କୁଜଙ୍ଗ: L&T ଦ୍ବାରା ମେଗା ପ୍ରକ୍ଳପ ନବ ନିର୍ମିତ ଜଳ ଟାଙ୍କି ନିର୍ମାଣ କାର୍ଯ୍ୟ ନିମ୍ନ ମାନର ହେଉଥିବା ନେଇ ସ୍ଥାନୀୟ ଗ୍ରାମବାସୀ କାର୍ଯ୍ୟ ବନ୍ଦ କରିଥିବା ଦେଖିବାକୁ ମିଳିଛି। ପୋତା ବାଲି ଓ ମୁଣ୍ଡା ହୋଇଯାଇଥିବା ସିମେଣ୍ଟରେ ଚାଲିଛି ନିର୍ମାଣ କାର୍ଯ୍ୟ। କୋଟି କୋଟି ଟଙ୍କାର ଅର୍ଥକୁ ଆତ୍ମସାତ କରିବା ପାଇଁ ମସୁଧା ଚଳେଇଛନ୍ତି ବିଭାଗୀୟ ଯନ୍ତ୍ରୀ ଓ ଠିକାଦାର। କୁଜଙ୍ଗ ବ୍ଲକ୍ ପାଟପୁର ପଞ୍ଚାୟତ ପାଟପୁର ଗ୍ରାମରେ ଏପରି ଘଟଣା ଦେଖିବାକୁ ମିଳିଛି।
ତେବେ ପ୍ରତେକ୍ୟ ପଞ୍ଚାୟତକୁ କେନ୍ଦ୍ର ଓ ରାଜ୍ୟ ସରକାର ଜଳ ଜୀବନ ମିଶନରେ ଗଠନ କରି ପାନୀୟ ଜଳର ସୁବନ୍ଦବସ୍ତର ବ୍ୟବସ୍ଥା କରୁଥିବା ବେଳେ ତରଭରିଆ ଭାବେ ପୋତା ବାଲି, ମୁଣ୍ଡା ସିମେଣ୍ଟ ଓ ନିମ୍ନ ମାନର କଂକ୍ରିଟରେ ନିର୍ମାଣ କାର୍ଯ୍ୟ କରି କୋଟି କୋଟି ଟଙ୍କାର ଅର୍ଥକୁ ଆତ୍ମସାତ କରିବା ପାଇଁ L&T କର୍ତ୍ତୁପକ୍ଷ ମସୁଧା ଚଳେଇ ଥିବା ଅଭିଯୋଗ ହୋଇଛି।
ତେବେ ପଞ୍ଚାୟତର କେତେକ ଲୋକେ ମନିଂ ୱାକ୍ କରିବାକୁ ଯାଇଥିବା ବେଳେ ପୋତା ବାଲିରେ ନିର୍ମାଣ କାର୍ଯ୍ୟ ହେଉଥିବା ଦେଖି ବିରୋଧ କରିଥିଲେ। ଏଥିସହିତ ଠିକାଦାର ଓ ବିଭାଗୀୟ ଯନ୍ତ୍ରୀଙ୍କ ମଧୁ ଚନ୍ଦ୍ରିକା ଲାଗି ରହିଥିବାରୁ L&T ଦ୍ବାରା ନିର୍ମାଣ ହେଉଥିବା ମେଗା ପ୍ରକଳ୍ପ ଜଳ ଟାଙ୍କି ନିର୍ମାଣ କାର୍ଯ୍ୟରେ ବ୍ୟାପକ ଅନିୟମିତତା ହେଉଥିବା ଗଣ ମାଧ୍ୟମକୁ ସୂଚନା ଦେଇଛନ୍ତି ସମାଜସେବୀ ଭରତ ପ୍ରଧାନ,ପାଟପୁର ପଞ୍ଚାୟତର ସମିତି ସଭ୍ୟ ଜ୍ୟୋତି ପ୍ରକାଶ ପାଣି, ପ୍ରବୀର ସାହାଣୀ, ରମେଶ ଚନ୍ଦ୍ର ସାହୁଙ୍କ ସମେତ ଅନେକ ଲୋକେ।
ତେବେ ଏହି ମେଗା ପ୍ରକ୍ଳପରେ ହେଉଥିବା ଜଳ ଟାଙ୍କି ନିର୍ମାଣ କାର୍ଯ୍ୟ ସଠିକ୍ ଭାବେ ନିର୍ମାଣ କରିବା ପାଇଁ ପଞ୍ଚାୟତ ବାସୀ ଦାବୀ କରିଛନ୍ତି।