେ। ତେଣୁ ଅରବିନ୍ଦଙ୍କ ବିରୋଧରେ ପୋଲିସ କଡା କାର୍ଯ୍ୟାନୁଷ୍ଠାନ ନେବା ଆବଶ୍ୟକ ବୋଲି ସେ କହିଛନ୍ତି।

ତେବେ ଏହି ଘଟଣାରେ ଅରବିନ୍ଦ ସାବନ୍ତ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ, ଯଦି କୌଣସି ମହିଳାଙ୍କୁ ଶାରୀରିକ କ୍ଷତି ପହଞ୍ଚାଇବା ଭଳି ଧମକି ହେଉଛି, ତେବେ ସେ ତାଙ୍କ ସାଥିରେ ଠିଆ ହେବେ।