ଚିଲିକା: ଆଜି ପୂର୍ବାହ୍ନରେ ଖୋର୍ଦ୍ଧା ଜିଲ୍ଲା ବାଣପୁର ବିଇଓ ସନାତନ ଜାଲି ଚିଲିକା ବିଇଓ ଭାବେ ଅତିରିକ୍ତ ଦାୟିତ୍ବ ଗ୍ରହଣ କରିଛନ୍ତି। କାର୍ଯ୍ୟାଭାର ଗ୍ରହଣ କରିବା ପରେ ତାଙ୍କୁ ବ୍ଲକର ସମସ୍ତ ଏବିଇଓ, ସିଆରସିସି ଓ ଅଫିସ୍ କର୍ମଚାରୀ ମାନେ ପୁଷ୍ପଗୁଚ୍ଛ ଦେଇ ସ୍ୱାଗତ ଜଣାଇଥିଲେ।
ସୂଚନା ଥାଉକି ଗତ ମେ ମାସ ୩୧ ତାରିଖରେ ଚିଲିକା ପୂର୍ବତନ ବିଇଓ ନଳିନୀ କାନ୍ତ ମହାନ୍ତି ଅବସର ଗ୍ରହଣ କରିବା ପରେ ଉକ୍ତ ପଦବିଟି ଖାଲି ପଡିଥିଲା। ତେବେ ଜିଲ୍ଲା ଶିକ୍ଷାଧିକାରୀ ବିଶ୍ୱନାଥ ତରେଇ ବାଣପୁର ବିଇଓ ଶ୍ରୀ ଜାଲିଙ୍କୁ ଚିଲିକା ବିଇଓ ଭାବେ ଅତିରିକ୍ତ ଦାୟିତ୍ୱ ପ୍ରଦାନ କରିବା ପରେ ସେ ଆଜି କାର୍ଯ୍ୟରେ ଯୋଗ ଦେଇଛନ୍ତି।