ନୂଆଦିଲ୍ଲୀ: ଉତ୍ତରପ୍ରଦେଶର ଯୋଗୀ ଆଦିତ୍ୟନାଥ ସରକାର ମାଫିଆଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି। ମାଫିଆର ହିଟ୍ ତାଲିକାରେ ଅନ୍ତର୍ଭୁକ୍ତ ଗ୍ୟାଙ୍ଗଷ୍ଟର ସୁଧୀର ସିଂଙ୍କ ୧୦୦ କୋଟି ୫ ଲକ୍ଷ ଟଙ୍କାର ସମ୍ପତ୍ତି ଜବତ କରିଛି ପ୍ରଶାସନ। ବିଭିନ୍ନ ପୋଲିସ ଷ୍ଟେସନରେ ଗ୍ୟାଙ୍ଗଷ୍ଟର ସୁଧୀର ସିଂଙ୍କ ବିରୋଧରେ ମୋଟ ୪୦ ଟି ମାମଲା ରୁଜୁ ହୋଇଛି। କୋଟି କୋଟି ମୂଲ୍ୟର ସମ୍ପତ୍ତି ହାସଲ କରିବା ପାଇଁ ମାଫିଆ ଦାନ ପତ୍ର ବ୍ୟବହାର କରିଛନ୍ତି। ଏହିପରି ୧୩ ଟି ଜମିର ଦଲିଲ ବିଷୟରେ ଗୋରଖପୁର ପୋଲିସ ଜାଣିବାକୁ ପାଇଛି, ଯାହାକି ସୁଧୀର ସିଂ ଏବଂ ତାଙ୍କ ପରିବାର ସଦସ୍ୟଙ୍କ ବେନାମୀ ସମ୍ପତ୍ତିରେ ଅନ୍ତର୍ଭୁକ୍ତ।
