ଭୁବନେଶ୍ୱର: ରାଜଧାନୀର ମାଷ୍ଟରକ୍ୟାଣ୍ଟିନ ଛକରେ ଥିବା ମା ତାରିଣୀ ମନ୍ଦିରକୁ ଭାଙ୍ଗି ଦିଆଗଲା। ବିଏମସି ତରଫରୁ ଆଜି ଡ୍ରୋଜର ଲଗାଇ ଏହାକୁ ଭାଙ୍ଗି ଦିଆଯାଇଛି। ଦୀର୍ଘ ୪୦ ବର୍ଷ ଧରି ପୁରା ରାସ୍ତା ଉପରେ ଥିବା ଏକ ବରଗଛ ମୂଳେ ପୂଜା ପାଉଥିଲେ ମା। ଏହି ରାସ୍ତାରେ ବହୁ ଲୋକଙ୍କର ମା ଥିଲେ ସାହା ଭରସା।
ହେଲେ ବିଏମସି ଏବଂ ସ୍ମାର୍ଟ ସିଟି କର୍ପୋରେସନ ତରଫରୁ ସୌନ୍ଦର୍ୟ୍ୟକରଣ ପାଇଁ ଏହି ମନ୍ଦିରକୁ ଆଜି ଭାଙ୍ଗି ଦିଆଯାଇଛି।ପୂର୍ବରୁ ଏହି ସ୍ଥାନରେ ଥିବା ହନୁମାନ ମନ୍ଦିର ଏବଂ ଏହା ଚାରିପଟେ ଥିବା ପାଚେରୀକୁ ଭାଙ୍ଗି ଦିଆଯାଇଥିଲା। ପୂର୍ବରୁ ଅଳ୍ପ ଭଙ୍ଗା ଯିବା ପରେ ଆଜି ତାହାକୁ ସଂପୂର୍ଣ୍ଣ ଭାବେ ଭାଙ୍ଗି ଦିଆଯାଇଛି।
